إزاي أستمر علي الريجيم ومأحبطش لأني بيجي بعد أسبوعين بأنتكس وأرجع شره في الأكل أكتر من الأول
السؤال التاني إزاي أشجع نفسي علي اللياقه أو ألتزم إني أروح جيم لأني مبستمرش؟؟
متعمليش ريجيم ، امشي علي نظام الصيام المتقطع قللي الكميات حددي نوعيه أكلك متكليش في وقت متأخر ابعدي عن الدهون والسكريات أما الرياضة مش لازم جيم ممكن تلعبي في البيت حتي لو مشي سريع في المكان كل يوم ٣٠ ساعه ممكن تلعبي كارديو أو هيت أو مقاومة المهم تتحركي
تم النشر الأربعاء، ٢٣ نوفمبر ٢٠٢٢
اهلا ومرحبا بك. أنا مش دكتورة تغذية ولكن عندي تجربة شخصية في الموضوع ده، ف هحاول أفيدك بقدر الامكان. محتاجة اعرف انت ماشي على نظام ايه في الدايت؟ لو ماشي بنظام السعرات ف طبيعي كل اللي انت بتقوله يحصل، لانك مش هتكون قاطع أي حاجه، بتاكل كل شيء ولكن بكميات قليلة. والنظام ده صراحة اثبت فشله معايا لعدة مرات. وأصبحت وجهة نظري فيه أنه فعلا نظام فاشل ولا يمكن الاعتماد عليه. بعد شوية وقت عرفت نظامين اسمهم الكيتو واللوكارب. + الصيام المتقطع بيعتمدوا هما الاتنين على تقليل النشويات. الكيتو اصعب من اللوكارب شوية لكن المسموح فيه قليل جدا. الصيام بقى من اكتر الحاجات اللي حرفيا ممكن تساعدك جداا، الصيام بيقلل الشراهة، بيساعدك على التركيز، بيخليك مش (جعان) علشان تعرف اكتر عن النظامين دول .. اكتر حد شوفته فعلا ممتاز هي د. وعد امين وديه القناة بتاعتها على اليوتيوب https://youtube.com/@DrWaadAminFitnessNutritionist كمان عندها متابعة اونلاين على ابليكشن اسمه ويلنس وده الرابط بتاعه راجع "ويلنس: تغذية صحية ولياقة بدنية" https://play.google.com/store/apps/details?id=com.welnes
تم النشر الخميس، ١٧ نوفمبر ٢٠٢٢
لو اعتمادك فى الاكل على النشويات والسكريات فطبيعى جدا اول ما تبطلها او تقللها ترجع تكون شره بعد اسبوعين ممكن نستعين بدكتور تغذية لان هو يقدر يحدد النظام اللى مياخدش نفس النمط ده او ممكن نعتمد عى المشروبات اللى بتسد الشهيه ( مش الادوية ) مشروبات طبيعية
تم النشر الأربعاء، ١٦ نوفمبر ٢٠٢٢
أهلاً بك! أولًا ، يجب أن تعرفي أن الريجيم هو نمط حياة وليس حل سريع لفقدان الوزن. لذلك ، يجب أن تأخذي الأمور ببطء وعدم الإفراط في حرمان نفسك من الأطعمة التي تحبينها. حاولي تناول وجبات صحية ومتوازنة بانتظام وابتعدي عن الأطعمة الغنية بالدهون والسكريات. كما يمكنك ممارسة التمارين الرياضية الخفيفة والمنتظمة والتي يمكنك الاستمرار فيها لفترات طويلة. أما بالنسبة للحفاظ على اللياقة البدنية ، فعليك بتحديد أهدافك بشكل واضح وتدوينها في مكان مرئي. إبدأي بتمارين بسيطة تزيد تدريجياً في الصعوبة ولا تتراجعي عنها بعد ذلك. عليك أيضًا بإيجاد شريك للتمرين سواء كان ذلك صديق أو مدرب رياضي. ولا تنسي المكافأة الصغيرة لنفسك عندما تنجزين هذه الأهداف. أهم شيء هو الاستمرار والصبر وعدم الإصابة بالإحباط. مع الوقت ، ستصبح الرياضة ونمط الحياة الصحية جزءًا من حياتك اليومية وستشعرين بالتحسن الكبير في صحتك ومزاجك.
تم النشر الاثنين، ٢٠ مارس ٢٠٢٣
لعرض السؤال في فدني اضغط هنا