السلام عليكم، مش عارفة أنتِ أول سنة بالجامعة ولا لأ، بس المشاعر والعلاقات في الجامعة أغلبها بتكون عابرة ومبنية على مشاعر متطايرة ومتغيرة ومش بينبي عليها مستقبل، نادرًا ما بيكون حد جاد فعلا، فبلاش تبني خيالات أو تاخدي خطوة ممكن تندمي عليها بعدين. الحب مش بالنظرات عامة، فمتفكريش كتير في تفسير نظراته وهل هو بيبص فعلا أو لأ. لأن ممكن احتمال كبير يكون اهتمامك به هو اللي مهيألك إنه بينظر لك، وممكن يكون فعلا وعنده فضول وانجذاب ناحيتك، كلها احتمالات، لكن السؤال المهم هنا، لو كان بيبص فعلا ومهتم وفكر يقرب منك ويعترف لك مثلا.. هتعملي إيه؟ هتوافقي تمشي معه وتصاحبيه؟ لو ده تفكيرك فنصيحة بجد، بلاش... العلاقات بين الولاد والبنات أصلا في ديننا حرام والبنت أكبر خاسر بتخرج من العلاقة دي. لو شخص جاد وبيفكر يتقدم لك ويخطبك وتتعرفوا رسميًا بعلم أهلك تمام كده صح، غير كده يبقى بتضيعي وقتك ومشاعرك على الفاضي. فكري في نفسك ودراستك وطوري نفسك ولما الوقت المناسب ييجي هتقدري تختاري الشخص المناسب اللي يستحقك ويقدرك. ده رأيي، وبالتوفيق.
تمام شكرا
تم النشر الثلاثاء، ٢٥ مارس ٢٠٢٥
تمام، ما هو زي ما قلت لك، حتى لو فيه اهتمام وفضول من ناحيته، أي خطوة غير رسمية من ناحيته هتبقى غلط... اللي بيحب حد هيكون جاد ناحيته وياخد الخطوة الصح، هل لو هو بيحبك فعلا هيكون عنده إمكانية إنه يتقدم لك... هل أنتم في عمر يسمح بالزواج وظروفكم تسمح بده حاليًا؟ أنتِ كبنت غالية جدًا وعزيزة، فمشاعرك وقلبك مش أي حد بالساهل ياخدهم تحت أي مسمى زي الارتباط والصحوبية والتعارف ولا حتى الحب... الحب نفسه مش حرام في ديننا لكن الخطوات اللي بناخدها ناحيته هي اللي ممكن تخرجه من إطار الحلال للحرام... أنا متفهمة جدًا مشاعرك والمرحلة اللي بتمري بها لكن صدقيني هي مؤقتة و أغلبنا مرينا بها وانتهت وراحت لحال سبيلها... لو ركزتِ على نفسك ودراستك وإزاي تطوريها وتملي وقتك باللي يخليكِ أفضل هتلاقي المشاعر دي بتتراجع للزاوية ومش هتلاقي وقت للفراغ العاطفي أو التفكير فيه، لحد ما توصلي لدرجة النضج وتعرفي أنتِ عاوزة إيه فعلا لحياتك وإيه اللي ينفعك ومين يستحقك فعلا.
تم النشر الثلاثاء، ٢٥ مارس ٢٠٢٥
اه بس حتى لما بروح.غى اي مكان بيجي ورايا
تم النشر الثلاثاء، ٢٥ مارس ٢٠٢٥
لعرض الإجابة في فدني اضغط هنا