ممكن اعرف ازاي الاقي شغل في مجال التحاليل الطبية انا بعت سي في لاغلب المعامل اللي في محافظة بتاعتي عن طريق واتس اب ومحدش رد علي بقالي ٤ شهور
ممكن اعرف ازاي الاقي شغل خاصة لو شغل مستشفيات
فى البداية تأكدي من حصولك على تدريب جيد وكافي من المتخصصين في المجال، وإذا كنت كذلك بالفعل فيمكنك التطوع والذهاب بنفسك إلى المعامل الطبية وقبول مبلغ رمزي حتى الحصول على خبرة كافية. أو سؤال زملائك من نفس المجال عن أماكن مناسبة لذلك. أو عن طريق الانضمام إلى مجموعات التواصل الاجتماعى الخاصة بالتحاليل الطبية فى محافطتك.
تم النشر الثلاثاء، ٢٥ يونيو ٢٠٢٤
السلام عليكم المجال التحاليل الطبيه بالذات يعني انا انصحك لو لسه متخرجه. انك تاخدي بعضك وتروحي على المعامل الصغيره وتشوفي اذا كانوا محتاجين حد يتدرب او حد يشتغل ولو لقيتي فرصه قريبه من بيتك يعني توكلي على الله وخدي الفرصه دي المعامل الصغيره ممكن تشتغلي تدربي مع حد يكون هو صاحب المكان اصلا ويكون بعد شويه يشوف اني كويسه ومن خلال التدريب يعني شوف انك كويسه ويخليكي تاخذي فرصه شغل. في نفس الوقت تروحي المعامل الكبيره وتقدمي بس مش عن طريق الواتساب يعني ما تبقاش تبيه عن طريق الواتساب دي مش الطريقه الانسب يعني يا اما تروحي وتقدمي تسيبيه في الفرع او تساليهم ازاي اقدم على وظيفه في المعمل ده وهيوضحه لك اما بيكون في ايميل بيتبعت عليه يا اما هيقولوا لك طيب سيبيه نسخه من السي في ايا كان يعني وكل فتره ممكن تروحي الفرع اللي قريب منك او الفروع القريبه منك للمعامل الكبيره دي وتشوفي اذا محتاجين ولا لا، لانه المعامل الكبيره الناس من لودو الشغل ممكن. او بسبب التنقلات من محافظه للتانيه ممكن يكون في امكانيه لمكان يعني موجود فتبقى انت قادره تنتهزي الفرصه دي زائد طبعا انك لو لقيتي فرصه انك مستشفيات زي ما بتقولي تروحي برضو وتسالي وتقدمي بتاعك كده فرصه كويسه ربنا.
تم النشر الثلاثاء، ٢٥ يونيو ٢٠٢٤
أفهم محبطك وقد يكون الامر صعب، ولكن لا تقلق، فيه شوية خطوات ممكن تساعدك: الشبكة الاجتماعية (Networking): حاوِل تتواصل مع أصدقاءك وزملائك أو أي حد تعرفه في المجال. ممكن حد يقدر يفتحلك باب شغل أو يعرفك على شخص ممكن يساعدك. نقابة التحاليل الطبية: حاوِل تتواصل مع النقابة الخاصة بمجال التحاليل الطبية في محافظة بتاعتك. ممكن يكون عندهم فرص شغل أو تدريبات عملية. مواقع التوظيف الإلكتروني: استخدم مواقع زي لينكد إن، بيت.كوم، وفرصنا. تابع العروض اليومية وابحث باستخدام الكلمات المناسبة لمجالك. مراجعة السيرة الذاتية: اتأكد إن الـ CV بتاعتك مكتوبة بطريقة احترافية وبتعكس مؤهلاتك وخبراتك بشكل جيد. ممكن تطلب مساعدة من حد متخصص في كتابة الـ CV. التقديم الشخصي: بجانب التقديم الإلكتروني، ممكن تروح بنفسك لمعامل ومراكز التحاليل وتقدملهم السيرة الذاتية. أحياناً بيكون التفاعل الشخصي أكتر تأثير. التدريب والدورات: لو فيه دورات تدريبية أو ورش عمل في مجال التحاليل الطبية ممكن تحضرها. دايماً بيكون عندهم فرص شغل أو توصيات للأماكن اللي بتحتاج تعيين. مستشفيات الجامعات: لو فيه كليات طب أو مستشفيات تعليمية في منطقتك، حاوِل تقدم هناك. دي أماكن دايماً بيكون عندهم حركة تعيينات باستمرار. اتمنى تكون النصائح دي مفيدة ليك وتلاقى شغل في أقرب وقت. ربنا يوفقك!
تم النشر الاثنين، ٢٤ يونيو ٢٠٢٤
لعرض السؤال في فدني اضغط هنا