انا عسكري فالجيش وهربت من الجيش مع ان كان ناقصلي 8 شهور واخلص بسبب اني روحت مكان وحش جدا وحتة حكم النفس علي النفس دي مكنتش متخيلها كده فانا مكنتش عارف اتعامل مع الوضع ده فهما عايزين واحد يكون بارد جدا جدا ومعندوش ضمير ولا احساس عشان يعرف يتعامل معاهم وانا مش عارف اغير من طبعي وكنت بقعد اكلم وصايات عشان تنقلني فكنت كل مرة اعلق نفسي بامل اني اتنقل ويجي الامل ده يتكسر واكلم حد تاني وهكذا لغاية ما تعبت جامد من كتر ما كل شوية بتعشم ومبيحصلش حاجه غير بقي المعاملة هناك وحكم النفس علي النفس وكده فده كله سبب لي تعب نفسي جامد وبقيت حاسس اني عندي اكتئاب حتي بعد ما هربت مخي مبيفصلش من التفكير ومش عايز اقابل حد ولا انزل ومش عارف اعمل ايه
حد عنده اي نصيحه فعاله تخرجني من اللي انا فيه
النصيحة الفعاله انك تشوف الموقف بتاع الجيش ده انه واحد من اختبارات الحياه ..بس على الاقل انت ده عارف انه له مده وهينتهى لو اتعودت على الهروب هيكون ده اسلوبك الطبيعى فى الحياه استفيد من الموقف ..اتعلم ازاى تتعامل مع الموقف .,.ضبط النفس مهارة مهمه لو الانسان مش عاوز ينساق ورا اى استفزاز وراه ضرر فى الحياه عموما ..فانت فى وضع يساعدك تتعلم المهارة دى كويس. اعلم انه وضع نفسى صعب جدا ان ترى وتتعامل مع اشياء بها اشكال من القهر النفسى ....ولكن مصانع الرجال فى الحياه تحتاج حراره مثل مصانع الحديد ..الناتج اخيرا يكون صلبا ويقوى على اى صعاب اخرى باذن الله استعين بطبيب نفسى حكومى واستفيد بالتقرير حتى تتجنب عقاب الهروب وربما يكون فيه تيسيرا لنقلك لمكان اخر
تم النشر الأحد، ٢٤ مارس ٢٠٢٤
اعلم جيدا هذا المكان وهو شديد الحساسية والمطلوب أن تتعامل بكل برود اعلم أيها الشاب خطأ كبير هروبك من الخدمة الوطنية سيعرضك للمحاكمة العسكرية اولا انت تؤدي واجب وطني يتحكم عليك إطاعة الأوامر ثانيا ثالثا يجب تسليم نفسك لوحدتك وعليك ألتحلي بالصبر وقوة وتقضي مدتك بالخدمة اعلم انهم يستفزونك اي عدو الوطن (نعلمه جيدا )لكن لاتتساق وراء ذلك
تم النشر السبت، ٢٣ مارس ٢٠٢٤
أعتقد إنك محتاج تقنن وضعك علشان تعرف تشتغل وتتحرك إن شاء الله أنت حاليا في حكم المريض النفسي فربما يكون حل مناسب هو أن تتقدم للعلاج بمصحة نفسية حكومية وتطلب شهادة مرضية تقدمها في الجيش لتحسين ظروفك أو الاعتذار عن غياب الفترة الماضية. وحسب ما قرأت هنا أنك إذا سلمت نفسك خلال السن القانوني تدفع غرامة وتستكمل مدة التجنيد https://www.elmetr.com/news/6126d8e633333971cd00018c/الهروب-من-التجنيد-و-التخلف-عن-التجنيد-وتخطى-السن
تم النشر السبت، ٢٣ مارس ٢٠٢٤
ارجع يصحبي كمل فترتك وخد شهاتك واعمل الي عايز تعمله بعد كدا ارجع انت لسه با ايدك والله
تم النشر الأحد، ٢٤ مارس ٢٠٢٤
هقولك. حاجه. عسي أن تكرهوا شيء وهو خيروا لكم وعسي أن تحبوا شيئا وهو شروا لكم. معايا عمو كان زيك كدا لدرجه ان مش بيقبل حد يقوله هات كوبايه ميه حتي مش أنه حد يتشرط عليه وكان فعلا هيهرب .لحد ما جدي اترجاه أن ميعملش. كدا. المهم قضي المده عارف بعد ما خلص المده جاله جواب من المخابرات العامه المصريه واتعين تبع الجيش. ودلوقتي. اكتر فتره غيرت حياته كلها هي فتره الجيش. صدقني. كله هيعدي دلوقتي عمو محدش عارف يكلمه كذلك عمو التاني. نفس القصه راح الجيش. وبرضوا أتعين ف المخابرات العامه المصريه تبع الجيش. وكان تنك ومش بيحب حد يؤمر وينهي عليه. اتوكل علي الله مين عارف مش يمكن الفتره دي هي ال هتنقلك نقله تحب حياتك فيها ربنا يسعدك. يا بابا
تم النشر الأحد، ٢٤ مارس ٢٠٢٤
أنا من راى ترجع وتحاول على قد ماتقدر تعمل الصح وانتى اللى هتحاول تعالج نفسك بنفسك واتعلم تبقى بارد في حاجات لان مش كل حاجه لازام البنى ادام يخوده على نفسيته وحاول تقرب من ربنا هو اللى هيخليك صبور جدا
تم النشر السبت، ٢٣ مارس ٢٠٢٤
ارجع للتجنيد لان هروبك منه يعتبر جريمه غير الهرب م هيفيدك بحاجه انت بتقول حالتك النفسيه ادمرت كمل مدتك ولما تخلص روح عند أخصائي نفسي يزيل الترومات دى ال سببهالك
تم النشر السبت، ٢٣ مارس ٢٠٢٤
لعرض السؤال في فدني اضغط هنا