اعرف رجل ما شاء الله حسن اللسان ومعاملته شديدة اللطف مع كل الناس ..كل الناس تحبه واول ما اشوفه اتذكر الحديث " ألا أخبركم بمن يحرم على النار وبمن تحرم النار عليه ؟ على كل هين لين قريب سهل ".. نفسي أكون من الناس دي ، نفسي أكون من اللي بيكتم غيظه ويقدر على ذلك وع العفو عن الناس .. أزاي اكون كده وانا عصبية وبغلط لما اتعصب ، انا بتمنى ده بقالي ٥ سنين ومتغيرتش بردو.. انا بدعي كتير بكده بس انا مش عارفة اتغير . المفروض اعمل ايه؟
الغضب محتاج متنفس اولا وثانيا نعرف ايه سبب الغضب الشديد يعنى نعرف ليه انتى الموقف اللى حصل خلاكى بدرجة الغضب ...هل لانك بتحسى باهانه مثلا او بعدم تقدير او لانك مش بتقبلى الغلط عموما ....اى كان السبب اللى هتوصليله ده اللى هيخليكى تقدرى تعالجى غضبك كمان ضرورى نقيم خسائر الغضب وهل هنقدر طول الوقت نتحمل التوابع ولا هنيجى فى وقت هتكون التوابع اكبر من تحملها . كمان تعودى نفسك تحطى نفسك مكان الشخص التانى وشوفى هل انتى لو غلطتى نفس الغلطة هتتحملى الغضب ده من اللى قدامك ولا هتتمنى انه يكون رفيق بيكى فى رد فعله ؟ بالنسبة للمتنفس فاحنا مثلا بنقرر اننا هنخرج الطاقة دى بمجهود بدنى او ذهنى فى وقتها ...عشان حتى لو طلعنا الكلام بعدها او افكارنا هتكون بشكل اهدى كتير
تم النشر الاثنين، ١٢ فبراير ٢٠٢٤
ابن لنفسك عادة تعمل بيها ثواب لما تلاقي نفسك متضايق استغفر ربنا كتير ١٠٠ مرة مثلا او صل على النبي ١٠٠ مرة ممكن كل مرة تكون متضايق فيها تتبرع بمبلغ من المال قرب من ربنا خصوصا الصيام بيهدي النفس اوي احفظ و اتعلم القرأن ده صدقني كفيل إنه يخليك احلى بني ادم في الدنيا و متكسلش نص ساعة في اليوم كويس لو انت هتكسل وافتكر واحده واحده هتتغير مش بين يوم و ليلة و فيه عادات هتخليك هادئ زي التأمل، التفكر في خلق الله، تصلي الفجر في هدوء و تقعد تقول الاذكار و تتأمل معناها، تقرأ القرأن و تتأمل معانيه القراية عموما هتهديك و ابعد عن الحاجات اللي بتخلي العقل مرهق دايما اعف عن الناس حتى لو غصب عنك هيفيدك جدا افتكر ان مش كلنا نفس التفكير فخذ كل واحد على قد عقله و حاول تتقبل الناس اللي حواليك ❤
تم النشر الأحد، ١١ فبراير ٢٠٢٤
انا عارفة ان الحل ف الممارسة الفكرة انى بحاول مع نفسي وبفشل بقالى سنين ..قولت يمكن طريقة تطبيقي غلط فده كان سؤالي ازاي اطبق ده يعني
تم النشر الاثنين، ١٢ فبراير ٢٠٢٤
لا تغضب دي كانت نصيحة الرسول
تم النشر الثلاثاء، ١٣ فبراير ٢٠٢٤
الخير ما الو طريق واحد - الخير انواع ويختلف من شخص لآخر- ويكون ينطبق على على محيطك - مثلا الابتسامة بوجه أخيك صدقة - ابدئي ب الأشياء البسيطة جدددا - لانه ما في حدا وصل لذيك المرحلة الي تبيها ب يوم و ليلة - وراح تتعرضين في طريقك للعديد من الفتن الي تقنعك انك ما تكوني تحبي الخير لانه هذا الشيطان عم يحاربك ب الاشي الي تبيه
تم النشر الثلاثاء، ١٣ فبراير ٢٠٢٤
طالما انتي شايفة نفسك انك فيكي الخير ولكن مو عارفة تظهرين هذا الخير هذا بحد ذاته خير - الممارسة والتعويد يوم بعد يوم تصنع منك شخص قوي - و هين و لين - اول شي ابدئي من أهلك وعائلتك ثم انقلي الخير للعالم
تم النشر الاثنين، ١٢ فبراير ٢٠٢٤
شوفى ياست الكل السبب فى العصبية و الغضب هو الشيطان واسمه الأعور فلما تحسى بأى نوبة غضب قدامك من نفسك او من اى حد قدامك قولى 3 مرات أعوذ بكلمات الله التامة من الشيطان الأعور و جنده و أعوانه .... و فى لحظة مش هتلاقى اى غضب لا منك ولا من اى حد غضبان عليكى
تم النشر الاثنين، ١٢ فبراير ٢٠٢٤
بصي يا جميله القلب.. تقدري اول حاجه تعمليها انك تسمعي فيديوهات او قصص عن سيدنا محمد وعن خلقه وعن عفوه.. تاني حاجه العصبيه دي رغم انها وحشه..لكنك بتطلعي كل اللي جواكي ف بتدل علي نقائك.. انا كمان زيك عصبيه وعصبيه جدا والله.. بس بحاول.. بحاول علي قد اما اقدر اتحكم في عصبيتي. حصل موقف مثلا عصبك اهدي وخدي نفس عميق.. وصلي علي النبي في سرك وبعد كده تقدري تتناقشي في الموقف..
تم النشر الاثنين، ١٢ فبراير ٢٠٢٤
تابعي دروس عن الحلم و الصبر
تم النشر الأحد، ١١ فبراير ٢٠٢٤
بتابع بالفعل دروس السيرة ، هل في حاجة متخصصة للغضب أكثر ؟
تم النشر الأحد، ١١ فبراير ٢٠٢٤
صح لازم عمل .. طب ممكن ترشيح اقرأ إيه بالظبط يعلمنى الحلم والصبر؟
تم النشر الأحد، ١١ فبراير ٢٠٢٤
الدعاء وحده لا يكفي فلابد من الإجتهاد بعلم ، فهل ينفع طالب علم يدعو لنفسه بالنجاح ولا يجتهد ؟؟!! فلابد من تعلم الحلم والصبر بالقراءة والإطلاع و مجاهدة النفس حتى تعتادين على الصبر والحلم والتروي .
تم النشر الأحد، ١١ فبراير ٢٠٢٤
مش قادرة اشوف أى ميزة للعصبية الحقيقة .. لما واحد راح للرسول وطلب منه نصيحة الرسول قاله "لا تغضب" وكررها كذا مرة ، الغضب صفة بشعة للشخص نفسه وللى حواليه أذى جواه وبيحس بنار ف قلبه ولسانه بيغلط وبياخد ذنوب وبيزود المشكلة بزيادة وأذى للى حواليه وبيجرحهم او يخوفهم حقيقي ولا ميزة ف الغضب بجد ...المشكلة ان الموضوع كل مدى بيزيد بدل م كانت حاجة كبيرة بتعصبني دلوقتى اقل حاجة تعصبني ورد الفعل كمان بيزيد ..نفسي اكون انسانة صالحة ونقية من جوه وبره لان اللي نقي بجد من جوه أكيد أكيد النقاء هيظهر عليه بره بردو
تم النشر الأحد، ١١ فبراير ٢٠٢٤
عليه الصلاة والسلام ، المفروض أمثل إني باردة لحد م اتعود بقا😄 .. كتم الغيظ ده صعب اويييييي بجد ، ربنا يقويني على نفسي
تم النشر الثلاثاء، ١٣ فبراير ٢٠٢٤
شاهدي فيديوهات عن سيرة خير البشر محمد صلى الله عليه وسلم و سيرة أصحابه الاجلاء و الخلفاء الراشدين و أقرأ في كتاب الرحيق المختوم
تم النشر الأحد، ١١ فبراير ٢٠٢٤
نقطة الانضباط مفهمتش كويس يعني ازاي اعلم نفسي الانضباط؟
تم النشر الأحد، ١١ فبراير ٢٠٢٤
لازم تعرف ان رغم العصبية حاجة وحشة لاكن هي علامة علي نقاء الانسان وطبية قلبة وكل شيئ جواه ظاهر امام الاخرين عكس الخبيث الهادئ وعلي حسب النوايا ركز علي ايجابيات سلبيلتك وكن منضبط علي هذا الطبع ف التكرار والانضباط يجعل الشي عادة خذ يوميا معلومات عن الصفات هذة حاول تنفيذ بعضها ليس كلها كي لا تصبح غريب مع الوقت ستتقن ذلك السلوك وركز علي " الانضباط والتكرار يجعل اي شيئ عادة 🥰❤️
تم النشر الأحد، ١١ فبراير ٢٠٢٤
لعرض السؤال في فدني اضغط هنا