دايما بحس بخوف وبقلق وتوتر ولما بحس بكده بحس ان انا بدوخ ومعدتى بتوجعني وبتعب وبيحصل ضيق تنفس بسيط ودايما انا اللى بحب بس مبتحبش وانا اللى براضي ومحدش بيراضينى ف ناس دايما بتزعلنى ومحدش بياخد باله من كده وانا اللى ع طول بصالحه مش بلاقي حد يقف جنبي وانا دايما بقف جنب اى حد بشوفه مخنوق ومتضايق مفيش حد بيسال عليا انا اللى ع طول بسال
حاولي تتخلصي من ده عن طريق تمارين التنفس العميق او اليوجا وممارسة التأمل هتلاقي الموضوع بيقل بالتدريج وال stress هيقل ،استعيني باليوتيوب وشوفي التمارين دي وجربي وهتحسي بالفرق .. بالنسبه لموضوع الطيبه اللي فيكي وأنك حاسه انك بتدي كتييير ومبتاخديش ... " افعل الخير وليقع حيث يقع ..فإن وقع في أهله فهم أهله.. و إن وقع في غير أهله فأنت أهله... ف أنا انصحك تهتمي بنفسك وتحطي حدود لنفسك ف التعامل مع الآخرين تحاولي تبطلي ده ف دائماً لو عملتى حاجه لشخص ف انتى تعمليها ومتستنيش مقابل لـ ده لأنك مهما عملتى مش هتعرفي لاترضيهم ولا تاخدي اللي مستنياه منهم وده هيجي بالتدريج والاستمرار عشان العلاج بيحتاج وقت خليكي فاهمه النقطه دي كويس
تم النشر السبت، ٢٠ يناير ٢٠٢٤
انك تشوفى نفسك فى وضع المظلومه دايما وتقييمى كل المواقف انها سلبية وانك مش واخده اى حاجة وبيتاخد منك وبس ..ده استنزاف لطاقتك النفسية ومن طريقة تفكيرك بتخافى بقى طول الوقت ان اللى جاى كله يبقى ظلم بردوا فتحسى بالوجع وتستحضريه من غير ما يحصل اصلا انظرى الى كل الجوانب ...الحلو والوحش بدل التركيز على الجانب السىء بس
تم النشر الأحد، ٢١ يناير ٢٠٢٤
حبي نفسك اكثر وثقي ف نفسك ومتبنيش سعادتك علي حد
تم النشر السبت، ٢٠ يناير ٢٠٢٤
اللى مايستحملش، هزارك متهزرش معاه
تم النشر السبت، ٢٠ يناير ٢٠٢٤
بصي حضرتيك او حضرتك انا عندي نفس الحاله و كنت بدايق جدا اني انا الي براضي و بصالح يعني بلبلدي كدا مصلح اجتماعي حرفيا فا دايما لما كنت بصالح دا و اكلم دا عشان اساعدو و كدا مكنتش بلاقي حد واقف جنبي و كنت دايما بدايق ان مفيش حد شايفني رقم واحد في حياتو او شايفني حد مهم بلنسبالو او حد يهتم بيا اصلا كنت ساعات بشك اني مش موجود في الحياه اصلا ومليش رأي خالص لحد كانت بتصعب عليا نفسي اوي لحد ما قررت اقعد مع نفسي اقرأء قصصي كتبي الرعب و اتفرج علي رعب الي انا بدمنو و اشغل و اسمع اغاني كتير مع ان دا غلط بس كنت بحاول ابطلهم وحدة وحدة و اعمل الي يفرحني من غير ما احتاج لحد دا ساعدني اني محتجش لحد بقيت اسىاعد من غير ما استني مقابل دلوقتي بقيت حاسس بشعور افضل و عملت لنفسي عالم انا ملكو و بقيت حياتي مع نفسي و مينفعش ننسي اهم جزء و هو اني بصلي و اقرأ قرأن و ادعي ربنا علطول و النشاطات الي انا كنت بقول عليا دي كنت بعملها في وقت فراغي عشان افرح نفسي و حطي دايما في دماغك ان الدنيا فانيه ومحدش هيفيد حد و هو في قبرة خلينا قريبين من ربنا و هو هيساعدنا و يقف جنبنا و انشاء الله ربنا مش هينساكي الله يمهل ولا يهمل متحطيش املك في حد خليكي ملكت عالمك اتمني اكون فدت حد
تم النشر السبت، ٢٠ يناير ٢٠٢٤
احنا حبيبتي جنبك
تم النشر الاثنين، ١٨ مارس ٢٠٢٤
• المُعالجة من هذه الأعراض تبدأ عندما تُحبي نفسك وتُقدري ذاتك ، وتسعي لإسعادك ومُساعدة نفسك ، ولا تبذلي أي مجهود لتُرضي أحد أو تكسبي وجود أحد ، اسعي فقط لإرضاء اللَّه واهتمي بدراستك أو عملك وابدأي صفحة جديدة ، وإذا أُتيحت الفُرصة تابعي مع مُختصة نفسية بحيث تدعمك.
تم النشر السبت، ٢٠ يناير ٢٠٢٤
لعرض السؤال في فدني اضغط هنا