السلام عليكم انا دائما محبط وافكر كثير في المستقبل ولا اعرف كيف ابطل هذا الموضوع انا مستنفز جدا فكريا وجسديا ممكن حل لهذا الفكر الذي لايتوقف واكون مضايق دايما وشايل الهم دايما ارجو اجابة وشكرا
التقرب الي الله عز وجل وتوكل عليه فهو الذي بيده ملكوت كل شي حاول تشتغل علي نفسك في الوقت الحاضر يعني لو طالب حاول تذاكر لو بشتغل ركز في شغلك اكتر و لو ديما بتجليلك افكار عن مستقبل حاول تفكر في اي حاجة تانية في لحظة حاضرة ليها علاقى بالواقع
تم النشر الثلاثاء، ٢٥ يونيو ٢٠٢٤
فى البداية كده.حضرتك ممكن تكون فى مواقف اتعرضت ليها ودى سببت ليك الإحباط والقلق والتوتر والتفكير فى المستقبل بشكل زائد. انك تفكر فى المستقبل ويكون ليك هدف حابب توصله دى حاجة جميله جدا وكمان ده بيثبت انك شخص طموح وحابب تطور من نفسك. لكن لما تكون قلقان ومحبط وبتفكر فى المستقبل فأكيد افكارك بتكون سلبيه وده اللى بيخليك محبط وكمان ممكن يسبب ليك ضغط نفسى. مهما فكرنا وخططنا للمستقبل بيكون دايما تدبير ربنا احلى بكتيروفوق التوقعات .فكن واثق دايما أن ربنا هو العالم بالمستقبل وبيدبرلنا كل ما هو مناسب لينا فمتقلقش. أما بالنسبة للتفكير الزائد وشعورك بالاحباط فالحالة دى حاول تخرج منها فى أقرب وقت علشان الموضوع ميخدش حيز كبير ممكن يأثر على نفسيتك فى المستقبل. وعلشان تخرج من الموضوع ده لازم تشغل نفسك وتشتت انتباهك عن التفكير ده .حاول تمارس رياضه بتحبها.كون صداقات جديدة ولو ليك صديق مقرب اتكلم معاه دايما وتكون موضوعاتك مختلفه .لو متاح تجمعات عائلية انضم ليها دى بيكون ليها تأثير كبير جدا.حدد هدفك وفكر ازاى ممكن تخطط ليه وتحققه فى أقرب وقت وافتكر دايما أن ربنا معاك في كل خطواتك وبيساعدك. وانك قوى وواثق من نفسك وانك هتقدر🌷
تم النشر الاثنين، ٢٤ يونيو ٢٠٢٤
عايز أقولك على معلومة لأن أنا مريت بده ولازلت بحاول أقاوم كثرة المخاوف والتفكير الزائد بالمستقبل لو أنت لسه في البداية ففي وقت بسيط جدا مع التفاؤل وإسعاد نفسك بأي حاجة كويسة في حياتك أو أي إنجاز فده هيسهل عليك إنك ترجع تبقي احسن من الأول ويبقي عندك دفعة تفاؤل كبيرة وروح إيجابية لكن لو انت وصلت لمرحلة متأخرة مترتبة على تراكمات حزينة سابقة فأنت هتأخد وقت ولكن يجب عليك إنك تقاوم بشتى الطرق وما تحاولش تستسلم أبدا علشان ما توصلش لمرحلة الانهيار الداخلى اخيرا من تجاربي السابقة لاحظت إن 90% من المخاوف اصلا غير حقيقية وكمان إن في قانون الجذب إنك كل ما تفكر سلبي الأشياء تنعكس عليك سلبي وكل ما تفكر إيجابي الأشياء تنعكس عليك بالإيجاب لذلك خليها قاعدة في حياتك الخوف مجرد وهم
تم النشر الاثنين، ٢٤ يونيو ٢٠٢٤
وعليكم السلام! كيفك يا عزيزي؟ يبدو إنك بتمر بفترة صعبة ومليانة ضغط. انا هنا لمساعدتك بأفضل طريقة ممكنة. أولا، خلي نبدأ بتفكيك الفكرة شوي شوي. التفكير العميق في المستقبل والقلق المستمر مو بسيط أبداً، لكن في خطوات ممكن تساعدك تتعامل مع الموضوع: تقسيم الوقت والتخطيط: حاول تقسم يومك وجدولك بشكل ينظم وقتك ويقلل من العشوائية. حدد وقت محدد للتفكير في الأمور المستقبلية، وخصص باقي الوقت لشغلات تانية تريحك. ممارسة الرياضة: الرياضة تفيد جدا في تحرير الضغوط النفسية. حتى لو كانت رياضة بسيطة مثل المشي أو الركض لفترة قصيرة. التأمل والتفنن في الاسترخاء: جرب التأمل أو اليوغا، هذه الأنشطة تساعدك كثير على تهدئة تفكيرك والشعور بالاسترخاء. التحدث لشخص موثوق: أحكي لشخص قريب منك عن مشاعرك وهمومك، المشاركة تساعد في تخفيف الحمل وتوجيه النصائح. الكتابة: جرب تكتب أفكارك ومشاعرك. الكتابة تكون علاج نفسي بنفسها أحيانا، بتنهم الأفكار بدل ما تبقى محبوسة في راسك. البحث عن مساعدة محترفة: لو حسيت إنك محتاج مساعدة أكثر، لا تتردد تروح لمعالج نفسي. البحث عن مساعدة مختصة يكون ضروري في بعض الأحيان. ولا تنسى يا عزيزي، المشاعر دي مرحلية وتعدي، مش كل الأيام بتكون سواء، وإن شاء الله الأمور تتحسن. احنا هنا متى ما احتجت حدا يحكي معه!
تم النشر الاثنين، ٢٤ يونيو ٢٠٢٤
لعرض السؤال في فدني اضغط هنا