أنا فى الجامعه وبحب ولد بس مش عارفه دا حب ولا اعجاب ولما مش يشوفه بحس انى حزينه جدا ومفيش اى تعامل بنا خالص الى الان بس هو ساعت بيبص عليا وساعات بحس أنه مش مهتم مش عارفه احكم ولا أفهم حاجه
السلام عليكم، مش عارفة أنتِ أول سنة بالجامعة ولا لأ، بس المشاعر والعلاقات في الجامعة أغلبها بتكون عابرة ومبنية على مشاعر متطايرة ومتغيرة ومش بينبي عليها مستقبل، نادرًا ما بيكون حد جاد فعلا، فبلاش تبني خيالات أو تاخدي خطوة ممكن تندمي عليها بعدين. الحب مش بالنظرات عامة، فمتفكريش كتير في تفسير نظراته وهل هو بيبص فعلا أو لأ. لأن ممكن احتمال كبير يكون اهتمامك به هو اللي مهيألك إنه بينظر لك، وممكن يكون فعلا وعنده فضول وانجذاب ناحيتك، كلها احتمالات، لكن السؤال المهم هنا، لو كان بيبص فعلا ومهتم وفكر يقرب منك ويعترف لك مثلا.. هتعملي إيه؟ هتوافقي تمشي معه وتصاحبيه؟ لو ده تفكيرك فنصيحة بجد، بلاش... العلاقات بين الولاد والبنات أصلا في ديننا حرام والبنت أكبر خاسر بتخرج من العلاقة دي. لو شخص جاد وبيفكر يتقدم لك ويخطبك وتتعرفوا رسميًا بعلم أهلك تمام كده صح، غير كده يبقى بتضيعي وقتك ومشاعرك على الفاضي. فكري في نفسك ودراستك وطوري نفسك ولما الوقت المناسب ييجي هتقدري تختاري الشخص المناسب اللي يستحقك ويقدرك. ده رأيي، وبالتوفيق.
تم النشر الثلاثاء، ٢٥ مارس ٢٠٢٥
من وجهة نظري ده مجرد اعجاب مش اكتر بس انتي حاولي متفكريش في الموضوع كتير وركزي على مستقبلك اما بالنسبه ان هو اوقات بيبصلك ف ده مش معناه انه معجب بيكي لا خالص هو بس ممكن انتي مثلا اتكلمتي او عملتي حاجه لفتت نظره فبص عليكي بس ده كل الموضوع انا مش قصدي بكلامي انك بتعملي حاجات ملفته للنظر بس قصدي يعني مثال ان مثلا كنتو في السكش وانتي سألتي سؤال كده يعني
تم النشر الجمعة، ٢٨ مارس ٢٠٢٥
إعجاب، لو شيلتي الموضوع من راسك هتفكري في الأحسن منه فمتتسرعيش في حاجه ممكن تاخد من عمرك وتوديك للغلط
تم النشر السبت، ٢٩ مارس ٢٠٢٥
لعرض السؤال في فدني اضغط هنا