اتوجعت كتير خذلان اصدقاء و حبيب و كله استنزفوا مشاعرى مبقاش عندى طاقه و حاسه انى كارهه الناس كلها و خايفه اقرب من حد ع مانجرحش تانى 💔
(خذلان) مسألتيش نفسك مين ممكن يكون المسؤول؟ هحكيلك حكاية ..... لو فيه بنت عندها اخت .. هي المفروض متوقعة من اختها كذا حاجة، لأن فيه برمجة في مخها ان طبيعي ان الاخوات يكونوا بيعملوا كذا وكذا لبعض. المهم اختها ديه خالفت توقعتها ومعملتش حاجة. هل ده خذلان؟ لأ هتقوليلي ما هي خذلتها في الحاجات اللي كانت متوقعها منها .. هقولك هي اللي عملت كده. يعني مثلا لو احنا اصحاب .. وانتي متوقعة ان كل يوم اسأل عليكي .. او مثلا لو عدى اسبوع ومسألتش يبقى فيه حاجة غلط في الموضوع. قومت انا جيت فعلا ومسألتش هل هتعتبريني مش صاحبتك مثلا؟ واني خذلتك ؟ هو مين اللي عمل ده كله انتي .. انتي اللي عملتي كله ده في دماغك .. انتي اللي (توقعتي) انتي ليه بتتوقعي ؟ مفيش حاجة مفروضة .. او متوقعة، انتي بتتعااملي مع شخص فالمفروض انك تتعاملي مع اللي يحصل منه بالظبط. متتوقعيش حاجة او تفرضي حاجة عليه وفجأة تلاقي كل توقعاتك نزلت في الارض .. العشم يا عزيزتي .. متعشميش في الناس ... جبتي العشم منين؟ وانتي مش عارفه اذا كان اللي قدامك ده هينفذ ولا لأ متعمليش توقعات اساسا ناحية الاشخاص .. وتعاملي باللي الواقع بيفرضه عليكي منهم اتمنى اكون افادتك بشئ
تم النشر الاثنين، ٢٣ يناير ٢٠٢٣
اهم كلمة قولتيها...استنزاف طاقة فعلا المواقف اللى بتحصلنا من الاخرين بتسحب من طاقتنا ...سواء مواقف حلوه او وحشه على فكرة. المواقف الوحشة بتسحب طاقة وتحط بدالها ختم باثر سىء ...فبنحس اننا طاقتنا راحت هدر. المواقف الحلوة بتاخد طاقة بس بتسيب مكانها اثر حلو...فبنحس اننا طاقتنا بفايدة. طيب هو احنا لما بنعمل مجهود وجسمنا يوجعنا...بنعمل ايه ...بنريح ونشحن طاقة جديدة لجسمنا ...ونقوم نتحرك تانى ...يعنى مش هنبطل حركة . طب نشحن طاقة نفسية ازاى بقي؟ نعمل حاجات بنحبها فتسيب جوانا اثر حلو فنحس اننا اتكافئنا على طاقتنا ...فوقتها هنبقي مستعدين نبذل طاقة تانيه غيرها. نعمل عمل خير مع حد ونبتسمله ويقولنا شكرا ويدعيلنا حاجة حلوة. نلعب مع طفل صغير ويضحكلنا . نحضر مفاجأه حلوه لحد بسيط ونجبر بخاطرة ولو بكلمة طيبة تبسطة. حاجات بسيطة ممكن تشحنك وترجعلك احساسك الحلو بالناس لان الناس مش كلها وحشين
تم النشر الاثنين، ٢٣ يناير ٢٠٢٣
انا مريت باللى انتى بتحكة عنه فهماه وحساة ف كل كلمه كتبتيها هقولك اللى انا اتعلمته من دة .... اتعلمت ان الناس بشر لا هما ملايكه اديهم كل حاجه بدون حساب او تفكير.. ولا هما شياطين ابعد عنهم واكرههم واتجنبهم.. حطتهم ف مكانهم الطبيعي مكان البشر إللى ممكن يغلط يبعني يسيبني يفضح سرى يفقد ثقتي أى غلط وارد لانه بشر وف نفس الوقت د. طبيعته مش شيطان هما وطبعا اخترت أنى اراقب نفسي كويس وأول ما الاحظ أى شخص هيبدا يدخل لمشاعري بفوقنى وبفرملنى حتى لو أعز القرايب لية لان عارفه ان دول بشر وارد جدا الضعف ف لحظه يفشي سر يتغير يكرة يبعد أى ان كان فانا من البداية اكون عايشة بعقلى وف مشاعر بحب كل الناس بس فاهمه كويس ضعف البشر فالعقل يحكمنى سرى لنفسي مشاعري ليا محبتى بحدود عقلى يكون واعى واعمل حساب يوم لو اختلفنا ممكن أية يحصل فالعقل يحكمني العقل بيربح اوى استخدميه
تم النشر الأحد، ٢٢ يناير ٢٠٢٣
فاهمه مشاعرك جدا والالم والخوف الي حاسه بيه بس اوقات ربنا بيبعتلنا مواقف وناس زي دول عشان نتعلم من تجربتنا دي نتعلم نثق ازاي ف الناس ومين يستحق الثقه ومين لا ومين يستحق نحبه ونديله كل مشاعرنا مكنتيش هتعرفي تتعاملي مع الناس الا لو كنتي مريتي بتجربه زي دي عشان تكوني واخده بالك جدا على كل شخص داخل حياتك وفاهمه الناس كويس..وكمان هو خير ليكي تخيلي الناس دي لو فضلت موجوده كان ممكن يكونوا شر ليكي واذيه كبيره وان ربنا حب يخفف عنك الصدمه في الناس دي بدري قبل ميأذوكي اكتر ... اتأني ف اختيار الناس الي بتتعاملي معاهم وحاولي تلاحظيهم كويس قبل متطمني وتكوني قريبه منهم ومتندفعيش بمشاعرك مع اي حد لحد ميثبت حبه ليكي وانه يستحقك فعلا ويثبتهولك بأفعال مش مجرد كلام
تم النشر الأحد، ٢٢ يناير ٢٠٢٣
الخذلان ده علمك حاجه واكيد غير حاجه في شخصيتك وهيخليكي تبقي حريصه في تعاملاتك بعد كده بالعكس احيانا لازم يحصل معانا مواقف زي كده علشان نتعلم ونستقوي بيها
تم النشر الأحد، ٢٢ يناير ٢٠٢٣
ركز على نفسك وتنمية نفسك وعقلك وسيبك من اى علاقات اشغل نفسك بعملك او دراستك وبعد كده العلاقات هتيجى لوحدها
تم النشر الأحد، ٢٢ يناير ٢٠٢٣
لعرض السؤال في فدني اضغط هنا