انا مسيحية من اب و ام مسيحيين ابويا ميت من و انا صغيرة و امي اتجوزت من واحد مسلم محترم هو اللي رباني من و انا صغيرة هل لو حصل ارتباط من حق الطرف الآخر يعرف التفاصيل دي ولا لا
اه يعرف .. بس لو كان ارتباط حقيقي يعني هيبقى فيه خطوبة او هكذا .. لكن لو ارتباط اللي هو (الصحوبية) يبقى لا، استني لما تبقى فيه حاجه رسمية افضل. بس التفاصيل معتقدش انها تهمه، هو بس يفهم اللي حصل، ان والدك توفى، ووالدتك تزوجت من شخص مسلم، بس كده واعتقد ده اللي يهمه ف الاول.
تم النشر السبت، ٦ يناير ٢٠٢٤
هو من حقه يعرف بس الهوامش اما تفاصيل التفاصيل مش من حقي اي حد يعرفها يعني مامتك مسيحيه وباباكي مثلا مسلم حاليا اما ما يعرفش تفاصيل حياتكم ايه تفاصيل حياتكم دي انتم بس اللي تعرفوها اما الحاجات الظاهره اللي الناس كلها تعرفها لازم هو يعرفها اما غير كده دي خصوصيه وانت حره تقوليها او لا
تم النشر السبت، ٦ يناير ٢٠٢٤
من حقه طبعا لانك لا تعرفى قناعته اذا ما كان له اى تحفظ او تفكير يظهر لكى بعد ان تخبريه بهذه التفصيله من حياتك
تم النشر الجمعة، ٥ يناير ٢٠٢٤
اولا الله يرحم والدك ويرحم امواتنا جميعا. لو بتتكلمي ع الارتباط الرسمي اه حقه يعرف ويعرف عادي، انما الارتباط الكاجوال دا مش لازم يعرف تفاصيل شخصيه عنك اصلا الا لو خد خطوه جديه. وعايز اقولك ع نقطه بردو، مفيش حاجه تخجلي منها، والدتك خدت قرار يخصها لوحدها انها تتجوز تاني او تتجوز مسلم او مسيحي او حتي شخص لا دين له، هي حره دي قرارتها الشخصيه بغض النظر اذا كانت صح او غلط او تعجب حد او متعجبوش، وباكدلك كمان ع نقطه، لو ارتبطي بشخص ومعجبوش فكرة ان والدتك اتجوزت او اتجوزت واحد مسلم، دا اكيد الشخص الغلط، وتحمدي ربنا ان علاقتكم لم تكتمل، مينفعش حد يتحاسب بقررات واختيارات اهله. انا عارف ان المجتمع مختلف شويه ف راية ونظرته للامور، بس ف الاخر لازم نتكلم ف الصح ونعمل بيه حتي لو خالفه الاغلبيه.
تم النشر الجمعة، ٥ يناير ٢٠٢٤
عادي ممكن بعض الناس تكون شايفة أن ده ممكن يعمل خلل في التربية تفكك أسري ضعف في الإيمان ايا كان بقى لو قرأتي التعليقات هتعرفي أن مش كل الناس هتشوفها حاجة خاصة بالشخص نفسه ده في اتنين بيتكلموا في رفع دعوى قضائية بالتفرقة و حد بيدعيلي اتزوج من مسلم مع أن جدير بالذكر اني ماليش اي حقوق زي المسلمة في الحالة دي انا بس بشوف الآراء
تم النشر السبت، ٦ يناير ٢٠٢٤
ايه المشكله في كدة ..انتي لازلتي مسيحية ..ايه مشكلة العريس مين اللي رباكى ...لو سمحتي جاوبي علي السؤال
تم النشر السبت، ٦ يناير ٢٠٢٤
لعرض السؤال في فدني اضغط هنا