لو سمحتوا ممكن حد يفيدني انا عندي ٢٣ سنة محافظة علي صلواتي واذكاري وبصلي القيام وبحاول ع قد ما اقدر اكون قريبة من ربنا واعمل اللي يرضيه
بس مريت بظروف كتيره صعبة من ونا في اعدادي وكنت مصاحبة اصدقاء سيئين كانوا بيوروني فيديوهات خادشة للحياء وبقا عندى فضول اشوف اكتر واسأل اكتر لحد ما ادمنت الأفلام الاباحية والعادة السرية للأسف الشديد انا بكتب الكلام ده ونا في قمة الأسف والحزن لأني وصلت للمرحلة دي رغم قيمي وأخلاقي انا فعلا لما شوفت الحاجات دي كنت طفله ومكنش عندي وعي او ادراك لكن من سنة كده قررت اني اسيب الأفلام الاباحية نهائيا وفعلا سبتها ٨ شهور وكنت حاسه اني لما اسيبها ربنا هيغنيني بالزوج الصالح ولكن جالي احساس فجأة ان تركها مفيش منه فايده والشيطان وسوسلي اني سبتها اهه ربنا مش ابدلني خيرا منها وحسيت باحباط شديد ان ربنا مش هيعوضني ولا هيغنيني واديني سبتها ٨ شهور اهه ومحصلش اي حاجه حلوة انا بقالي ١٠ سنين او اكتر بجاهد نفسي اسيبها شهر وارجع تاني اسيبها اسبوعين وارجع تاني وفي كل مره بقول ان دي خلاص اخر مره واقرر انها دي الاخيره وبرضو برجع حقيقي حاسه بإحباط فظيع واستغفر الله بحس ان ربنا بيكرهني وبيحب يعذبني وشايفني بجاهد وبحاول وبتعذب وبتدمر نفسيا كل يوم عن التاني ربنا يسامحني بجد بس حاسة انه بيتفرج عليا وساكت مش بيساعدني او بيرحمني فعلا انا مش عارفه اعمل ايه وحياتي فضلت واقفة زي ما هي للاسف رجعت تاني لكل حاجة كنت بعملها
انا مش لاقيه لنفسي حل ارجوكم تساعدوني
السلوك البشري بيتكون على ثلاث مراحل وكل مرحلة بتاخد ٧ سنوات وهتلاقي ان في المرحلة التانية وهي سن المراهقة تم دعم سلوكك بنشاط سلبي استهلك طاقتك الجسدية والروحية ومع مرور الوقت أدى لفقدان الطاقة النفسية مما افقدك الشغف تجاه الحياة ولجأت لنظرة سلبية تجاه الحياة ومع من يدبر أمرها وهذا لأنك حين أردت التغير رغم قسوته إلا انك لم تجدي الدعم الذي يساعدك على التغير والإستمرار في التوبة ولعل فرج الله قد اقترب إلا أنك تسرعت وحدثت الإنتكاسة وبما انك شخصية قوية وشجاعة وقادرة على التعافي فلا شك أن كل ما ينقصك هو الدعم وهذا لن يتحقق في وسط أصدقاء يحرضونك على الخطأ او داخل بيئة مليئة بالشهوات ومؤكد أنه من الصعب تغير البيئة التي نتواجد بها لكن من الممكن جدآ ان نغير من أنفسنا لنتعايش مع سلبيات المجتمع وتحديات الفتن وهذا يتحقق من خلال ١/ تغير اصدقائك ممن يحرضونك على اتباع الشهوات إلى أصدقاء يدعموك في ممارسة أعمال طيبة تستغل فيها طاقتك ووقتك ٢/ تجنب الفراغ والوحدة لأنهم عدو الانسان ولابد من استثمار وقتك في العمل وتحقيق دخل يلبي احتيجاتك أو ممارسة رياضة وبها يتم استنزاف طاقتك البدنية ولا نلجأ إلى ممارسة العادة بسبب عدم توافر الطاقة البدنية ٣/ التقرب إلى الله بالأمل وحسن الظن والتفائل دن استعجال وبالصبر نصل إلى حياة مستقرة نتمتع فيها بالاستقرار بعيدآ عن التسرع الذي قد يجعلنا نسيئ اختيار شخص نندم معه ولا نسعد دي ارشادات مختصرة ولو اردتي متابعة أنا تحت أمرك بدون أي رسوم ويارب يعافيك من كل الفتن ويحفظك ويعوضك بالخير
تم النشر الأحد، ١٢ مايو ٢٠٢٤
السلام عليكم ورحمه الله وبركاته. يا ست البنات انت ايه بتعملي ايه اسمه جهاد والجهاد لازم يكون في مشقه ولازم يكون في الم وضروري جدا الواحد هياخد شويه ندبات كده توجعه عشان كده الجهاد النفس ربنا بيجازي عليه اكتر من الجهاد اللي هو في ارض المعركه اللي هو الحرب بيخشوا وممكن الانسان يموت فيها فالجهاد النفس اصعب من ده اصعب بقى ازاي لانك بتحاربي حاجه هجواكي مش براكي فده اصعب فضروري جدا تبقي مدركه لده معنى الجهاد نفسه. كل اللي بيحصل معك هو ده شكل الجهاز انك حاسه بالمشقه انك حاسه بانك مش عارفه تشوفي النتيجه وهنا احنا نقعد عند نقطه مهمه جدا هو انت بتجاهدي علشان تبقي تستحقي حاجه معينه الا انت بتجاهدي علشان ده كده.
تم النشر الثلاثاء، ١٤ مايو ٢٠٢٤
قبل اي حاجه اقلها هل حصل بينك وبين حد علاقه كامله لاكن لو الحوار مقتصر علي الافلام الابا/حية بس دي حاجه سهلا انك تبطليها في تطبيقات بتمنع ان الحاجات دي تظهر علي موبيلك نزليهم عندك ولو حسيتي مره انك عاوزه تتفرجي جامد انزلي اقعدي مع حد او صلي وربنا يهديكي
تم النشر الأحد، ١٢ مايو ٢٠٢٤
اسال الله ان يهديك باصلح حالك وحاولي ان انت تدعي كثير وتستعيني بصديق حلو ابعد عن اصحاب السوء
تم النشر الأحد، ١٢ مايو ٢٠٢٤
ربنا بيحطنا في اختبارات عارف اننا قدها و مش معني كدة انه مش بيحبنا بالعكس ده عايزنا نقرب منه اكتر ونعؤف ان ملناش غيره في الاخر
تم النشر الاثنين، ١٣ مايو ٢٠٢٤
هقولك حل حلو اوي اميره قالتلك حل جامد وانا هقولك حل حلو انتي بدل متتفرجي على الإباحيّة اما يجيلك افكار من الشيطان ادخلي اتفرجي على اي مسلسل او خطبه شيخ او وصفه اكل وقومي اعمليها لو في حد فالبيت قومي افتحي معاه اي موضوع واهربي من وسوسه الشيطان دي وهتبفي كويسه ولازم تجاهدي وتمنعي نفسي انتي كدا ضعيفه وتثبتي لرغابتك او معاناتك اللي بتكرههيها انك ضعيفه لازم تقوي وتنزلي چيم وطلعي طاقتك دي عشان تنسي واوهمي نفسك انك نسيتي وانتي بتصلي ادعي ربنا بالزوج الصالح وبس يا جميله 🤎🦋
تم النشر الاثنين، ١٣ مايو ٢٠٢٤
مش هقولك اكتر من حديث الرسول صل الله عليه وسلم:قال رسول الله صلى الله عليه وسلم: إذا صلت المرأة خمسها وصامت شهرها وحفظت فرجها وأطاعت زوجها قيل لها ادخلي الجنة من أي أبواب الجنة شئت❤️❤️✨️ ركزي كده على حفظت فرجها من ضمن شروط دخولك للجنة هو حفظ الفرج من الحرام
تم النشر الاثنين، ١٣ مايو ٢٠٢٤
في برنامج اسمه (واعي) نزليه وادخلي تحدي مع نفسك هو بيعمله بيبقي ٣٠ يوم وبعدين ٩٠ وافضلي حاولي مع نفسك واقري واتفرجي علي فيديوهات تشجعك انك مترجعيش للموضوع ده تاني غير كل ده انتي في كل مرة بتتفرجي حطي في دماغك ان في حاجة في قلبك بتبوظ و بتبعدك عن ربنا استغفري كتير و ادعي في كل صلاه و ربنا هيقويكي ان شاءالله و هتبطلي
تم النشر الاثنين، ١٣ مايو ٢٠٢٤
طبقي خطة تعافي وعندك علي الفيس و التلجرام واعي للفتيات و لا تيأسي مهما وقعت قومي انت ربنا بيحبك انه هدايكي و عرفك ان الادمان هيضرك و بيحبك و الدليل علي كدا انه مش عايزك تكملي في تلك المعصية مجرد انك عارفه ان دا حرام و انك ندمانا من هذا الذنب فانتي نفسك طيبه وربنا فكرك علي عكس ناس سايبهم يدمروا نفسهم اهم حاجه مهما انتكستي قومي و تعافي تاني انا مثلك تمام اتعافي من هذا الادمان وانتكس ولكن لا أيأس بل اقوم و اكمل واتعافي وفيما يتعاق بزواج علشان تردي علي الشطان دا مش لازم اول ما تقلعي هتتجوزي لا بل انت هتقلعي علشان لما تتجوزي لا تواجهي مشاكل في زواجك هذا اولا ثانيه انت تتعافي و تصبري و تكثري من الصيام حتي يرزقك الله الزواج واستمري في التعافي حتي يرزقك الزوج الصالح و انا اقنع نفسي بهذة الفكره انه يجب علي التوقف استمر في التعافي حتي يرزقني الله الزوجه الصالحه وزي ما قولتلك انضمي لواعي علي التلجرام فتيات واسف اطلت عليكي و ربنا يوفقك و يرزقك العفاف و يرزقنا جميعا
تم النشر الاثنين، ١٣ مايو ٢٠٢٤
بصي حبيبتي الإنسان جواه الخير والشر والصح والغلط ده الانسان احنا مش ملايكة كل ماتغلطى قومى استحمى وصلى ركعتين لله واستغفريه هو بيحب الاوبين معنى الاواب كثير الرجوع والاستغفار بالعكس هو بيحبك اما بالنسبة للعادة السرية هقولك على حل كويس انتى محتاجة للرياضة اشتركى فى جيم ابذلى مجهود اصرفي الطاقة اللى جواكى فى حاجة تستهلكى بيها طاقتك ووقتك وتنفعك وعلمى الاطفال قران احفظى انتى. اتمرنى فى البيت كتير
تم النشر الأحد، ١٢ مايو ٢٠٢٤
لعرض السؤال في فدني اضغط هنا