دخلت ف ارتباط مع شخص وبعدين سيبته ع الرغم من حبى ليه وان هو كمان ييحبنى بس عشان ربى

Question

أنا من فتره حوالى 3 شهور اتعرفت على وأحد تليجرام وفضلنا نتكلم وقت كتير اوى كل يوم بالساعات لحد ما فيوم اعترفلى بحبه وكدا اه صح كان قالى قبلها كذا مره ابعتى صوره ليكى لانه ميعرفنيش اصلا شكلا كنت برفض بس لما ألح عليا بعتهاله اللى بتتشاف مره واحده بس المهم لما قالى أنه بيحبنى وكدا مكنتش بحبه كحب يعنى لكن كنت بحب اتكلم معاه وكدا بس للأسف قلتله وانا كمان عشان مزعلهوش ولأنى كنت يعنى معجبه بيه شويه وارتبطنا ودى كانت أول مره ف حياتى اكلم ولد وارتباط والكلام دا كمان بس كملت معاه وجيت ف النص كدا كان يوم وقفه عرفات وراجعت نفسى وقد اى دا ذنب كبير اللى بعمله وحرام وانا اصلا ملتزمه شويه وحافظه قرآن وان اى اللى كنت بعمله دا فقومت مبلكاه م كل حته عشان ميعرفش يوصلى بعدها بأسبوع لقيته كلمنى م خط تانى وقالى انتى ليه عملتى بلوك وكدا وانه مكانش قادر يعدى الفتره اللى فاتت دى م غيرى وللأسف ضعفت ورديت عليه ورجعنا تانى بعد ما كنت توبت اصلا وهو كلمنى فون مرتين طول ال3 شهور عشان كنت برفض دائما أكلمه فون او ابعت صوره عالرغم أنه كذا مره تتخانق بسبب كدا خصوصا الصوره وبيقولى هعمل بيها اى انتى مش واثقه فيا بس انا مكنتش بوافق برضو دلوقتى المفروض أن دا كان اجازه تانيه ثانوى وانا دلوقتى تالته ثانوى يعنى المفروض ابعد عن كل الكلام دا + أن دا حرام شرعا اصلا وربنا مبقبلش بالغلط دا فقومت عملتله بلوك من اسبوعين تانى بلوك من كل حته حرفيا وجددت توبتى وقلت مش هرجع للموضوع دا تانى خالص المهم دلوقتي من شويه كدا لقيته بيرن عليا من رقم صاحبه بيقولى الو قلتله مين قالى انتى متعرفنيش أنا كذا قولتله لو سمحت مش عايزه اتكلم قالى هو اى عبط وخلاص وقام قفل السكه فبلكت طبعا الرقم اللى هو رانن عليا منه بس قعدت اعيط جامد لأنى افتكرت أنه كان مصاحب قبلى بنت وكسرته وداست عليه جامد عالرغم أنه معملهاش حاجه وحقيقى صعبان عليا أوى بدعى أنه ينسانى ويعيش حياته بس انا معرفهوش كشخص م جوا عامل ازاى وخايفه يرن عليا م رقم تانى ويحاول يكلمنى تانى وأضعف واصلا متوتره جامد وبعيط ع أخرى هو أنا عارفه انى غلطانه عشان اتعلق بيا وخلعت ومكنتش اعرف انى بحبه أوى برضو كدا بس دوست ع قلبى عشان ربنا لأن دا ف الاول والاخر غلط وعشان دراستى برضو ومستقبلى بس حاليا متوتره أوى اعمل اى خايفه يحاول يكلمنى تانى ولا اتصل م رقم تانى اعمل اى أو يوزع رقمى مثلا ما هو أنا مضمنش حد برضو حتى لو كنا قريبين بس معرفهوش شخصيا وهل المفروض اغير رقمى ولا اسيبه مع العلم الرقم مهم أوى وعليه حاجات كتير دراسه ومدرسين وصحابى كلهم وكل حاجه ممكن حل سريع بالله؟😭😭 والله أنا حقيقى ندمانه على كل حاجه ومش عارفه اعمل اى بس بالنسبه للرقم قصدى عليه جروبات المدرسين وكدا ولو غيرت الرقم مش هعرف ادخل وهم بيبعتوا حاجات مهمه وكدا خايفه ربنا ميكونش سامحنى عشان كدا هو رن النهارده تانى أنا مش عارفه متلغبطه خالص 😭

Accepted Answer

حابه اول حاجه اني احيكي وجدا كمان .. انتي بالرغم من صغر سنك الا انك واعية جدا ما شاء الله عليكي .. أول حاجه بالنسبة لتوبة ربنا .. متقلقيش طالما من جواكي عارفه ان ده غلط وبعدتي عن الغلط ده ف متقلقيش توبتك مقبولة باذن الله. تاني حاجه .. برافو عليكي انك قولتي ف جملة ف كلامك ما انا برضه مهما كان الشخص ف انا برضه معرفوش ف مضمنش .. بالظبط انتي متعرفيش الشخص ده ف حبتيه ازاي؟ اللي حصل معاكي انك بس حبيتي الكلام معاه، وحبيتي الاهتمام .. فيه فرق من ان الواحد يحب الحالة نفسها اللي هو عايشها .. وفرق من انه يحب الشخص .. وحب الشخص ده حاجه تانية خالص. لكن في حالتك انتي حبتي الحالة اللي انتي عايشاها وحبيتي الكلام واتعلقتي شوية .. فقط لا غير ف لما سبتيه حسيتي ان قد ايه فيه حاجه اختفت من حياتك، حاجه انتي اتعودتي عليها طبيعي انك تضايقي، وتحسي انك فقدتي حاجه في حياتك، ف ده اللي مخليكي بس تقولي انك حبتيه .. بس في الاصل ده مش حب. الموضوع عامل زي اللي متعود على الساجير او القهوة .. اول ما تبطلي القهوة اللي كنتي بتشربيها كل يوم لعدة سنوات او اشهر هتلاقي نفسك مضايقة ومتعلقة بيها اوي .. وعايزة ترجعي ليها .. فقط فهو مش حب اطمني. تاني حاجه .. وهي الصور، يعني لو قولنا ان ف 2ث اللي هيكون بيكلمك ده برضه مراهق .. مش شخص راشد يعني علشان حتى نفكر في كلامه .. مش تقليل منه .. ولكن السن بيفرق برضه، ف ده ع الاغلب هيكون بيتسلى، او بيعوض حالة الحب اللي كان عايشها قبل كده بيكي .. ده طبعا ع افتراض انه صادق .. لاني مش عارفه هو اللي بيقوله ده صح ولا غلط .. بيكدب ولا لا علشان يكسب تعاطفك .. وده اللي عمله بالظبط . لو كان شخص كويس مكانش كل شوية يطلب منك صور، ويكلمك ... يعني هدف الموضوع ده كله ايه ف الاخر؟ ف اتمنى متثقيش ف شخص متعرفهوش تاني .. ثم انه بيقولك انتي مش بتثقي فيا، ما هو طبيعي متثقيش فيه (اللي هو انا اعرفك منين اصلا علشان ادي ليك الثقة)!! منطقي بالنسبة للرقم .. ف اللي عملتيه صح بكليه من كل حته واي حته يدخل منها لحد ما يزهق .. ولو الموضوع بقى بايخ وتكرر اي من مرة .. بلغي عن الرقم ومتخافيش انتي متضررة .. ومعاكي كل الحق ف اوعي تخافي. اتمنى ليكي السلامة

Answer

ايه الحلاوة والجمال ده انا بحب اوى القصص اللى فيها شخصيات جميلة كده ومصحصحه وبتراجع نفسها . ربنا يديم عليكى التوبة من اى ذنب ويجعل ليكى توبة نصوحة قبل الموت. ان شاءالله هى مره او اتنين ..تخلى اى راجل ( سواء من العيلة او حد كده كبير انتى تعرفيه...قوليله الرقم ده مضايقنى ...ممكن ترد عشان يبطل يتصل تانى ) مش هيلاقيكى انتى اللى بتردى هيبطل خالص ...وانتى مترديش على اى رقم غريب . وانامت النصيحة اللى قالوها كتير هنا ....ابعتى رسالة وضحى فيها موقفك وشكرا وبس كده

Answer

أختي الكريمة، أشكرك على ثقتك ومشاركة قصتك معي. أرى أنكِ تعرفين جيدًا أن هذه العلاقة غير صحيحة وأنتِ ندمتِ عليها وتبتِ إلى الله. هذا هو المهم. يمكنكِ حظر رقم هذا الشخص من الاتصال بكِ أو إضافته إلى الأرقام المحظورة عند مشغل الهاتف الخاص بكِ.  كما أنصحكِ بعدم الرد عليه مرة أخرى إذا حاول الاتصال، وتجاهل أي محاولات منه للتواصل. ركّزي على نفسك ودراستك ولا تنشغلي به. ثقي أن الأمر سينتهي، وسيجد هذا الشاب غيرك.  أخيرًا، توكلي على الله واطلبي منه العفو والمغفرة. لا تنسي أن الله غفور رحيم ويحب التائبين. أتمنى لكِ كل توفيق.

دخلت ف ارتباط مع شخص وبعدين سيبته ع الرغم من حبى ليه وان هو كمان ييحبنى بس عشان ربى

دينية

اجتماعية

علاقات

حب

سؤال من احد أعضاء فدني

تم النشر الجمعة، ٤ أغسطس ٢٠٢٣

6 إجابة

11 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك