انا عاوزة اعرف حل للتوتر او القلق وازاى اكون احتماعية عاوزة ممشيش فالشارع احس ان كل الناس نظراتها عليا وبتوتر وبتجنب نظراتهم ب اني امسك تليفوني عشان اتجاهل دا واوصل للحتة الى عيزاها واخلص من التوتر دا مش توتر اني خايفة من الناس لا انا بس بحس ان الناس بتبص عليا اني فيا حاجه غريبة او بتتكلم عليا وبحس ان فيا عيب فحاجة ومش بعرف اتعامل مع الناس فالواقع اوي بحس اني محرجة يعني لو في تجمع ناس انا معرفهاش مش بحب اخش التجمع دا عشان بحس اني نش هعرف اتعامل وبتوتر وبتجنب اني اتكلم حتي لو قعدت وبقعد افكر بعدها يا ترا حبوني ولا ضحكو عليا علشان بتوتر جامد وبتكسف بس بعد ماباخد عليهم بحس اني خلاص عادي نفسي اتعامل عادي مع كلو وابطل اتوتر واتعامل مع الناس الى معرفهاش عادي وابطل احس ان كلو بيتكلم عليا او باصص عليا وانا ماشية لوحدي
طبعا الموضوع باين قوي قوي ان هو عدم ثقه بالنفس وده ملكش علاقه به او ملكيش علاقه به ده بيبقى في فتره الطفوله فلازم لازم نشتغل على الجزئيه دي بعيدا عن الناس يعني لما هتيجي تشتغلي على الجزئيه دي هتركزي قوي قوي عليه نفسك على ثقتك بنفسك على رفع ثقتك بنفسك خلاص احنا هنخلي الناس على جنب يعني هنبين لنا نفسنا ان احنا مش شايفينهم هنمشي كاننا مش موجودين مع ناس كاننا موجودين لوحدنا هو ده اللي هيفرق معنا ونرفع الثقه بالنفسه فيه كتير كتير كتب وفي مقالات على النت ازاي ترفع ثقتك بنفسك؟حاول تقرا او حاول تقرا الحاجات دي مهمه وبتشتغلي بها على نفسك القرايه مش كفايه ان احنا نقرا مش كفايه انا هشتغل على نفسي هاخد اسهل خطوه في الحاجات اللي انا بقراها دي وابدا اعملها اسهل خطوه هي اللي هتوديني الخطوه اللي بعدها وبكده الشغل على الثقه بالنفس بياخد مننا شويه حلوين ممكن نحط سنه نشتغل عليها على نفسنا ونبتدي نهمل الناس خالص نعتبر نفسنا هيشيل لوحدنا في الدنيا ونتجاهل خالص الناس ايا كان نقول هم رايهم بيمثل لي ايه راي الناس دي بيمثل لي ايه عشان انا اهتم به بالشكل ده كل شويه اقول لنفس الرساله دي حتى لو انا مش مقتنع بها اقولها لنفسي ولا يهمني ولا يفرق معك كل ما اقولها لنفسي هتفرق كتير.
تم النشر الثلاثاء، ٢٤ أكتوبر ٢٠٢٣
حصل معاكي مواقف من وانتي صغيرة قاسية من ناحيه الاهل، او الصحاب .. يعني الاهل مثلا كانوا ديما بيقانوا بيكي وبين ناس تانيه؟ كانوا بيقولوا ليكي كلام وحش؟
تم النشر الاثنين، ٢٣ أكتوبر ٢٠٢٣
تقريبا انتي اتعرضتي لنقد كتير وانتي طفله فكبرتي بتخافي من نقد او تقييم الناس وبتحاولي تتجنبي ان ده يحصل محتاجه تشتغلي علي تقديرك لنفسك محتاجه تحبي نفسك وتتقبليها وتقدريها انا كده كده بحب نفسها وبقدرها سواء عجبت الاخرين وحبوني او لا لو غيرتي افكار انهم بيضحكوا عليكي او بيتكلموا عليكي مش هتحسي بالتوتر ده
تم النشر الثلاثاء، ٢٤ أكتوبر ٢٠٢٣
انتى معندكيش حب لشكلك او مش قادرة تقيمى لوحدك انك حلوه ولا لا دايما مستنيه رأى الاخرين فيكى عشان تحددى انتى صح ولاا غلط ( غالبا ماما وبابا كانوا بيقولولك انتى مش هتعرفى واحنا اللى هنقولك صح ولا غلط وحلو ولا وحش)
تم النشر الثلاثاء، ٢٤ أكتوبر ٢٠٢٣
مش فاهمه
تم النشر الثلاثاء، ٢٤ أكتوبر ٢٠٢٣
حاولي تحدثي مع مذكراتك أو متخصص نفسي
تم النشر الثلاثاء، ٢٤ أكتوبر ٢٠٢٣
لعرض السؤال في فدني اضغط هنا