ده حاجه بسيطه من كل اللي فيا
سلام عليكم..
انا اول مره أفصح بالكلام ده، بس من صغري وانا متربي تربيه قاسيه واتمنعت من كل حاجه تقريباً حتي مكنتش حاسس بحب الأهل لحد دلوقتي واتربيت علي الطيبه زياده عن اللزوم وده مش كويس وكبرت علي كدا.
وبتحرج من اقل حاجه ومبعرفش اقول رأيي ورهاب اجتماعي ودايما انطوائي ومعنديش صحاب غير اتنين تلاته بس ومبعرفش اتعرف علي حد سواء بنت او ولد، وبسبب تربيه اهلي ليا تفكيري معقد في كل حاجه وفي اوقات كتير مش ببقي معترف بحاجه زي دي.
وعلطول بقيت احس بانعدام شخصية ودي حاجه بتأذيني نفسيا ولو قاعد مع جروب عيله أو صاحب ومعارف مبعرفش اتكلم وبفضل ساكت ولو حصل لي مشكله مبعرفش اخد حقي لأن ابويا تفكيره من الجيل القديم ودايما كان بيقولي لو حد عملك حاجه في المدرسه متاخدش حقك بنفسك روح للميس أو ايا كان.
كبرت ومبقتش اعرف اخد حقي.
معلش طولت عليكم بس محتاج نصيحه تغير حالي لأني في تانيه جامعه ومبقتش قادر اتاقلم وكمان خايف لاني لو دخلت علاقه وخطبت مبقاش قد المسؤولية مع اني فاهم كويس في كل حاجه بس مبعرفش أطبق بسبب المشاكل دي كلها
وعليكم السلام ورحمة الله وبركاته، أولاً، أود أن أشيد بشجاعتك على الإفصاح عن مشاعرك وأفكارك. إن الاعتراف بالمشكلات هو أول خطوات التغلب عليها. يبدو أنك تواجهة تحديات كبيرة تتعلق بتربيتك، وخاصة فيما يتعلق بالشعور بالحب والثقة بالنفس، وهذا يؤثر على تفاعلاتك الاجتماعية وتقديرك لذاتك. في البداية، يجب أن تدرك أن التغيير ممكن، ويتطلب وقتًا وجهدًا. إليك بعض النصائح العملية التي قد تساعدك: تحديد الأهداف الصغيرة : حاول أن تضع أهدافًا قابلة للتحقيق مثل التحدث في مواقف اجتماعية محددة أو قول رأيك في أحد المواضيع مع الأشخاص المقربين. اجعل هذه الأهداف بسيطة وبعيدة عن الضغط. التطوير الذاتي : يمكنك دراسة مهارات التواصل الاجتماعي، فهناك العديد من الكتب والدورات التدريبية التي تقدم معلومات قيمة عن كيفية التفاعل مع الآخرين بطريقة فعالة. الاستعانة بالأصدقاء المقربين : حاول مشاركة مشاعرك مع الأصدقاء الذين تثق بهم، قد يساعدونك في بناء الثقة بالنفس من خلال التشجيع والدعم. طلب المساعدة المهنية : إن كان بإمكانك، فكر في زيارة مختص نفسي يتعامل مع التحديات الاجتماعية. المختص يمكن أن يرشدك إلى استراتيجيات فاعلة للتعامل مع مشاعرك وزيادة ثقتك بنفسك. التدريب على مواجهة المخاوف : ابدأ بخطوات صغيرة مثل التواصل مع شخص غريب، أو الانضمام إلى نشاط جامعوي. سترى أن التجربة يمكن أن تكون إيجابية. تقبل نفسك : تذكر أنك وحدك لست مثاليًا، ولديك نقاط قوة ونقاط ضعف. كونك شخص طيب هو ميزة، لكن يجب أن تتعلم كيفية التعبير عن نفسك. في الختام، تذكر أن لكل فرد رحلته الخاصة وقد يحتاج البعض وقتًا أطول من الآخرين لتجاوز بعض العقبات. كُن صبورًا مع نفسك وحاول أن تطبق هذه النصائح خطوة بخطوة. الله معك، وأتمنى لك التوفيق في رحلتك إلى تحسين وضعك.
تم النشر الأحد، ١٣ أكتوبر ٢٠٢٤
والسلام عليكم ورحمه الله وبركاته. جميل انك بدات اول حاجه تعملها كانك تحل المشكله انك تعبر عنها ودي خطوه مهمه جدا جدا ان احنا نبقى شايفين المشكله فين ونعبر عنها ونقول انا عندي المشكله دي واوصفها بالضبط زي ما هي موجوده. فاللي محتاجين دلوقتي ان احنا نعمله وان احنا نبقى فاهمين حاجه كويس قوي ان الدنيا ما بتقفش عند التربيه الخطا او التربيه اللي فيها مشاكل. الاهل كانوا مقصرين في شيء او كان لهم وجهه نظر بشكل معين او شايفين الحياه من المنظور ده انا الحمد لله كبرت على ايديهم رغم وجهه نظرهم. دي لكن كبرت على ايديهم وبقيت انسان محترم. وبقيت انسان قادر يفكر دلوقتي بادراكه الحالي ويكون له وجهه نظر مختلفه ده شيء جميل وشيء منطقي ان احنا يكون عندنا وجهات نظر مخت. نبدا نعمل ايه بقى بوجهه النظر المختلفه اول حاجه نعملها ان احنا نبدا نطبق وجهه النظر دي. نفهم حاجه كويسه قوي انه التربيه مش على الاهل فقط احنا الاهل بيربونا لحد مرحله معينه ولكن احنا بعد ما بنكبر نبدا احنا كمان نكمل التربيه دي وطول الوقت محتاجين نربي انفسنا نربي انفسنا ازاي يعني كل اما نلاقي حاجه مش مضبوطه او ان نفسنا بدات تروح لطريق غلط بنربيها بنهذبها بنقومها صح؟ نفس القصه بنعملها بالظبط في الحاجات اللي ممكن تكون في مراحل التربيه الاولانيه اللي كانت من خلال الاهل تكون ماطلعتش باحسن شكله ناخدها ثاني ونظبطها ونقومها وما فيش اي مشاكل خالص كان عندنا مهارات ناقصه كان عندنا حاجات وما تعلمناش نعملها عادي جدا مش هناخد بقى بفكره ان بعد ما شاب ودو الكتاب اللي هو يعني دي حاجه ما تعلمتهاش وانا صغير هعرف اتعلمها وانا كبير يا سلام اه طبعا اي حد يقدر يتعلم اي حاجه في اي وقت المهم هو يكون عنده. الاراده ان هو يعمل. ده والاسراف. طيب انا اقول لك على فكره لطيفه اتمنى انك تروح تجربها وبعدين تبقى تيجي تقول لي اه انا لقيت الفكره دي نجحت معايا او لا. حاليا انت محتاج تعمل تشجيع لنفسك ومحتاج تبدا تدرب نفسك لكن مش عارف تاخد الخطوات دي فالتجربه دي ممكن تكون شكل من اشكال الخطوات انا عايزاك تشوف اي اولاد صغيرين في المحيط اللي انت فيه او انت ماشي في الشارع وانت رايح الجامعه يعني ركز كده مع الاولاد الصغيرين اللي في الشارع. شوف اي ولد مثلا لقيت اثنين ولاد في الشارع بيتخانقوا مع بعض. مساء اليد. اقف عندهم وابدا كلهم اللي انت كنت محتاج حد يقوله لك يعني انت دلوقتي عندك اعتراض على ان كانت طريقه والدك او وجهه نظره ان لما حد يضربك روح شوف حد كبير وقل له. فانت شايف ان ده اثره سيء فانت دلوقتي هتعمل ايه وانت شايف ولد بيضرب الثاني هتمسك الولد اللي هو بيطرد ده وتقول له انت ما تسيبهوش يضربك دافع عن نفسك يعني لما يبقى واقف كده شد ايدك وشد ذراعك جامد علشان هو ما يجيش يخبطك في جسمك وقف ايده اللي جايه تخبطك من حقك انك تدافع عن نفسك قول الكلام ده للولد بصوت عالي ووري الولد يعمل ده ازاي وده اللي هيكون دافع عليك وتاكيد لنفسك انك تقدر تعمل ده لانك هتبقى وقفت نصحت حد بيه وكمان وريته يعملوا ازاي وهيبدا الموضوع ان شاء الله بالتدريج يكون عملي بالنسبه لك وتاخد ثقه بنفسك اتمنى انك تجرب الطريقه دي في اكتر من موقف وكل ما هتجرب هنعولات صغيرين وتبقى انت اللي بتعلمهم اللي انت مقتنع بيه اللي هو عكس اللي باباك ومامتك كانوا بيعملوه. ان شاء الله ممكن تلاقي نتيجه كويسه ولو ما نجحتش معك تعالوا نشوف طريقه ثانيه ان شاء الله.
تم النشر الأحد، ١٣ أكتوبر ٢٠٢٤
هي مشكلتك محتاجه منك مجهود شويه على شخصيه حاول تختلط في المجتمع وشارك في انشطه كتير هيكون صعب عليك في الاول بس بعد كده هتتعود وهتتعلم ازاي تتعامل زي اي حاحه في الاول صعبه العب رياضيه تساعد جدا في الثقه في النفس اتعود تقول رايك ومتخجلش منه جرب مره هتلاقي التانيه وتالته سهله هي عايزه منك شويه جرأه متسلمش نفسك للوساوس الي في دماغك اسمع برده بودكاست عن بناء الشخصيه لو عندك قدره تروح لحد مختص يساعدك برده متترددش
تم النشر الأحد، ١٣ أكتوبر ٢٠٢٤
وعليكم السلام ورحمه الله وبركاته اي مشكلة تظهرلك في الحياة تعامل معاها بطبيعتك بمعني انك كراجل خليك عارف ازاي ابقي راجل حقيقي وخليك دايما بتحاول متخرجش من الدايره دي طبيعية الراجل الأساسية واثق من نفسه اول حاجة حضرتك محتاجها هي تغيير نظرتك عن طفولتك باعترافك بأنها قاسية وتفريغ المشاعر القديمة المؤذية علشان يروح معاها الكلام السلبي ومحاولة تحسين جودة وطبيعة علاقاتك وأنها تكون بيئة ناجحة لأن جودة علاقتنا بتدل علي جزء من جودتنا وطبعا لو متعلق بحد تحاول تفك التعلق ده وده لانه عكس الثقة بالنفس تماما هادي ومستقر متركزش علي افكار كتير ومتسمحش لعقلك أنه يهدر طاقتك علي التفكير وخلي ليك قواعد واضحة للاستقرار من وجهة نظرك بعيد عن اي نظرة تانية مغامر خلي ليك ولو يوم في الاسبوع تعمل في حاجة انت بترفضها لسبب غير حقيقية واعملها لحد ما توصل لدرجة الانفتاح اللي متخلكش تخاف عارف هو عايز اي وهيحققه ازاي وطبعا مفيش حد بيعرف هو عايز اي وهو مش واثق من نفسه ادي لنفسك وقت كل يوم تخطط في لحاجة انت عايزها وتكون خطة مناسبة ليك علشان تقدر تنفذها مسئول المسئولية مش فرض علي قد ما هي احساس وكل ما تكون عارف انت عايز اي وطبيعة دورك في الحياة هتكون عارف اي مسئولياتك من وجهة نظرك متخليش تعريف حد لحاجة في حياتك يكون أمر واقع طالما مجربتش بنفسك وطالما انت عندك حاجة انسب ليك يبقي تمام متحكم في نفسه انت محتاج تكون متحكم في افكارك وتعرف تخلي دماغك امتي تفكر وامتي تسكت وكل ده بيجي مع التدريب محتاج تتحكم في مشاعرك وتعرف ازاي تديرها وتختبر المشاعر الحقيقة بعيدا عن كلام حد ليك عنها ده احسن طريق تتحكم بيها في مشاعرك طاقتك غالية اوي متضيهاش علي مواقف علي أشخاص علي اي حاجة غير انسانيتك قدر قيمة مشاعرك قادر يحس ويحسس اللي حواليه بالأمان محدش هيحسس حد بحاجة هو مش حاسسها وجنب أنك محتاج تحافظ علي الصفات دي طبعا محتاج تهتم بجسمك علشان تظبط هرموناتك واللي طبعا هيكون مؤثر علي نفسيتك
تم النشر الأحد، ١٣ أكتوبر ٢٠٢٤
لعرض السؤال في فدني اضغط هنا