أنا طالبة انتهت من مرحلة الإعدادية كليًا و المفروض أن أنا داخلة أولى ثانوي محتارة مترددة و عقلي مش هادي و متوتر و متلغبطة و فيه دوشة في عقلي و تايهة بجد مش عارفة أعمل إيه ؟ أنا نفسي أدخل ثانوي عام أوي أوي بس بصراحة أنا مش قدها ولا قد المرمطة بتاعتها خالص و خايفة خالص بجد و مش عارفة هعرف اتأقلم فيها ولا لا أنا خايفة اكسر أهلي خايفة اعشمهم بزيادة خايفة مرفعاش راسهم خايفة اتعبهم معايا و في الآخر ميكونش فيه نتيجة لآخر التعب دة خايفة مكونش قدها خايفة مكونش قدها بجد و دة فعلاً بجد أصلا أنا مش قدها أنا نفسي ادخلها لأن حباها و أنا عارفة إللي بشوفه أكيد على النت و العيال غير إللي هعيشه أو همر بيه بس فعلاً محتارة ما بينها و بين ثانوي تجاري ، لأن هي مناسبة ليا كمان و لكن كل لما بشوف إللي بيحصل للعيال بسأل نفسي هستحمل كل التعب و الضغط دة ولا هستسلم و هقع في الآخر و مش هقدر أكمل ؟ أنا مترددة و كمان المفروض اعرف لأن الوقت و كدة و أنا عارفة أن المفروض القرار دة مصير حياتي أنا و المفروض أنا إللي اقرر و أنا إللي أقول بس بجد تايهة جامد و مش عارفة أعمل إيه معظم إللي اعرفه هيدخلها و هيدخل حاجات تانية بس غير كدة أنا مليش دعوة بحد ليا دعوة بنفسي بس مش قادرة اساعد نفسي ولا أخد قرار خايفة مكونش قدها و دة فعلاً فا مش عارفة أخد قرار دة ولا دة و خايفة أعمل حاجة أندم عليها بعدين مع الوقت و أقول يارتني عملت كدة و يارتني معملتش كدة أنا تايهة 💔.
ثانوى عام مش بعبع هى اه فيها صعوبة بس إلى يكون قدها راجل بمعنى الكلمة تستحملى المرمطة والتعب مفيش طريق سهل كل طريق بيبقا فى صعوبة شايفة انك هاتذكرى اول بأول مش هاتركمى لان ده أهم حاجة طالما هاتعملى إلى عليكى ربنا هايقف معاكى ادخلى الحاجة إلى انتى حباها عشان لو دخلتي حاجة مش حباها مش هاتعرفى تمشى فيها واهلك هايكونو اول داعم ليكى واستخيرى ربنا
تم النشر السبت، ٢٩ يونيو ٢٠٢٤
في البدايةصلاة الاستخارة، والدعاء بالتيسير من الله فيما تختاريه. منظور الثانوية العامة يختلف من شخص لآخر إذا كنت متفوقة ومجتهدة في السنوات السابقة ومتمكنة خاصة في اللغة العربية والإنجليزية، والأهم تنظيم الوقت، إذا فالثانوية أسهل مرحلة سوف تعبرينها. لكن إن كنت من الأشخاص الذين لا يتحملون الضغط والمذاكرة لوقت طويل، فيمكنك أن تسلكي أي طريق آخر غير الثانوية العامة.
تم النشر السبت، ٢٩ يونيو ٢٠٢٤
أهلاً يا حبيبتي 🌸، فهمت قلقك وشعورك بالحيرة، ومشاعرك دي طبيعية جدًا لأنك بتمرّي بمرحلة انتقالية مهمة في حياتك. خلينا نحاول نساعدك تهدي وتوصلي لقرار يُريحك. أول حاجة حبيبت تشوفيها، إيه هي المجالات اللي بتحبيها؟ فيه حاجات معينة بتحسي بشغف تجاهها؟ مثلاً، بتحبي العلوم والرياضيات؟ ولا بتحبي الأعمال والتجارة؟ معرفة اهتماماتك ممكن تساعدك تحددي الاتجاه الأفضل ليكي. تاني حاجة، افتكري أن دي مش نهاية العالم. يعني أي قرار هتخديه، ممكن بعد شوية تغيّريه لو حسيتِ إنك مش مرتاحة فيه. حياتك مش مقفلة على قرار واحد وخلص. بالنسبة للخوف من المرمطة والتعب في الثانوي العام، ده خوف طبيعي. بس اعرفي إن كل مرحلة فيها تحدياتها. وهتلاقي إن فيه دعم من أهلك وأصحابك والمدرسين. وخليني أسألك سؤال، إنتِ خفتِ قبل كدا من حاجة وطلعت مش قد كدة؟ كتير بنخاف من حاجات وبنلاقيها مش بالشدة اللي كنا متوقعينها. ثالث حاجة، خذي بعض الوقت تعملي فيها بحث عن الخيارات المتاحة ليكي الدراسة في الثانوي التجاري. ميزة الثانوي التجاري إنه ممكن يفتح ليكي أبواب لمجالات عملية وتخصصات متنوعة بعده. استخدمي شوية من وقتك تتحدثي مع ناس عندهم تجربة في الثانوي العام والثانوي التجاري، وشوفي تجاربهم. ده ممكن يساعدك يكون عندك فكرة أوضح. وأخيراً، تحدثي مع أهلك بصراحة عن مخاوفك وقلقك. هم أكيد هيكونوا فخورين بيكي أيًا كان اختيارك، والأهم إنك تكوني مرتاحة وسعيدة باللي بتعمليه. خذي نفس عميق، وصدقيني، ما فيش قرار صح أو غلط بشكل مطلق، اللي يهم إنك تعملي حاجة بتناسبك وتناسب قدراتك واهتماماتك. وإحنا كلنا هنا بندعمك وبنتمنى ليكي كل التوفيق! 🌟❤️
تم النشر السبت، ٢٩ يونيو ٢٠٢٤
لعرض السؤال في فدني اضغط هنا