دلوقتي انا عندي مشكله اني بحب شخص وادتيه كل الامان وهوا بردك قالي انه حبني وكان باين عليه ملاك بجناحين ولما كنت بشوفه كنت بشوف في عينه نظرت الاعجاب والحب ليا وبعدين. انا قررت نسيب بعض عشان نرضي ربنا ويبقي ليا في الحلال مع العلم ان الشخص ده كان واعدني بالزواج وكلمني كذا مره في الموضوع ده وانا لم اظهر اني اوافق او ارفض
المهم انه قبل نسيب بعض بس ممسحتش رقمه ولا مسح رقمي وبتابعني واتابعه من الاستوري بتاعه من غير ما نتكلم وفجأه رجع الكلام بينا تاني والمره دي هو الي نهي العلاقه وبرده بسبب اننا منغضبش ربنا وكتب تاريخ كده في وصف الوتساب بتاعه لما سألته تاريخ اي مردش عليا المهم بعد فتره من الموضوع ده خمس ايام تقريبا اكتشفت ان فيه بنت تانيه كاتبه نفس التاريخ ولما سألتها وبعد تحاور اكتشفت انه كان مرتبط بيها وبيحبها وبيقول لها نفس الكلام الي قالهولي في بعض الاحيان وانه نهي علاقته بيها بنفس الطريقه
هو كان بيكلمها وهوا بيكلمني وبيحبها ويحبني ومعرفش ازاي ده كان طول الوقت بيكلمني طول الوقت حرفيا بعدين قررت اكلمه واعاتبه قالي انها كانت قبلي وان مفيش حد بعدي وانه نهى كل حاجه وانه دلوقتي بيبدأ صفحه جديده
سؤال: الشخص بعد الكدب ده كله ينفع اصدقه او لو طلب يرجعلي ارجعله؟
مع العلم ان بعد ما قالي انه تاب اكتشفت انه رجع كلم البنت الي كان عارفها قبلي وطلب يرجعلها انا عايزه حل اخلص من كل الألم الي انا حاسه بيه وانساه وعايزه طريقه انتقم منه بيها واعرفو بيها قيمتي واذله واهينه زي ما زلني ده أنا كنت بحبه حب لدرجه اني كنت بدعي بيه في كل صلاه وف كل وقت عايزه بجد نصايح وحلول عشان تعبت وده أثر علي نفسيتي وصحتي كتير
أنا اتوجعتلك والله! يا بنتي ايه اللي مخليكي عايشة القرف دا (انا اسفة يعني في الكلمة بس انا عايزة اقولها) ايه اللي جابرك تستحملي المشاعر دي، ايه اللي جابرك تصدقيه او تكذبيه ايه اللي جابرك تكلميه وانتي نفسك قولتي انه حرام؟!!!! أنا بجد زعلانة عشانك ومتضايقة منه جدا يعني. المهم سبيه، توبي انتي ومالكيش دعوة بيه، تاب ما تابش رجعلها مارجعلهاش مالكيش دعوة. النبي صلى الله عليه وسلم قال: "إن الله يغار وغيرة الله أن يأتي العبد ما حرم الله عليه". ف اي حد بيعمل حاجة حرام ربنا سبحانه وتعالى بيغير اللي هو ليه تعمل الحرام وربنا سبحانه وتعالى محلله؟!! ولو فضل الشخص مكابر ربنا سبحانه وتعالى بيعاقبه سواء بنفس الذنب اللي كان بيعمله او بحاجة تانية. فنصيحتي خليكي غالية انا حاسة ان فيكي حاجة كويسة ف سيبي الرخيص للرخيص، آينعم هتتعبي شوية لإنك هتحرمي نفسك من حاجة اتعودتي عليها، لكن ايه المشكلة في مقابل تبقى غالية وعزيزة واللي عايزك لازم يسترجل و يدخل الباب مش يستخبى ويدخل من التليفون!!!!
تم النشر الأحد، ٢٣ مارس ٢٠٢٥
طريق التخلص من الالم يكون بذكر الله كما قال الله تعالي الا بذكر الله تطمئن القلوب واعرفي ان اى علاقه بدايتها لا ترضي الله تاكدى ان نهايتها لن ترضيكي انصحك بالاتي اولا تقبلي الالم ولا ترفضيه ثانيا قومي بحذف اى شىء متعلق بيه رقم شات صور لان كل هذه الاشياء تحفز شعور الالم داخلك ثالثا اكتبي فى ورقه كل العيوب والالم النفسي الذي تسبب فيه لك فهذا يحفزك علي الابتعاد عنه ورابعا واهم شىء اعملي تمارين نفس شهيق وزفير مع التسبيح بالله فهذا يساعدك علي اخراج الطاقاقات السلبيه الي جواكي من كره وحزن
تم النشر الأحد، ٢٣ مارس ٢٠٢٥
شكرا بجد لنصيحتك يقمر ♥♥
تم النشر الأحد، ٢٣ مارس ٢٠٢٥
عايزه تعلميه الأدب مفيش غير حل واحد التجاهل لما تشفيه ولا كانك تعرفيه كانه هو قدامك هواء بيني انك قويه حتى لو انتي ضعيفه بس اوعي تبني ضعفك قدامه وركزي في دراستك اوي وثبتي نفسك واثبتي انو هو ولا فارق معاكي واضحكي وهزري ولا تكلميه ولا تعاتبي انتي تستاهلي واحد احسن منه مليون مره تستاهلي واحد يشيللك في عينه وقلبه يخاف عليكي بجد ويديكي كل الحب اللي في الدنيا قربي من ربنا اكتر وادعي دايما وانتي قويه اوي وهتنسي ومتفكريش فيه خالص وشغلي نفسك على طول بدراستك وانك تطوري نفسك وهتلاقي نفسك نستيه خالص وهيجي العوض اللي ينسكي كل الوحش اللي في الدنيا محدش يستاهل تزعلي نفسك علشانه
تم النشر الأحد، ٢٣ مارس ٢٠٢٥
لعرض السؤال في فدني اضغط هنا