انا نفسي التزم في الصلاة اوي يعني كل اما التزم اسبوعين مثلا ومضيعش فرض وتيجي البريود بعدها باخد فترة كبيرة لحد اما ارجع انتظم تاني وده بيضايقني جدا وبزعل م نفسي اوي ياريت حد يفيدني ويقولي اعمل ايه عشان الموضوع ده مأثر جامد
حصل معايا كده فتره والشيطان بيلعب ساعات عليكي و يكسلك.. النفع معايا حاجتين جدول بجد ببقي مبسوطه آوي وشايفه كله متعلم عليه صح واكافأ نفسي بورد حمد وشكر لله أعوض أي حاجة تفوتني وازود فيها خشوعي زي ماكون بغيظ الشيطان إن كل ما تحاول تبعدني هرجع اقوي يعني أي معصية علاطول الزقي فيها طاعه هتنتظمي لوحدك وطبعا آنتي من جواكي مدام زعلانه من ده يبقي آنتي حابه فعلا ومرتاحه فعلا فصلتك بربنا.. تجري كده تفضي ال جواكي وإنت ساجده وتدعي يدلك وييسرلك الحال يارب
تم النشر الأربعاء، ٨ مارس ٢٠٢٣
خليكي شايفه ان الصلاه هي الحبل الي بيوصلك بربنا دايما وان خللك ف العباده بيخل توازن الحبل ده كمان استشعري ان ف كل اذان ربنا بيناديكي انتي بأسمك عشان يشوفك يسمعك ف بعد ميندهك متملبيش النداء كمان ممكن تعملي جدول للصلاه يوميا لمده اسبوع وشفي كل اخر اسبوع جمعتي كام يوم التزامك وكافئي نفسك بحاجه بتحبيها وخليكي متيقنه ان الصلاه والعباده ده الي حميكي وباعد عنك اي شر وموسع رزقك وباعد عنك الشيطان هيفرق معاكي جدا وممكن تخلي حد يشجعك من صحابك او اهلك يفكرك بالصلاه او يصلي بيكي جماعه مثلا وان شاءالله ربنا يراضيكي
تم النشر الأربعاء، ٨ مارس ٢٠٢٣
نصيحة غالية من د.هالة سمير https://youtu.be/ngF7Uv1iSgc
تم النشر الثلاثاء، ٢٥ أبريل ٢٠٢٣
لعرض السؤال في فدني اضغط هنا