احنا صحاب بس غصب عنى حبيته من 10 شهور وتعبت من الإحساس ده وهو نش مرتبط بس مش بيفكر ف الموضوع لأنه مستنى يجهز ويعرف مساره بس انا تعبت اعمل اى من الشعور ده لانه مسببلى مشاكل معاه بسببي
هو ده السبب اللى عشانه المفروض مفيش صداقة بين بنت وولد عشان ده فى النسبة الاعظم هو اللى بيحصل...دى الفطرة الطبيعية ...وبيحصل انجذاب او تعلق بدون ما الواحد بيحس. مقدرش اقولك غير ان الموضوع لازم يقف.
تم النشر الاثنين، ٢٦ يونيو ٢٠٢٣
طب أنا هسألك سؤال الأول هتستفادي إيه لما تقوليلي ؟ أقولك أنا هتستفادي حاجه من اتنين... الأول (لو هو راخر بيبدلك نفس الشعور و هتخلصي من شعور التعب و وجع القلب إنك مش عارفه تصرحيه ولا لا).... التانية(لو هو مش بيبادلك نفس الشعور وأنت عايشه فى وهم م اكتر هتخشي فى حالة من الاحباط و الاكتئاب و الإنكار) لو نسيت حاجه أحب لو تصححيلي أو تضيفي.... نيجي بقى لسؤال تاني هتخسري إيه لما تقوليلوا؟ أقولك أنا مع أني لو هقولك هتخسري إيه مش هسكت لأنك خسرانه كتير جدآ لكن أفضل ما هتخسريه 1 هتخسري نفسك بأنك هتسيبي نفسك لشخص لا أنتِ تحقي له ولا هو يحق لك 2 هتعصي ربك ده إن مكنتيش already أصلا بتعصيه بكلامك معاه 3 هتخسري أيام و أوقات كنتي تقدري تعملي فيها حاجات كتير بس للأسف ضيعتيها فى مكالمة بالساعة و الساعتين 4 هتبقي قدمتي نفسك for free أظن إنك فهمتي فكرتي أصلا لو كملتي قراءة لحد هنا نصيحة بلاش و أقدر أنصحك تتفرجي على podcast إيه المشكلة فى الارتباط أو date قبل ما تعملي حاجه تندمي عليها بعدين وبس . (عارف إن كلام كتير مش هيعجبك لكن ديه هيا الحقيقة)
تم النشر الاثنين، ٢٦ يونيو ٢٠٢٣
دى النتيجه للصحوبيه تعلق وحب وحسره وعلاقه مترضيش ربنا وبهدلة حياتك ونفسيتك وضياع واستنزاف لمشاعرك لما كنتى ممكن ميبقاش فيه صحوبيه م الاول وتسعى تطورى نفسك وتصلحى عيوبك لحد مايجى حد كويس صالح ليكى وانتى تكونى واحده حافظت ع نفسها لحد ماجالها الحلال فيه بودكاست وعى بيكلم عن الصحوبيه والاختلاط ومفاسده واضراره على الولد والبنت انصحك تسمعيه اكتبى بودكاست وعى وشوفى هما بيكلموا ف ايه
تم النشر الاثنين، ٢٦ يونيو ٢٠٢٣
قوليلو بصراحه عشان يحطك ف مكانك الصح ياما يحبك زي مانتي بتحبي و ياما هيعمل فيها عبيط ف هو كدا مش يستاهل تتعبي نفسك معاه .
تم النشر الثلاثاء، ٢٧ يونيو ٢٠٢٣
انا متفقة مع كوتش ياسمين في رأيها - مينفعش يكون فيه صداقة ما بين راجل وست .. لان فيه طرف غالبا بيتعلق وبينجذب عاطفيا للطرف التاني، وممكن الطرف التاني ميكونش بيبادله نفس الشعور وديه المصيبة التانية. ف ليه كل ده؟ ولكن اللي حصل حصل ... هتعملي ايه؟ لازم الموضوع يتوضع له حد ... انتي قولتي بنفسك هو مش بيفكر في الارتباط، ف هل مثلا هتستني لحد ما يفكر؟ واذا فكر انتي ضامنه انه هو يفكر فيكي؟ اكيد لأ ... يبقى لازم توقفي علاقتك بالشخص ده نهائيا .. لان في كل الاحوال الاعجاب او الحب من طرف واحد مش كويس بتاتا وفيه ظلم كبير، ف تبقى بتظلمي نفسك لو فضلتي في العلاقة ديه اكتر من كده. انسحبي منها فورا.
تم النشر الاثنين، ٢٦ يونيو ٢٠٢٣
اتخلصي من الشعور دا بإنك تعترفي بيه وبعدها فوراً تختفي لمدة اسبوع
تم النشر الاثنين، ٢٦ يونيو ٢٠٢٣
لعرض السؤال في فدني اضغط هنا