انا طالبه في تالته اعدادي وحاليا انا في الترم التاني والترم الاول جبت مجموع وحش وهو 127 من 140 وعايزه اجيب فوق 136 في الترم ده وفاضل اقل من شهرين على الامتحانات وانا مراكمه كل حاجه اعمل ايه
السلام عليكم، تعرفي إنك تقريباً زي أنا لما كنت في تالته إعدادي السنة اللي فاتت ودلوقتي انا في أولى ثانوي ، تالته اعدادي كانت سنة مهمة جدا بنسبة لي كنت مديلها فوق اللي هي محتاجه بس في الترم الأول حصل مني شوية تقصير في المذاكرة والقرب من ربنا حصلت على مجموع ١٣٥.٥ في الترم الأول أنا عارف إنها درجة حلوه وإن في غيري كتير بيتمنى يجيب مجموعي بس تعرفي إن مجموعي ده مكنش مطلعني من العشرة الأوئل كنت رقم ١١ على المدرسة زعلت جامد وحسيت بإحباط جامد وخصوصاً إن العشرة الأوئل راحو مسابقات وانا لأ بعدين الصراحة بدأت اذاكر مذاكرة معتدلة مش كتيرة ولا قليلة ولكن كانت مفيدة اكتشفت إني كنت بذاكر غلط وأن علاقتي مع ربنا لازم تصلح أنتِ عارفه انا جبت كام الترم التاني يا ملك أنا جبت ١٣٩وطلعت الأول على المدرسة وغلبت المدرسة كلها والعشرة الأوئل أنا مكنتش متوقع إني أطلع الأول بس ده كرم ربنا ومفيش حاجه صعبة عليه وعليكي لازم تشدي حيلك غيري طريقة مذاكرتك وقربي من ربنا وادعيه وصلي لو حتى ركعتين قيام ليل قبل ما تنامي وأتوضي قبل ما تذاكري ومع كل درس تخلصيه أحفظي صفحة واحده من القرآن وحافظي على أذكار الصباح والمساء وانتظمي في الصلاةوأهم حاجة يا ملك الصلاة دي وابعدي عن الذنوب اللي هي بتاعت البنات دي المنتشرة انت فاهمة أنا أقصد إيه وبعدين شهرين هتلحقي تخلصي بإذن الله كل حاجة استعيني بالله "وعجلتُ إليك ربي لترضى" قومي صلي الفجر وأبدأ يومك هتخلص كل حاجة وتوصلي للي أنت عاوزاه لو أحتجتي حاجه ابعتلي وإن شاء الله هنفرح بنتيجتك ولما تطلع ابقا ابعتهالي وفرحيني وسلام..
تم النشر الخميس، ١٧ أبريل ٢٠٢٥
🎤 إجابة صوتية
تم النشر الأربعاء، ١٦ أبريل ٢٠٢٥
عزيزتي، أولاً أود أن أهنئك على مجهودك واهتمامك بتحقيق أهدافك الأكاديمية. إليك بعض الخطوات العملية التي قد تساعدك في استعادة شغفك بالمذاكرة وتحقيق النتائج التي تتمنينها: تحديد الأهداف : قسمي هدفك العام (النجاح بمجموع عالي) إلى أهداف صغيرة وقابلة للتحقيق. يمكنك تحديد مواد أو مواضيع معينة تودين التركيز عليها كل أسبوع. الجدول الزمني : أنشئي جدولا زمنيا للمذاكرة يشمل أوقاتا محددة لكل مادة. خصصي وقتا للمراجعة والاختبارات الذاتية. هذا سيساعدك على تنظيم وقتك والتخلص من الشعور بالإرهاق. اشغلي حواسك : حاولي استخدام أساليب تعليمية مختلفة مثل الرسم، أو كتابة الملاحظات، أو حتى استخدام التطبيقات التعليمية. هذا يمكن أن يجعل المذاكرة أكثر تشويقا. الدراسة مع الأصدقاء : إذا كان ممكناً، شاركي في جلسات دراسة مع زميلاتك. هذا يمكن أن يكون محفزاً ويساعدك على تبادل المعرفة. استراحات قصيرة : خذي استراحات قصيرة بين كل فترة مذاكرة. هذا يساعد في تجديد طاقتك ويمنع شعور الملل. مكافأة النفس : كافئي نفسك بعد تحقيق الأهداف الصغيرة، مثل خروج لتنزّه أو تناول شيء تحبينه. دعاء : لا تنسي الدعاء والاستعانة بالله تعالى. فالإرادة الصادقة والتوكل على الله لا يضيعان. بالتوفيق لك في المذاكرة، وتذكري أن الاستمرارية والالتزام هما المفتاح لتحقيق أهدافك.
تم النشر الأربعاء، ١٦ أبريل ٢٠٢٥
ده من حالتك النفسية حاولي تعمل حاجه بتحبيها اول متصحي تخليها عادة تشجعك
تم النشر الأحد، ٢٠ أبريل ٢٠٢٥
ابدأي بماده ماده وحاولي تكرري المذاكرة علي قد متقدري في كل ماده وان شاء الله خير وادعي ربنا بس حاولي تستغلي الوقت
تم النشر الجمعة، ١٨ أبريل ٢٠٢٥
تعملي اي؟؟؟؟؟؟؟ تزاكري يبنتي تزاكري
تم النشر الجمعة، ١٨ أبريل ٢٠٢٥
ذاكر من علي النت صلي
تم النشر الخميس، ١٧ أبريل ٢٠٢٥
مشكلتي في النوم بس اني بنام كتير وبصحي كسلانه جدا وعايزه انام
تم النشر الأحد، ٢٠ أبريل ٢٠٢٥
لعرض السؤال في فدني اضغط هنا