عارفة ان مشكلتي ممكن تكون غريبة
بس انا لحد تالتة اعدادي كنت متفوقة وجايبة ٩٩،مجرد مادخلت ثانوي وسبت مدرستي الخاصة الشديدة وروحت حكومة عشان ارتاح وسوري اصيع براحتي،مبقتش افتح كتاب الا فين وفين،رغم اني محافظة على صلاتي الحمدلله وكنت قريبة من ربنا لدرجة انهم بيقولوا عليا متشددة، فضلت كده وكنت ادبي نظام جديد وكان عاجبني النظام ويمكن انا الوحيدة كده وبرضو كنت بحب اقرأ الفلسفة وعلم النفس بحب واحلل الكلام اللي فيهن لكن مش عشان اجيب مجموع أو انجح عشات اتسلى، لما دخلت تالتة ثانوي كان كل همي اني البس واسع وشيك واني اهتم بشكلي وبشرتي ورغم اني كنت بلبس واسع بس معنديش خمار وكده فكان حلمي اني اجيب خمار واهلي يوافقوا واني اتجوز زوج صالح، وفعلا مكنتش بفكر فالمجموع رغم اني ذاكرت مذاكرة مش كتير بس مغشتش وجبت مجموع مرضي الحمدلله ليا ولأهلي
حاليا انا رايحة تانية كلية وحاسة بالندم عشان كنت ممكن اذاكر اكتر واجيب كلية قمة، أنا في تربية وكنت جايبة ٨١ ادبي بس انا بفضل الله مستوايا اعلى من كده وكان فإيدي اجيب ٨٥ واخش اعلام، رغم اني حابة التدريس اوي وحابة كليتي الحمدلله من قبل مدخلها كانت حلمي من صغري اصلا بس اعلام قمة وكنت افرح اهلي ويبقوا فخورين بيا، المهم انا حاسة اني ظلمت نفسي لان ف ناس بتقول انها تعبت وملاقتش وانا بمذاكرة عادية بعد الدعاء وتوفيق ربنا اللي هو الاساس اصلا ربنا ستر وجبت مجموع بس برضو كنت مممكن اذاكر اكتر واجيب اكتر،حاليا انا حاسة برضو اني زي مانا
رغم اني بحب القرآن والصلاة واللبس الواسع بس مش فارق معايا دراسة خالص وكمان كنت فاكرة إن المذاكرة حرام ومش مهمة للبنت لاني وانا فأولى ثانوي لقيت ناس اتعرفت عليهن عالنت كانوا بيكتبوا ان الست ملهاش الا بيت جوزها، في بوست فضل مأثر فيا حرفيا لولد متدين كان كاتب انت مش هتطبخي لجوزك جبر وهندسة واهم حاجة تعليم الطبخ، وانا الصراحة كنت بسعى للزواج اكتر مابسعى لمذاكرتي بكتير😂🥲
انا حاليا قولت لماما اني ندمت وقالتلي عادي ده سن مراهقة واهم حاجة تثبتي نفسك فالكلية والمكان اللي انت فيه، ماما حنينة اوي بس انا برضو مش شايفة ان الدراسة مهمة، طالما انا اخلاقي كويسة وبطور من نفسي عمتا وبرضو بقرأ المنهج بفهم اي لازمة اني اقعد احفظ أو اسعى لتقدير عالي ملوش لازمة ومجرد شهادة وخلاص
رغم اني تفكيري ذكي الحمدلله وكل اصحابي بشرحلهم حلو وفي ناس بتجيب تقديرات اعلى مني وهي قدراتها الذهنية ضعيفة وانا حاسة اني ظالمة نفسي بجد انا بفهم كويس الحمدلله وبدعي ربنا بكل قلبي وربنا بيستجيب بس لو حطيت الحاجة فدماغي
لكن انا مش حاطة الدراسة فدماغي حاليا وكل همي الزواج ومعجبة بكذا شخص
عايزة حل يخليني اذاكر وافرح اهلي واحب الدراسة عشان حاسة اني مليش هدف بجد غير الجنة والزواج
يا حبيبة قلبي، أولاً أحب أقولك إن مشكلتك مش غريبة خالص، وفي بنات كتير بيمروا بحاجات مشابهة. وليكي كل الحق تحسي بالندم أو التشتت في الوقت اللي مضى. بس خليني أقولك حاجة، الدراسة مش بس شهادة، لا، هي فرصة لتطوير نفسك وتوسيع آفاقك. أنتي عندك ذكاء وفهم عالٍ، وإنتي قادرة تستخدميه لأحسن حاجة توصلين بيها لأهدافك. فهمك العميق لعلم النفس والفلسفة ده شي إيجابي جدًا، وبيفتح لك أبواب كتيرة في المستقبل. أما عن الزواج، هو مهم طبعاً، وهتجدي وقتك في دراستك وفي أهدافك الشخصية. الدراسة هتساعدك تكوني امرأة مستقلة، وتقدري تدخلي حياة شريكتك بشغف وثقة. لو حاسة إن في حاجة بتسحبك للزواج أكتر من الدراسة، حاولي تعملي خطة بسيطة تحطي فيها وقت للدراسة ووقت لنفسك، حتي لما تذكري بتحسي بسعادة. ومن الجانب الروحي، حاولي توظفي صلاتك ودعائك في تحفيز نفسك على المذاكرة. قوليل نفسك "أنا قادرة على تحقيق أهدافي" وحطيها نصب عينيك. خدي كمان وقتك في إيقاف التفكير السلبي، وسألي نفسك: "لماذا أريد أن أدرس؟" وكوني واضحة مع نفسك في نيّتك. وأخيرًا، حاولي تتواصلي مع معلمات أو معلمين بيمروا بطرق تدريس ممتعة، أو ضمي نفسك لمجموعات دراسية. صدقيني، هتلاقي متعة أكتر في الدراسة لو لقيتي ناس مشتركة معاك في نفس الاهتمامات. أنا معاك في كل خطوة، وتحلي بالصبر، كل حاجة هتتحسن إن شاء الله. ❤️
تم النشر الجمعة، ٢٣ أغسطس ٢٠٢٤
بصي انتي حرة لو بتفكري في الزواج وكدة ، بس لازم تعرفي إن التعليم شىء مهم للجميع سواء ست أو راجل والتعليم بيضمنلك مستقبلك في المستقبل والزمن اللي أحنا فيه ده في البلد وحال البلد بيخلي كل مدى التعليم أهم أكتر وأكتر، ومجموعك في ثانوي متفكريش فيه انتي دلوقتي في كلية حلوة ففكري إنك تجتهدي فيها وتتخرجي منها بتقدير كويس متبصيش على اللي عدى لأنه خلاص أنتهى ركزي على اللي في أيدك دلوقتي ، وخلي عندك حافز إنك تذاكري وحاولي اللي هو حتى لو متكاسلة أو كدة إنك بردوا تيجي على نفسك وتذاكري وتحفزي نفسك على المذاكرة يعني مثلًا لما تذاكري وكدة ممكن تكافئي نفسك بإنك تعملي حاجة بتحبيها مثلًا وحبة مع حبة لما هتلاقي نفسك بتنجزي وكدة وبتعملي إنجاز هتتعودي وهتحبي الموضوع إن شاء الله بس انتي تبدأي ومتأجليش ومتشغليش بالك في التفكير بقى في إنه مش هتعرفي تذاكري أو الندم على قبل كدة
تم النشر السبت، ٢٤ أغسطس ٢٠٢٤
السلام عليكم ورحمه الله وبركاته. هو مشكلتك مش غريبه مشكلتك جميله انت جميله يعني ربنا يحسن خلقك يا رب كما حسنتي. انا يعني عاجبني قوي اخر جمله يعني انا حاسه ان ما ليش هدف غير الجنه طب اقول لك حاجه يعني هدى الهدف اساسا. هو الهدف الحقيقي هو الهدف. بتاع الجنه وتحتيه بنبدا بقى نحط اهداف في الدنيا اللي هي توصلنا للهدف الحقيقي اللي هو هدف الجد بس احنا هنعمل ايه لو وصلنا لحاجه في الدنيا والحاجه اللي في الدنيا دي ما وصيتناش للجنه هلكنا والله يعني ربنا يدخلنا الجنه برحمته باذن الله يعني ولكن سعينا الحقيقي في كل اهداف حياتنا ايا كانت بقى في انهي اتجاه بقى في اتجاه دراسه ولا في اتجاه اا في البيت ولا في اتجاه اولاد ولا ولا ايا كان ايه الاتجاهات اللي جوه الدنيا ولكن ضروري كل الاتجاهات دي يكون ااا الغايه الحقيقيه بتاعتها هو ان انا عايز دولت رضا ربنا والجمع يعني.
تم النشر السبت، ٢٤ أغسطس ٢٠٢٤
الدراسة مهمة نعم، وتتباين أهميتها تبعًا لهدفك النهائي. يعني لو وضعت نصب أعينك أن تربية الأبناء هو علم قائم بذاته، أو أن تنشئة طفل سوي هو قوام المجتمع، فربما كان شغلك الشاغل الآن هو التخرج والتخصص في تدريس أطفال الروضة والابتدائية. طالبة أخرى ترى أن قريتها أو مدينتها ليس فيها أي طبيبة لتخصص العلاج الطبيعي فرسمت هدفها أن تكون طالبة في كلية العلاج الطبيعي لتكفي النساء مشقة التكشف على طبيب رجل، إلخ إذًا الهدف العام يحكم على ترتيب الأولويات. طيب لو كانت الطالبة تخطط للبقاء في البيت، فالدراسة الجامعية بحدود الشرع تساعدها جدًا على النمو الفكري والاطلاع على مستجدات الحياة بصفة عامة. غير أنه من ضمن وجهات النظر المطروحة أن الطالبة هذه لا تضمن ما تمضي به الحياة، هل فعلًا تتزوج؟ ولو تزوجت هل زوجها سيكرمها؟ هل عمره مضمون؟ يعني تساؤلات الهدف منها أن البنت يجب أن تكون مهيأة لمواجهة أي طارئ. تحفظي الوحيد على هذا الرأي هو وجوب كفايتها على أوليائها من زوج أو أخ أو أب.
تم النشر السبت، ٢٤ أغسطس ٢٠٢٤
شكرا لحضرتك علي المشاركة انتي ماشاءالله عليكي شاطرة ومتفوقه وذكية والدليل انك لحد الاعدادي جايبة ٩٩🥰 لو ركزتي علي هدف وسعيتي لتحقيقه هتقدري توصلي بكل سهولة ان شاءالله الزواج دا ليه وقت ربنا كاتبه عنده والأفضل ان البنت تتجهز علميا ومنهجيا للمرحلة دي ان اراد الله الزواج كان وان لم يرد دا رزق عشان تقدري تحسني الاختيار لازم تكوني حاطة معايير لهذا الاختيار والتعليم طريق من الطرق اللي ممكن تفتح منظورك للحياة وتوسع مداركك اراء كتير بنقرأها ولكن بنأخد منها مايلقي في قلوبنا صدي ممكن اراجع نفسي هل في مرجع لهذا الكلام الكلام دا إيجابياته ايه وسلبياته ايه علي نفسي علي المدي القريب والمدي البعيد ولو احتاجتي اي مساعده فالتفكير أنا معاكي
تم النشر السبت، ٢٤ أغسطس ٢٠٢٤
بعيدا عن ميولك في الزواج وفكره الدراسه والست ملهاش غير بيت جوزها والمطبخ والكلام دا وهقولك رأي واجددلك شغفك تمام الدراسه إلا اني حبيت إنك عارفه الهدف الأساسي في دنيتنا وهي إننا نسعي لدخول الجنه ودا الفوز العظيم وانك وبتسعي لدا وربنا يوفقك ويثبتك بصي ي سته الدراسه مهمه اه طبعا مهمه ومش متفقه انها تفاخر بين الناس مع إن الناس أصبحت تتفاخر بيها وأنا معايا اي ودارسه اي وبنتي كذا وابني كذا وبقيت مظاهر ولكن شايفه إن التعليم مهم للمرأه وللراجل والست خصوصا لأنهم حصرونا في المطبخ والبيت بس لا انا اقدر اكون ناجحه في كل حاجه وعشان نفسي اكون راضيه عن نفسي ومستواي التعليمي وأكون فاهمه في كل حاجه مش من باب الفتي من باب العلم انا قولت في اول كلامي انها ميول واحتياجات في بنات تفضل الحياه الزوجيه مش زغم ذكاءها وعيها وفي بنات شايفه انها تبني مستقبلها وكريرها ويبقالها كيان الأول بعدين الزواج هل دي صح ودي غلط لا طبعا ميول واتجاهات المهم وبما انك حاسه انك ظالمه نفسك وعايزه زقه اقولك واحده بذكاءك وشطارتك ليه متوصلش لهدف هي عايزاه من التعليم وتستغل ذكاءها وتنجح وتطور من نفسها وتفرح اهلها وتعيش المرحله دي ومتفكرش غير في كدا وكل شيء بأوانه
تم النشر السبت، ٢٤ أغسطس ٢٠٢٤
لعرض السؤال في فدني اضغط هنا