انا عمري ٤٠ سنه بشرب حشيش بقالي اكتر من ١٥ سنه بطلت فترات طويله، بس كل مره برجع له تاني، وطبعا بسبب الحشيش بتعرض لخساير كتيره سواء ماديا او سلوكيا من الاخر كده حياتي كلها بتتشقلب للأسوأ، دخلت المصحه كذا مره وبردو برجع له تاني، معرفش ليه بشوف ان الحياة بتبقي أحلى بكتير وانا شارب، بعكس لما ببطل الحياة بتبقي كئيبه وماله ومستحيل تتعايش، بس بجد والله نفسي ابطله للأبد مش فتره وارجع له تاني زي كل مره
السلام عليكم ورحمه الله وبركاته لما بتكون المده بتاعت الادمان طويله التاثير هنا ما يبقاش بس مجرد الماده اللي موجوده جوه الجسم التاثير هو اللي انت بقى بتحس بيه بانه الحياه ما بقتش تتشاف من غير المخدر ده ليه؟ لانه انا كنت بشوف الحياه عن طريق المخدر فانا من غيره ما بقاش عندي شباك تاني بعرف ابص منه على الحياه فلذلك احنا محتاجين دايما بعد ما نقلع عن اي مخدر او اي حاجه هي عندنا بشكل ادماني لازم احط لها بدايل في حياتي اعرف ابص على الحياه ثاني من خلالها ده ضروري جدا يتعمل ودي بتبقى مرحله ضروريه علشان ما يحصليش انتكاسه زي ما انت وصفت كده وحصل معاك كذا مره وارجع للمخدر تاني لاني مش عارف اشوف اصلا الحياه. حياتك تقدر تشوفها ازاي ايه الحاجات المميزه في حياتك حاليا؟ ايه الحاجات اللي بتسبب سعاده هنا انا بحتاج اجرب ثاني من اول وجديد انا بقى لي 15 سنه انا هحتاج اجرب من اول وجديد كل حاجه وابدا استشعر السعاده من اول وجديد كانها حاجه جديده بالنسبه لي. فهبدا اشوف فين السعاده في اللعب مع الاطفال هجرب ألعب مع اطفال عشان خاطر اشوف اذا كانت دي حاجه بتفرز هرمون السعاده جوايا ولا لا وبتحطني في حاله حلوه ولا لا هروح أجرب ملاهي شوف اذا كان دي حاجه هتسعدني ولا لا ايه ده وانا بقى عندي 40 سنه اه طبعا وانا بقى عندي 40 سنه لازم اعمل الحاجات دي عشان ارجع اشوف الحياه من اول وجديد ولكن نظره مختلفه بدون هذا المخدر لكن لو رجعت على نفس حياتي بدون ما يكون في اي تغييرات كل التغيير ان انا سحبت المخدر فانا كده هبقى زي اللي لابس نظاره بتخليه يشوف اا بشكل كويس وانا سحبت منه النظاره. اكيد مش هيبقى مبسوط كده هيبقى بيدور على النظاره طول الوقت فما تخليش الادمان الحشيش هو نظارتك الوحيده وشوف نظاره جديده تبدا تشوف بيها الحياه من اول وجديد وابدا ثاني عادي جدا رحله الاقلاع عن الحشيش ولكن زود عليها النقطه دي ان شاء الله تفرق معك.
تم النشر الأحد، ١٦ مارس ٢٠٢٥
السلام عليكم ورحمه الله يعني اسال الله تعالى ان يعافيك يا اخي الحبيب والله يعني الحشيش ده مشكله مشكله كبيره جدا وانت يعني دلوقتي واقع في مشكله مش هكلمك عنها يعني لا عشان صحتك ولا عشان مالك كل ده انت حر فيه مع ان يعني صحتك برده انت مش حر فيها 100% ولكن في حاجه اهم منها ان انا اقول لك عليها. انت بترتكب كبيره من الكبائر والعياذ بالله الحشيش خذ بالك بياخذ حكم الخمر والخمر طبعا كبيره من الكبائر مقرون مع الشرك بالله ومقرون مع عقوق الوالدين ومع الزنا ومقرون مع كبائر كبيره جدا هو يتساوى يتساوى معهم في العصيان لله عز وجل فنسال الله تعالى ان يعافيك من هذا الامر ولكن الموضوع فعلا خطير وده طبعا غير ان حضرتك بتقول عندك 40 سنه فيعني ربنا يديك طوله العمر يا رب ما اعتقدش ان الانسان ممكن هيعيش قد دول ثاني مثلا. فياريت الأربعين الجايين لو افترضنا إنك هتعيش لأربعين سنة كمان يكون أربعين أفضل من اللي فاتوا يعني حتى لما الواحد يقابل ربنا سبحانه وتعالى يبقى نص كان بيخبط فيه والنص التاني كان الحمد لله كويس فربنا سبحانه وتعالى يرحمه بناء على النص الكويس من عمره. فربنا سبحانه وتعالى يعافيك منه ونسأل الله تعالى أن يوفقك على ذلك ومترجعش له تاني إن شاء الله.
تم النشر الأحد، ١٦ مارس ٢٠٢٥
انت لازمك دكتور امراض نفسية وإدمان ؛ لازم تاخد بديل يفرز هرمون السعادة عندك بدل الحشيش ويبدأ الدكتور يسحب منك الحشيش بالتدريج ولما تتعود ان مفيش حشيش هيبدا يسحب الدواء بالتدريج بالتالي بإذن الله مش هتحس بأي معاناة في أي مرحلة من دول .
تم النشر السبت، ١٥ مارس ٢٠٢٥
أخي العزيز، أقدر مشاعرك وأفهم التحديات الصعبة التي تواجهها في هذه الرحلة. التعافي من تعاطي الحشيش هو موضوع حساس ويتطلب قوة وإرادة صلبة. إليك بعض النقاط التي قد تساعدك في هذا المسار: تحديد الأسباب والدوافع : حاول أن تعثر على الأسباب الحقيقية التي تدفعك لاستهلاك الحشيش. هل هي مشاعر الاكتئاب، القلق، أو الرغبة في الهروب من واقع معين؟ الفهم العميق لهذه الأسباب يمكن أن يساعدك في التعامل معها بشكل أفضل. البحث عن الدعم الاجتماعي : استعن بالناس من حولك. تحدث مع أصدقائك وأفراد عائلتك حول رغبتك في الإقلاع، وابحث عن مجموعة دعم مثل "مدمنون متعافون" حيث يمكنك مشاركة تجربتك مع آخرين في نفس الوضع. وضع خطة للتغيير : حدد أهدافًا واضحة، وضع خطة صغيرة تدريجياً. قد يكون من المفيد تحديد الأوقات والمواقف التي تميل فيها إلى التعاطي والعمل على تجنبها أو تغيير أسلوب التعامل معها. البحث عن أنشطة بديلة : استثمر وقتك في هوايات أو أنشطة جديدة. ممارسة الرياضة، التعلم، أو الانخراط في هوايات ممتعة يمكن أن تساعدك في تغطية الفراغ الذي قد تشعر به بعد الإقلاع. مساندة نفسية : قد يكون من الجيد استشارة متخصص نفسي يقوم بدعمك في هذه العملية. العلاج النفسي يمكن أن يساعدك في تطوير استراتيجيات مواجهة فعالة. الصبر مع النفس : تذكر أن الطريق نحو التعافي لا يكون دائمًا خطيًا، فقد تواجه انتكاسات، لكن المهم هو أن تستمر في المحاولة وأن تؤمن بنفسك. تذكر أن قوة الإيمان والصبر هما مفتاحان لتجاوز هذه التحديات، فلا تفقد الأمل، واستمر في الخيارات الصحية التي تسهم في تحسين حياتك. نحن هنا لدعمك، وبإذن الله ستكمل هذه الرحلة بنجاح. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر السبت، ١٥ مارس ٢٠٢٥
لعرض السؤال في فدني اضغط هنا