انا صغيره عندي 16 بعاني من مشاكل نفسيه انا بعاني من توتر زائد غير طبيعي انا بتوتر من غير داعي على انشطه يوميه انا دايما متوتره على الدراسه او مواقف او اشخاص او مشاكل اشخاص تانيه مش عارفه افرح واتبسط دايما متوتره وخايفه خوف زائد ولما بيزيد بيحصلي تلعثم ف الكلام خفيف مع تأنيب ضمير على مواقف مش ليها داعي
حياتي عباره عن توتر دايما مع اضطراب في النوم مع عياط بدون سبب وأوقات على اسباب غير منطقيه مع صداع مؤلم و ضيق التنفس واختناق ومشاكل صحيه انا مش عارفه اعيش كدا ليا اكتر من سنه بعد رحله تعافي من اكتئاب حاد وصل لمحاوله انتحار
حاولت اتواصل مع اخصائي نفسي بس مش عندي الامكانيات الكافيه مع ضغط من الاهل وتأنيبي علي كل خطوه غلط اخدتها ف حياتي ودا مش مخليني عارفه اعبر عن مشاكلي النفسيه عايزه مساعده
بصي خلينا نقسم المشكلة الي اقسام الاهل و السبب المرضي و الاعراض و العلاج اولا احنا كلنا هنا اخواتك يعني هنقف جنبك قدر المستطاع بقلوبنا و انتي مهمة عندنا و كتير بنمر بضفوطات نفسية عائلية بسبب زعيق خناقات عدم تفهم ضرب و حاجات من دي المهم انك تدخلي في حياتك عنصر الاحترام و الصمت و اللامبالاة يعني يقولوا اللي يقولوه لو انتي مش غلطانه و ما ترديش الا بما يرضيهم و ما تركزيش علي كل كلمة بتتقال حني لو جارحه لأن الاهل ما ينفعش للأسف تركهم هم قدرنا و ممكن يكون مستواهم الفكري في فهم اننا في حالة مرضية ضعيف و ما يفهموش ده ... المرض اللي هو الخوف و الضيق و الدوخه و التوتر دا موجود عندنا كلنا بس بنسب اقل و زيادة عند ناس تانية خصوصا أصحاب المعده و القولون العصبي لو قدرنا نسيطر علي الخوف و نحطه في خانة الوهم او ان الخوف ده مجرد فكرة مش مرض عضوي هنقدر واحده واحده نقلل الاعراض النفس جسمانية او الاعراض اللي بتظهر علي الجسم و الاعضاء كأنها مرض ولاكن في الحقيقه هيا كلها مجرد ردود فعل للخوف و زيادة الادرينالين في جسمك بصورة مستمرة بأدي للتوتر و احيانا رعشه و تسارع نفس و ضيق الصدر فلازم تكوني طبيبة نفسك و تهدي و العلاج تتحدي كل المؤثرات الخارجية بأنك تشوفي اهدافك بس و انتي عايزه ايه و ما تشوفيش غيرها و طنشي الناس و كلامهم اللي حرفيا مش بيفيد لاكن بيضر و بالنسية للمشاكل المادية و العلاج هتلاقي هنا نضائح كتير مجانية في دكاترة محترمين معانا و في ناس عدوا بخبرات و تجارب صعبه زي و زي غيري فا الافادة هنا ان شاء الله بدون اي ماديات المهم سلامتك النفسية و البدنية و صحتك و تستعيدي سعادتك و الانتحار ده مش حل انتي لازم تعيشي و تعافري في الدنيا غصب عن كل الناس اللي بيضايقوكي و تنجحي لنفسك ... كوني طيبه مع نفسك الطيبه لأن نفسك هي الوحيدة اللي هتبقي معاكي العمر كله و ربنا و كفي بالله وكيلا و تكرري ده كتير جواكي ان طالما ربنا معاكي محدش هيقدر عليكي و دي الحقيقه المطلقه فا عيشي حياتك و سنك و قومي تاني و عافري في الدنيا بلا كلل لأننا جينا هنا عشان نعافر و نتعلم و نكبر و نكون اقوي بفضل الله ... ربنا يحفظك من كل شر .
تم النشر الثلاثاء، ١ أبريل ٢٠٢٥
السلام عليكم ورحمة الله وبركاته اهلا بيكي أتفهم المعاناه التي تعيشين بها، و لذلك انصح بمراجعه كل ما تم أخذه في رحله التعافي من الأكتئاب و تراجعي قائمه الأفكار السلبيه و استخدام التساؤل السقراطي لضرب هذه الأفكار في مقتل. و استخدمي التأمل هيساعدك و جدول الأنشطة اليومي و اسأل الله لكي العافيه
تم النشر الأربعاء، ٢ أبريل ٢٠٢٥
اقرأي القرآن مع التدبر، وثقي إن كل شيء بيد الله سبحانه، ما يحصلش الا الذى كتبه الله. و. ربنا يشفيك.
تم النشر الثلاثاء، ١ أبريل ٢٠٢٥
أختي العزيزة، أشكرك على مشاركتك لمشاعرك وتجربتك، وهذا هو أول خطوة نحو التحسن. يبدو أن ما تمرين به يؤثر بشكل كبير على حياتك اليومية ونفسيتك، وهذا ليس بالأمر السهل. من المهم أن تعلمي أنك لست وحدك، وهناك طرق للمساعدة والدعم. التوتر المستمر، تأنيب الضمير، اضطرابات النوم، والبكاء المتكرر هي علامات على أن هناك الكثير مما يجري في داخلك. من الضروري أن تتحدثي مع شخص محترف يمكنه مساعدتك في تخطي هذه المشاعر. على الرغم من ضغوطات الحياة والقيود المالية، يمكنك البحث عن جمعيات أو مراكز تقدم الدعم النفسي المجاني أو بأسعار مخفضة. أحيانًا، الجامعات توفر خدمات استشارية للطلاب. لا تترددي في التعبير عن مشاعرك لأشخاص تثقين بهم، سواء من الأصدقاء أو أفراد العائلة، فهم قد يكونون داعمين لك في هذا الوقت. من المفيد أيضًا أن تحاولي تنظيم وقتك وتخصيص بعض الوقت لأنشطة تستمتعين بها، فهذا قد يساعد على تخفيف بعض من التوتر الذي تشعرين به. أذكرك بأن الصبر والعمل على تحسين حالتك النفسية هما مفتاحا الشفاء. ارجو منك أن تستمري في البحث عن دعم ومساعدة. اعتني بنفسك وكوني لطيفة مع نفسك.
تم النشر الاثنين، ٣١ مارس ٢٠٢٥
هو نظرا للي انا شفته ان الاهل بيبكتو كتير و بيحاسبو كتير و دا ممكن يكون عامل مساعد في اللي حاصلك، من وجهة نظري و من واقع حياتي الشخصيه مفيش احسن من المواجهه مع النفس انك تعرفي ان دي مشكلتك ولازم انتي تحليها، بجانب ان التوتر دا في الاغلب بيكون بسبب خوف و بسبب تفكير في كل حاجه و خايفه تعملي حلجه غلط فلازم تتعلمي تنفضي لبعض الاشياء الغير مهمه اوي و تتعاملي مع نفسك انك انسان من حقك تغلطي عشان تتعلمي و لما تتعلمي هتتصرفي بدون تفكير بعد كدا و بدون خوف و قلق و بدون كل دا
تم النشر الاثنين، ٣١ مارس ٢٠٢٥
التوتر مؤلم ولكن أمره سهل .. وحله شعور الأمان اللي بييجي من ممارسات يومية زي الصلاة ، القرآن ، كتابة الأفكار ، الصدقة ، صلة الرحم ، الرياضة ... اختاري من دول واستمري عليه يوميا ترتاحي
تم النشر الأربعاء، ٢ أبريل ٢٠٢٥
لعرض السؤال في فدني اضغط هنا