انا بمر بفترة صعبة جدا في حياتي حاسس ان انا مكتوم ومهموم وزعلان بسبب ومن غير سبب والشغف الي كان عندي بقا معدوم كان عندي شغف بحاجات كتيير دلوقتي حاسس ان انا مش مدرك بالواقع ببقى ماشي ومطفي من جوايا حاسس وفجأة كدة يبقى مستغرب الواقع الي انا عايشه ومش حاسس بنفسي نسيت كنت ازاي وفقدت ازاي اتعامل فحياتي وبقيت تايه وعيني باردة يعني بقيت بارد بطريقة انا مستغرب الي انا فيه الحجات الي انا كنت بحبها مبقتش تفرحني ولا اي حاجة بقت تفرحني ونسيت بجد انا كنت عايش ازاي مش عارف هتفهموني ولا لا بس انا مش عارف اتعامل مع الناس زي الاول مش فاكر كنت بتكلم ويتعامل ازاي
طيب منذ متى وأنت على هذا الحال؟ لو كانت الفترة قصيرة فأعتقد أنك بحاجة لفترة نقاهة وراحة. احصر كافة المسؤوليات التي تقع على عاتقك هذه الفترة، وانظر أي هذه المسؤوليات لا يمكن أن تتخلى عن متابعتها. يعني مثلًا لو كنت أب لأطفال لن يكون من المتاح لك أخذ إجازة من العمل لفترة طويلة، لكن يمكنك تقليل ساعات العمل قليلًا لو كان هذا متاح. نقطة قد تخفف عنك قليلًا هذه الأعراض التي تشكو منها منتشرة جدًا بين شريحة كبيرة من الناس مؤخرًا بسبب غلاء الأسعار وتراجع الأجور والأوضاع الاقتصادية، ستلاحظ أن الغالب الأعم من الناس صار الكدر جزء من طبيعتهم الشخصية بلا إرادة. نقطة أخرى، وهذه أجد أثرها معي واضح جدًا وهي ارتفاع درجة الحرارة. كنت في نقاش منذ أيام بهذا الخصوص ووجدت أن البعض فعلًا ينفصل عن الحياة والكون هذه الفترة. سأنتظر من حضرتك إجابة لنستكمل النقاش ونحاول الوصول لحل.
تم النشر السبت، ٢٧ يوليو ٢٠٢٤
فى البداية كده.حضرتك مريت بمواقف وتعاملات صعبه جدا من الواضح أنها كانت من فترة كبيرة وأثرت عليك بشكل كبير وواضح. ممكن يكون نتيجة الأحداث اللى مريت بيها دخلت فى وضع غير شكل معاملاتك وطريقتك . انت اللى هتقدر تساعد نفسك فى حل المشكلة دى انك تبدأ تفتكر ايه اللى وصلك للحالة دى ايه السبب وراء كل ده وتبدأ تفتكر انت كنت بتهتم بأيه وايه الحاجات اللى لما كنت بتعملها كنت بتحقق إنجاز وبتفتخر بنفسك فيها. افتكر ايه اللى كان بيخليك مبسوط وسعيد وارجع تانى اعمله حتى بالتدريج. دى بداية الخروج من الازمه. الموضوع محتاج إرادة قويه وصبر علشان تقدر تواجه نفسك وتعدى من المرحلة دى حاول تكتب كل اللى جواك وكل اللى بتحس بيه ده هيفرق معاك كتير. ابدأ انك تاخد خطوة ولو بسيطة لانك لو فضلت كده الموضوع ده ممكن يزيد معاك وهتبعد عن ناس كتير انت فرق معاهم. لو ليك صديق مقرب أو لايف كوتش اتكلم معاهم وشاركهم افكارك لأن الدعم النفسى مهم جدا وافتكر دايما أن ربنا معاك في كل خطواتك وبيساعدك وانك قوى وهتقدر 🌷
تم النشر السبت، ٢٧ يوليو ٢٠٢٤
أنا آسفة إنك بتمر بالفترة أي صعبة دي. أول حاجة، حابب أقول لك إنه طبيعي تحس بالشعور ده أحياناً، الحياة مش سهلة وكلنا بنواجه أوقات صعبة. أنت مش لوحدك، وفيه كذا طريقة تقدر فيها تبدأ تلاقي نفسك تاني. جرب تبدأ بتدوين أفكارك ومشاعرك. أكتب كل حاجة بتحس بيها، سواء كانت حلوة أو وحشة. ده هيساعدك تفهم أكتر إيه اللي بيحصل جواك. كمان، حاول تقضي وقت مع نفسك، يعني اقعد في مكان هادي وفكر في الحاجات اللي كنت بتحبها قبل كده. يمكن تلاقي نفسك بتكتشف شغف جديد أو يمكن تلاقي شغفك القديم. ما تنساش برضو إن الرياضة أو المشي في الطبيعة ممكن يساعدوك تفرغ الطاقات السلبية. وفي نفس الوقت، لازم تجيب حد تتكلم معاه عن اللي احساسك، سواء كان واحد من أصدقائك أو حتى متخصص. وحاول تبعد عن المقارنات، كل واحد فينا عنده مسار مختلف. خليك صبور على نفسك، وطول ما أنت بتحاول، يعني أنت على الطريق الصحيح. أهم حاجة إنك تبدأ الخطوة الصغيرة.
تم النشر السبت، ٢٧ يوليو ٢٠٢٤
لعرض السؤال في فدني اضغط هنا