عندي افكار وحشه ف دماغي من وانا صغيره وبعمل حاجات غلط ممكن اكلم ولاد وممكن أسرق وبرجع اندم وافكر لي عملت كدا بس خايفه لما اكبر الافكار دي تتغلب عليا وتعملها ومش واثقه فنفسي
اكيد في اول حياتك اتعرفتي علي ناس هما الي علموكي ووروكي الحاجات الوحشه دي اعتقد مكتشفتيهاش لوحدك باين عليكي صغيرة شويه علي ما اظن طيب انتي بتستفادي ايه لما بتكلمي الولاد دي؟ فكري فيها شويه هتلاقي نفسك مبتسفتديش حاجه ولله لان الولاد تفكيرهم فيكي هيبقا وحش مع انك ممكن تبقي كويسه بس لمجرد انك بتكلمي ولاد الناس هتكلم عليكي وهما ميعرفوكيش صح؟ يبقا مستفتديش منهم غير الضرر والتعب وربنا حرم الموضوع ده عشان كده موضوع السرقه اكيد في حاجه وانتي صغيره حصلتلك اتعودتي تعملي كدا او انتي متعودة من وانتي صغيره تمدي ايدك علي حاجات الغير هو يا حبيبتي ربنا موجود دايما بيغفر وبيسامح انتي تقربي منو وربنا جميل يحب الجمال وبيسامح علي اي حاجه انتي لما تكبري كدا كدا تفكيرك بيتغير عن كل حاجه بس حاولي توقفي نفسك من دلوقتي طبيعي متبقيش واثقه فنفسك بسبب الحاجات الي بتعمليها صدقيني لو بطلتي الحاجات الوحشه دي وشك هينور وقربتي من ربنا هتحسي بارتياح وثقه رهيبه فنفسك وهدوء نفسي جواكي بلاش الشيطان يتغلب عليكي وانتي لسه صغيره متدمريش نفسك من دلوقتي
تم النشر الأحد، ٢٧ أغسطس ٢٠٢٣
اشغلي نفسك باي حاجه وبلاش تختلي بنفسك لان دا اساس اي مشكله حاولي تبقي وسط ناس دايما او جيم
تم النشر الأحد، ٢٧ أغسطس ٢٠٢٣
امتى الافكار ديه بدات معاكي بالظبط؟ وكان بيبقى سببها ايه؟ وايه علاقتك بوالدك وبوالدتك؟ وليه مش واثقة ف نفسك؟
تم النشر الأحد، ٢٧ أغسطس ٢٠٢٣
حاولي تحفظي قراأن وتسمعي خطب هايبقي صعب عليك ف الاول بس ربنا هايقويكي و لو عرفتي تتصاحبي علي بنات ملتزمين هايفيدوكي واشغلي نفسك يعني لو مش هاتعرفي تشتغلي ممكن تستغل دا وتطوري نفسك ف حاجه حابه وربنا معاكي ماتقلقيش
تم النشر الأحد، ٢٧ أغسطس ٢٠٢٣
حاولي تكوني صداقات مع ناس محترمين ومؤدبين حتي لو اكبر في السن.. والاهم انك تقربي من ربنا اكتر وتصلي..
تم النشر الأحد، ٢٧ أغسطس ٢٠٢٣
لعرض السؤال في فدني اضغط هنا