طيب انا الصراحه مش عارفه ابدأ منين بس انا معنديش اي شغف لأي حاجه في اكتر وقت لازم أنجز فيه واعمل حاجات كتير واكون عمليه بس مش عارفه ابدأ منين وازاي وخايفه في نفس الوقت لو رجع الشغف في الآخر النتيجه متكنش مرضيه واللي عملته كان علي الفاضي.
انا في تانيه اعدادي حاليا انا في الترم الثاني اللي المفروض كنت اعوض فيه
بس حاسه فات الأوان عشان انا مراكمه حاجات كتير بالذات اني خارجه من رمضان وعيد وكمان هنبدأ نخلص المنهج ونراجع خايفه ملحقش أنجز خايفه اتعب وانجز وكله يروح على الفاضي في الاخر.
انا عارفه ان تنظيم الوقت ده اللي هيضبط حياتي من كل الاتجاهات بس عايزه اعرف عايزه حلول عايزه جدول ينظم حياتي الدراسيه مع العلم انا بروح المدرسه عندي دروس كل يوم مفيش يوم اجازه خالص
كمان بروح دروسي مواصلات رايح جاي انا فعلا محتاجه اني أنظم وقتي بس مش عارفه ازاي عايزه حد يفيدني ومحدش يقولي اعملي جدول لأني فاشله مش بعرف أعمل حاجه انا عايزه كل حاجه بالتفصيل عشان انا بقول فاقده الشغف فحتى فاقده الشغف اني اقعد اضبط وقتي وحياتي فمحتاجه حد يساعدني اقوم على رجلي كده واشد حيلي وحد يحفزني كده اقوم آكل الكتب أكل وبعدها أكيد هعتمد علي نفسي بس محتاجه ذقه لأن مفيش طاقه.
اولا انتي مش فاشلة ابدا انتي عايزة تجتهدي وتحسني من نفسك ودا مستحيل يطلع من واحدة فاشلة بصي يا قلبي انا عايزة اقولك اني في الأول كنت فاكراكي في آخر العشرينات مثلا وحاسة انك تايهة وكدة وكنت هاجي اقولك لسه بدري بس اتفاجئت انك لسه صغنونة اوي ومفيش داعي ابدا انك تشيلي الهم دا كله وتبقي عايزة تنجزي كل حاجة في الدنيا وخصوصا انك لسه في تانية اعدادي يعني حتي مش شهادة انتي لسه طفلة لازم تهدي علي نفسك شوية اولا انتي مش مطالب منك غير انك تجتهدي في دراستك والنتيجة دي مش بتاعتنا خالص طب ازاي هتجتهدي انتي اكتر واحدة ممكن تساعدي نفسك لان انتي عارفة فين نقط ضعفك وايه المواد اللي انتي مش شاطرة فيها اوي يعني ممكن تكثفي الدراسة في المواد الصعبة اكتر من المواد السهلة ولو في حاجات انتي مش فاهمها دوري علي اليوتيوب هتلاقي بدل المدرس الف وحلي تدريبات كتير بس في نفس الوقت لازم تنامي ٨ ساعات وياريت تنامي بدري انتي لسه في مرحلة نمو وتخصصي كام ساعة في يومك تعملي فيهم حاجة انتي بتحبيها ومثلا تخلي يوم الجمعة فاضي من كل اسبوع وحاولي تستغني عن الحاجات اللي بتضيع وقتك علي الفاضي حتي المدرسة لو مش بتستفادي اقعدي ذاكري احسن في البيت ولو في درس مش مهم متروحيهوش وطبعا متنسيش الصلاة والقرآن والدعاء العبادات دي هي اللي هتقويكي وتخليكي توصلي لهدفك
تم النشر الجمعة، ٤ أبريل ٢٠٢٥
أولاً، أود أن أوجه إليك التقدير لأنك تعبرين عن مشاعرك وتبحثين عن الدعم، فهذا يعد خطوة إيجابية على طريق التغيير. من الطبيعي أن تشعري بفقدان الشغف والخوف، خاصة في مرحلة دراسية حيوية كالثانية الإعدادية، لكن هناك دائمًا أمل وعليكِ أن تتذكري أنك لستِ وحدك في هذا. خطوات عملية لتنظيم وقتك واستعادة شغفك: تحديد الأهداف الصغيرة : ابدئي بتحديد أهداف صغيرة يمكن تحقيقها يوميًا، مثل قراءة فصل من مادة معينة أو حل عدد معين من التمارين. هذا سيساعدك في تحسين ثقتك بنفسك تدريجيًا. إنشاء جدول زمني مرن : رغم أنك لا تفضلين عمل جدول، لكن يمكنك البدء بجدول بسيط. يمكنك استخدام تطبيق على الهاتف أو ورقة، وضعي فيه المواد التي يجب مراجعتها، ومع ذلك، اجعلي الوقت مرنًا قليلاً لتتجنبي الضغط. مثال: الصباح : ذهاب إلى المدرسة. بعد المدرسة : وقت للاستراحة (30 دقيقة). مساءً : مراجعة لمادة معينة (مثل الرياضيات لمدة ساعة، ثم العلوم لمدة ساعة). تقسيم الوقت إلى أجزاء قصيرة : العمل لمدة 25 دقيقة ثم أخذ استراحة قصيرة (5 دقائق) يساعد على التركيز. يمكنك استخدام تقنية "بومودورو" لتنظيم وقتك. البحث عن مصدر إلهام : تابعي محاضرات أو قصص نجاح على الإنترنت، أو تحدثي مع معلماتك أو زملائك الذين يتفوقون في الدراسة. يمكن أن يكون حديثهم محفزًا لك. التواصل مع الآخرين : لا تترددي في طلب المساعدة من الأهل أو الأصدقاء. لا يوجد عيب في الاعتراف بأنك بحاجة لدعم إضافي. العناية بنفسك : تأكدي من الحصول على قسط كافٍ من النوم والتغذية الصحية، فهذا يؤثر بشكل مباشر على مستوى طاقتك وتركيزك. تحديد وقت للراحة : خصصي وقتًا للراحة والترفيه والقيام بما تحبين، لكي تستعيدي طاقتك وتشعري بالحيوية. تذكري أن النجاح لا يأتي بشكل سريع، بل هو نتيجة جهد مستمر. اعملي على تحقيق أهدافك خطوة بخطوة، وكوني صبورة مع نفسك. الله معكِ في هذه المسيرة، وهو بقدرته يمنحك القوة والإرادة للتغلب على أي تحدٍ.
تم النشر الجمعة، ٤ أبريل ٢٠٢٥
السلام عليكم ممكن تجربى كده تشوفى نفس الاسئلة المشابهه وتشوفى كل اللى بيتكلموا عن فقدان الشغف نصحناهم بحاجات كتير اتمنى تساعدك انتى كمان https://www.fedni.net/tag/passion
تم النشر الجمعة، ٤ أبريل ٢٠٢٥
افضل حافز ليكي ان الوضع في مصر وحش جدا وانتي عليكي تختاري تبقى حياتك روتينية بعد ماتخلصي دراسة متوسطة انك تتجوزي جوازة متوسطة وتقعدي في البيت وحياتك إنتهت لحد كدة ولا تتعلمي تعليم عالي وبتعملي كمان ماجستير ودكتوراه وتتجوزا واحد زيك هو كمان طموح وتسافرو برة وتشوف الدنيا والمعيشة الكريمة ويبقى حياتك فيها كل يوم جديد انتي لما تبقي حاجة كبيرة الناس إللي حواليكي هايبقو شبهك ولو بقيتي ولا حاجة بردو مش هاتعرفي غير اللي شبهك اختاري لنفسك العيشة اللي تحبي تعيشيها من دلوقتي عشان ماتندميش بعدين
تم النشر السبت، ٥ أبريل ٢٠٢٥
انتي حالك حال طلاب كتير دخل عليهم رمضان ضاع الوقت وضاع العيد الشغف بيجي من ترتيب الافكار مش ترتيب الوقت بلا النهاردة مادة رقم واحد سهلة ليكي كوباية شاي بالنعناع واقعد ساعة من غير تليفون ولا مشتت واخد بريك فاصل صلاة ووضوء وبعدين ارجعي تاني لنفس المادة ٣ ساعات كدة هتنامي زي الفل وعندك رغبة فى الانجاز واظبطي الكنبة الفجر المذاكرة من الساعة ٥ص لحد ٩ اكتر وقت بتكون فى تنشيط للذاكرة بالتوفيق ان شاء الله
تم النشر الجمعة، ٤ أبريل ٢٠٢٥
لعرض السؤال في فدني اضغط هنا