انا طالب في الصف الثالث الثانوي
بدات السنه بحماسه لكن مثل كل الطلاب بدا حماسي للمذاكره يقل استمريت رغم قله حماسي لكن بكفاءه في المذاكره اقل في الواقع اشعر كانني لم اكن اذاكر شيء مهما بذلت من جهد واشعر بضغط كبير خاصه لرغبتي ان اكون من اوائل الجمهوريه مسحت كل تطبيقات وسائل التواصل الاجتماعي وما زلت اشعر انني مشتت ولا استطيع ان اكمل ما احدده في مذاكرتي حتى وان كان بسيط وخصوصا عندما يتعلق الامر بالمواد التي اكرهها مثل العربي والكيمياء والى اخره واحتاج حقا الى نصيحه لانني اذا استمريت بهذا المعدل الدراسي لن اصل حتى الى ربع ما اريد
الثانويه العامه دي معروف ان هي سنه صعبه على الكل وهي سنه معروفه بالضغط النفسي فنصيحه من شخص مجرب ما فيش حاجه اسمها ان انا امسح مواقع التواصل الاجتماعي بالعكس انت كده مش بتدي لعقلك فرصه ان يخرج من مود المذاكره ولا حتى ان انت تغير نفسيتك.. طبيعي من قعده الكتاب طول الوقت ومن البيت لي الدروس ومن الدروس للبيت ان نفسيتك تتعب و تحس بس ملل و حماس قليل لازم تفصل شويه تغير مود المذاكره زي ان انت تقابل اهلك تقعد حتى مع اهلك في الصاله وتقعد مع مامتك مع باباك مع اخواتك كل دي حاجات هتغير من مودك هي حاجات تبان بسيطه لكنهابتفرق معاك جدا ... السوشيال ميديا دي بتاثر عليك أنها تغير المود حتى لو كنت هتتفرج او مش هتعمل اي حاجه عليها انا مش بقولك اقعد عليها طول الوقت لكن على الاقل خلي في وقت بسيط يفصل عقلك ... الثانويه العامه والتوتر و قله الحماس ده شيء طبيعي جدا وعادي ان يحصلك حاجه زي كده وخصوصا ان ده اول مره تتحط في ضغط نفسي زي كده فبتحس ان حماسك قل لكن توكل على الله واستغفر ربنا كثير واستودع نفسك عند ربنا وحاول ذاكر مره واثنين وثلاثه وانت لما تلاقي المذاكره دي بتجيب فايده في الدروس وفي حياتك انت هتلاقي اقبال علي المذاكره اكثر من الاول ... حاول ان انت تغير طريقه مذاكرتك حاول ان انت تغير المكان حتى اللي انت بتذاكر فيه حاول ان انت تجدد في المذاكره بتاعتك بالطرق سواء بقى بالمكان او حتى بالطريقه او بي وقت المذكره يعني لو بتذكر بليل اعكس و ذاكر و العكس صحيح او ان انت مثلا تخلي حد يذاكر معاك او تذاكر مع حد كل دي حاجات بتساعد ان انت تغير المود وحاجات بتحفزك اكتر على المذاكره و صدقني هي سنه هتعدي بحلوها ومرها واللي انت عايزه ممكن تاخده ممكن ما تاخدوش لكن خلي دايما في بالك الدعاء ده( يا رب قرب لي كل ما تراه خيرا لي وابعد عني كل ما تراه شرا لي) انت من قبل ما تيجي الدنيا دي وانت ربنا كاتب لك مستقبلك بالدقيقه والثانيه يعني انت معروف من زمان انت هتخش كليه ايه لكن انت عليك السعي وان شاء الله ربنا مش هيخيب أملك انت وكل اللي زيك وان شاء الله تكون سنه سعيده عليك وبكره تفتكرها وتضحك عليها وتقول دي كانت ايام عمرها ما تتنسي ....!
تم النشر السبت، ٢ مارس ٢٠٢٤
خليك فاكر تعبك طول السنين إلى فاتت دى وتعب اهلك معاك جه الوقت إلى تردلهوم جزء من إلى بيعملو خليك فاكر لحظة ماتيجى تظهر وتشوف فرح اهلك بيك وفرحتك بنفسك هى ثانوى صعبة وفيها كمية ضغط نفسى بس اعمل إلى عليك علشان مجيش تلوم نفسك وتقول ياريت قدام لما تعمل إلى عليك سعتها ربنا هايقف معاك ربنا مش بيضيع تعب حد رجمع حماسك تانى لسه ٣ شهور ومتأيس وتقول مش هالحق ربنا هايديك على تعبك طول السنة وربنا معاك وتدخل إلى نفسك فية
تم النشر الاثنين، ٤ مارس ٢٠٢٤
حاول تراجع نفسك مع الصلاه وي اقرا قران لو 3 مرات في لاسبوع بس المهم تقرا حاول تشوف مدرسين بدو اونلاين انت بتفهم منهم وي راجع المواد من لاول الي انتا بتكرها. وتمنا ليك التوفيقك
تم النشر الأحد، ٣ مارس ٢٠٢٤
انا معك بردق في نفس الصف
تم النشر الأحد، ٣ مارس ٢٠٢٤
مبدئيا راجع علاقت مع ربنا واطلب منة العون والتوفيق . تاني حاجة لما تيجي تذاكر ابدأ بالمواد اللي بتحبها ودا هيفتح نفسك علي المذاكرة وهيديك شغف وكل م تخلص حاجة من المواد اللي عليك كافئ نفسك بخروجة مع صحابك مثلا او قعدة وسط اهلك اي حاجة من دي ولما تيجي تذاكر حط هدفك قدامك الكلية اللي انت عايزها هتلاقي نفسك عايز تذاكر اكتر واهم حاجة تكون محاط وسط ناس ايجابيه سواء صحاب او غيرة ناس بتشجعك علي المذاكرة وعايزين يوصلوا لأهدافهم دا هيفرق معاك ، ذاكر واتعب واعمل كل اللي تقدر علية علشان يوم النتيجة وفرحت اهلك بيك وفرحتك انت بنفسك هتمحي اي تعب في السنة دي اليوم دا يستاهل ان احنا نتعبلة جامد وافتكر ان ربنا معاك دايما وهو قادر يحققلك كل احلامك بس انت اسعي واتوكل علية واخيرا ربنا يوفقك يارب
تم النشر الثلاثاء، ٥ مارس ٢٠٢٤
ربنا يوفقك
تم النشر الثلاثاء، ٥ مارس ٢٠٢٤
لعرض السؤال في فدني اضغط هنا