ايه سبب انك مش فارق معاك حاجه ودائما مكسل ومبتحسش بالندم إلا قليل جدا جدا وحاسس بالفراغ وانك قليل وأقل من كل اللي حولك ومبتصليش وبعيد عن ربنا ومش بتحس وعادي عندك اللي يروح ذي اللي يجي مش بتفرق معاك من مات حتى لو أعز حد بالنسبة لك وروحك فيه بتحس انه عادي اعمل ايه يعني
🎤 إجابة صوتية
تم النشر الأربعاء، ١٦ أبريل ٢٠٢٥
السلام عليكم، هل مريت بفترة صعبة وبعدها حصل التغير ده؟ حصل حاجة معينة في حياتك؟ علاقتك بربنا كانت كويسة قبل كده وبعدين بعدت؟ ممكن تكون مريت بضغوط أو لو بتدرس أو بتشتغل ممكن حصل وضغطت على نفسك كتير فدخلت في احتراق نفسي أو وظيفي. ممكن نفسك محتاجة ترتاح وتبعد عن الواقع ففصلت باختصار ودخلت في حالة لامبالاة نحو كل شيء. هو أيًا كان السبب فأول خطوة عامة للخروج منها هو إنك ترجع تقرب من ربنا. هتقول إنك أصلا مقصر ومش بتصلي، الحل إنك تصلي، تجبر نفسك إنك تصلي حتى لو مش حاسس أو شايف إنك مينفعش تصلي لأي سبب أو مش هيكون فيه خشوع. اجبر نفسك ومتخليهاش هي اللي تمشيك على مزاجها. عود نفسك أول ما تسمع الأذان تقوم تصلي حتى لو مش عاوز. واحدة واحدة هيبقى الموضوع سهل ومع قراءة القرآن بتدبر إن شاء الله تخرج من الحالة اللي انت فيها. استعن بالله وصلي وادعي ربنا وردد كتير ذكر (لا حول ولا قوة إلا بالله) ربنا يقويك وتبقى في حال أفضل، وإن شاء الله أحد الخبراء هنا يجاوبك من الناحية النفسية ويقول لك إذا فيه خطوات عملية تانية تمشي عليها أو إذا هتحتاج تتابع مع مختص. بالتوفيق إن شاء الله.
تم النشر الثلاثاء، ١٥ أبريل ٢٠٢٥
لازم تصلى وتلتزم بالصااة والصبر وكل حاجة هتتغير .. قال تعالى وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكًا وَنَحْشُرُهُ يَوْمَ الْقِيَامَةِ أَعْمَى
تم النشر الأربعاء، ٢٣ أبريل ٢٠٢٥
ده في شويه حجات طبيعي وبالذات ف سن الشباب بس في شويه حجات زي دايما مكسل ومبتحسش بالندم وحاسس بالفراغ ده عدم شغف ومفيش حاجه حلوه باحبي تعمليها شوفي انتي بتحبي تعملى اي ونفسك ف اي وشاغلي نفسك بيه وقوي نفسك واعرفي انك حد لي أهميه هتبقي احسن بس الفراغ السبب في كل ده حرفيا
تم النشر الثلاثاء، ٢٢ أبريل ٢٠٢٥
أشعر بمشاعرك وأقدّر صراحتك في التعبير عنها. إن الشعور باللامبالاة والكسل وعدم الإحساس بالندم قد يكون نتاجًا لتأثيرات عدة، مثل التوتر النفسي، أو الاكتئاب، أو حتى الشعور بالفراغ الروحي. قد تساهم بعض العوامل مثل الضغوط اليومية، عدم الرضا عن الحياة، أو الابتعاد عن العبادة والطاعة في هذه المشاعر السلبية. من المهم أن تعرف أن هذه الأحاسيس ليست دائمة، ويمكنك تغييرها من خلال خطوات عملية. إليك بعض النصائح التي قد تساعدك: تواصل مع الله : حاول أن تعيد بناء علاقتك مع الله من خلال الصلاة والدعاء. الصلة الروحية تعزز الهدوء الداخلي وتمنحك شعورًا بوجود هدف. حدد أهداف صغيرة : ابدأ بوضع أهداف يومية بسيطة، مثل الخروج للمشي أو قراءة شيء ينمي معرفتك. ذلك يساعد على تجديد النشاط والشعور بالإنجاز. استشر مختص : قد يكون الحديث مع مختص نفسي مفيدًا للحصول على دعم إضافي. إن التحدث عن مشاعرك يمكن أن يكون خطوة هامة نحو الفهم والشفاء. تفاعل مع الآخرين : حاول الالتقاء بأشخاص إيجابيين يرفعون من معنوياتك ويقدمون لك الدعم. تذكر، التغيير يحتاج إلى وقت وصبر. ابحث عن الخطوات الصغيرة التي تستطيع اتخاذها لتحسين حالتك النفسية، ولا تتردد في طلب المساعدة عند الحاجة.
تم النشر الثلاثاء، ١٥ أبريل ٢٠٢٥
كل دا عادي الا انه ميصليش.. اقسم بالله دي كارثه.. كأنك بالظبط في مكان مقطوع مظلم عاري تتخطفك فيه الشياطين لأنك تركت الحصن والنور وقطعت الحبل الذي يصلك بالله فينقطع معه كل خير ويتربص بك كل شر حرفيا... قبل اي شيء ارجع صلي وادعو والله بالثبات وان يزيدك قربا.. جاهد نفسك وكن لك نصيبا من اسمك وستري من الله العجب إن شاء الله
تم النشر الأربعاء، ١٦ أبريل ٢٠٢٥
السبب باختصار الخذلان من اقرب الناس وظروف مريتى بيها شديده ورا بعض هقولك انه بلاء من ربنا وعليكى الاستعانة بالله واذكري الله سبحانه وتعالى وانشاء الله وعن تجربه هاترجعى احسن من الاول
تم النشر الأربعاء، ٢٣ أبريل ٢٠٢٥
بس ويارب تتحسني
تم النشر الثلاثاء، ٢٢ أبريل ٢٠٢٥
بصي يا حبيبيتي انتي كنتي اكيد بتمرير بحاجات صعبه مش تحت شرط يكون حاجات صعبه اويي لا ممكن تكوني مثلا مامتك بتقارن بحد او لي حد بيقارنك بحد ف ده بيأثر فيكي وبيخليكي تشوفي نفسك قليله او مش ذيهم وكمان كنتي بتتعرضي لكلمات وحشه مثلا حد يقولك انتي جبله مش بتحسي انا بقول مثلا مش تحت شرط يكون حصلك بس هو ده الي سبب حالتك +انك مبتصليش وده اهم حاجه في حياتك بجد انتي عارفه انا مريت بحاجات أصعب من اي حد وكانت برده نفسيه ومكنتش مقربه من ربنا ومكنتش بصلي بس والله انا كنت قاعده عادي ولقيت نفسي بفتح المصحف بقالي الأيات الي بحبها عشان ارتاح وفعلا ارتحت خالص ومن ساعتها ختت خطوه خلاص الصلاه والعباد تعتبر زي لما بتصحى وتدخلي الحمام او تشربي يعني جزء اساسي في يومك♥️❤️
تم النشر الثلاثاء، ٢٢ أبريل ٢٠٢٥
لازم تشغل نفسك بحاجة بتحبها سواء تشتغل فيها أو كهوايه تتطلع من المود الوحش الل أنت فيه ، وحاول تبعد عن النت والافلام والمسلسلات الل موجوده لأنها بتعمل توحد بتخليك ف عزله وبتجد نفسك ف حاله نفسيه مش كويسه ومنعزل ، شوف انت بتحب تعمل ايه وجدد شغفك للحياه . شباب كتير بيمر بنفس الحاله وانا منهم بس لقيت نفسي بحب الاعمال اليدويه وباخد فيها كورسات عشان اقدر اشتغل علي الحاجه دي وتبقي مصدر دخل ليا . والصلاه لازم تكون بتصلي هي صلتك بربك وأول شئ تسال عنه يوم القيامه . حاتحس انك بتعمل حاجه صح ف حياتك لو ملتزم بصلاتك وتعطيك ثقه نفسك
تم النشر الثلاثاء، ٢٢ أبريل ٢٠٢٥
مبدئياً انصحك ب (بودكاست وعى ) تمام . بصى كل اللى انتى وصفتيه دا بالحرف بيكون بسبب البعد عن الله . الدنيا دى موحشه وماليانه أبتلائات وماليانه فتن بتأثر على القلب والقلب دا لو مش متقوى بحاجه هيضعف بكل سهوله ويتكسر لازم القلب دا يكون متقوى بالله لأنه هو اللى خلقك وهو اللى بيرزقك وهو اللطيف والرحيم بك وهو وحده يعلم اللى بتحسى بيه وهو وحده القادر يملك ما تتمنيه وهو اللى هيحاسبك فيعيشى حياتك مع الله تعرفى على التوحيد وعلى أسماء (معانيها) الله وصفاته اتعرفى على الفقه .(إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنْتُمْ تُوعَدُونَ)
تم النشر الجمعة، ١٨ أبريل ٢٠٢٥
استغفري دايما واعملي ورد للاستغفار وان شاء الله الدنيا هتتظبط مع حضرتك
تم النشر الخميس، ١٧ أبريل ٢٠٢٥
الالتزام بالصلاة
تم النشر الأربعاء، ١٦ أبريل ٢٠٢٥
تقرب إلي الله
تم النشر الأربعاء، ١٦ أبريل ٢٠٢٥
حاول تلتزم بالصلاه والاستغفار سحر والله هتلاقي حاجات كتير اتصلحت وتغيرت في حياتك من غير متدخل
تم النشر الأربعاء، ١٦ أبريل ٢٠٢٥
عشان اجاوب علي سؤالك لازم اعرف انتي مريتي بأيه وصلك لكده
تم النشر الثلاثاء، ٢٢ أبريل ٢٠٢٥
اكتئاب حاد وانا زيك بالضبط لما الحزن بيتكلم مننا العقل بيتشل والجسد بيتعب أكثر من الاستغفار وقراءه القران مفيش حل تاني عشان تجدد طاقتك الإيجابية
تم النشر السبت، ١٩ أبريل ٢٠٢٥
لعرض السؤال في فدني اضغط هنا