بعد اذنكم ياريت تقراؤ كلامى للآخر وسامحونى لو طولت بس عوز أطلع كل اللى جوايا
أنا عمرى 24 سنه حاليا وشغال فى السياحه بفندق شغل استيور كافتيرا بمرتب بسيط ومعايا معهد مساحة
انا حرفيا متدمر نفسياً وبدنيا وعاطفيا يعنى كل اللى المشاعر اللى عند أى إنسان طبيعي عندى تدمرت
المشكله بدأت من صغرى نشأت في بيئه رفيفيه وعشت طفوله صعبه جدا اى حد يتحملها اهلى خلو شخصيتى ضعيفة من صغرى حتي حقي ماكنوش بيجبيوة زى ما تتعرض من صغرى للتحرش وعرفو ومحدش عمل حاجه لدرجه كل مرة الشخص كان يجى ويهددنى وكنت اروح معاه عشان كان بيقول هفضحك لو مجتش ده او موقف حاجه كده من الطفوله
امى وابويا بقي كان دائما معايشنا فى نكد وهم دايما عمرنا ما اتجعنا غير على الاكل وبس عمرو محد قال التانى كلام حنين حاجه كده مثلا محصلش ودينا كانو بيلومنا حتى فى ابسط حاجه أنا وأخواتي البنات
الأم كانت ديما تتكلم عن الاب بكلام سئ لسمعته حتى مع الجيران والأهل والمعارف
كانت ديما تعد مع بناتها تتكلم برضو معاهم بكلام سئ عن الأب زى مثلا ابوكم ده مش قادر يشترى بيت كبير مش قادر يسافر مش قادر يعمل ده كسيل ده كذا وكذا
هو موظف بسيط مدرس تربيه فنيه على قد حالي
بصراحه من حقها تشجعه يبقي عندو طموح يتغير تمام لكن هوة كان يسمع الكلام ده كان بيأثر فيه بالعكس زى مايكون أنا مش عاجبها مثلا دى مش عاجبها حاجه
فضلنا على الحال ده ومرت اكتر من عشرين سنه وبقى البيت أصبح أسرة متتفككه جدا الأم بتكرة الزوج عشان موفرش الحياه اللى نفسها فيها ومغيرش طبعة اللى مش عاجبها وبتكره الأبن عشان طالع زى أبوة
وخلاص اخواته البنات كرهوة برضو وكانت تتكلم عنى أنا وابويا ديما بسوء واحنا في مرنا متكلمنا عنها
ابويا بقي عصبى ومريض نفسي وحاجات تانيه أنا مغرفهاس بس ملاحظتها عليه مع مرور الزمن
والسنين لفت وعايشين فى بيت واحد صغير بس منعزلين هيا بتعد معا بناتها وانا مع حالى وابويا مع حاليا هيا كرهتنى فيه برضو وانا صغير لما كنت مصاحب امى
مع مرور الوقت حصل الطلاق بينهم السنه دى وتم
عندى اختك متجوزه ومخلفه والثانيه ١٦ سنه واتخطبت وبيجهزوها وأبويا طبعا لم طلق أمى تتكفل باختى ومديون لطوب الأرض
أنا بقي كنت مصاحب الدنيا كلها ويقف مع اى حد
من ٥ سنين تقريبا بدأ اتصطدم فى الناس وعلاقاتى قلت وبدأ ابعد ومصاحبش حد لحد وقتنا الحالى وصلت لمرحله معنديش أصحاب خالص رغم غنى اجتماعى جدا حتى اقرب الناس ليا مش قادر اعد وتتكلم معاهم ببضايقونى بكلام وتصرفاتهم بيقول منى فى اى حاجه
بقيت عندى اكتئاب ونفسيتي تعبانه جدا عندى ادمانات زى العاده السريه مفيش ثقه فى نفسي الاكل قليلا
بفكر كتير معنديش شغف اليوم هوه هوه اللى بعيشو
ودلوقتى عايش مع ابويا بعد الاجازه وتسافر تانى ب الشهرين مش بنعد مع بعض برضو الوضع متغيريش
حاولت كتير اتكلم معاه وفشلت ومفيش قبول بينى وبين اى حد من بيتنا أنا تعبت والمفروض أكون كمان نفسي معملتش حاجه لحد النهارده معنديش طاقه أتكلم مع حد ولا اعمل حاجه ياريت اللى فهم كلامى بفديني بحل ...أنا لخصت على قد مقدر شكرااا
أولا طالما مفيش قبول بين امك او أبوك و دي حاجه مش هتقدر تتحكم فيها و حاولت تغيرها و لكن مقدرتش ف متخليش دا يأثر عليك و لا على علاقتك ب اخواتك البنات او امك راضي الطرفين رغم انها بتتكلم عليك وحش ذي مبتقول جرب تروح تكلمها و تقولها انا مليش غيرك يا امي و مش قاصد اني ابعد عنك و كلمها و صارحها ب اللي جواك و هي اكيد هتسمعك و بالنسبه لأخواتك بتقول بنات يعني من الأخر عايز تكسب حبهم ليك اسندهم و كون ف ضهرهم اختك اللي هي ١٦ سنه جرب تتفق معاها تخرجوا سوا و اختك المتجوزه جرب تروحلها بيتها و تدخل عليها ب فواكهه و تقعد معاها و تسألها عن حالها عارفه انك مدمر نفسياً بس متبينش دا ولا لأمك ولا لأخواتك كلمهم ب كل حب و صاحبهم مش تسيبهم كدا و تقول انا عايش مع ابويا و هم مع امي و خلاص امي كرهتهم فيا كل اللي سمعوه من امك مجرد كلام انت ممكن تعسكوا ب افعال هم مشافوش منك حاجه وحشه ف ردلهم دا بالحلو حتى لو شااافو منك الوحش كلو غيَّر معاملتك معاهم و كون ليهم سند هم هيرتاحو و انت هترتاح صدقني كونك كسبت حب اخواتك دا هيريحك جدا و يسد عندك دمارك النفسي اولا طبيعي ان يكون بتدمن العاده السريه و تلاقي حياتك كدا ( و من اعرض عن ذكري ف إن له معيشهً ضنكا) قرب من ربنا و ارجعلو هتتحسن حياتك صدقني صلي و انزل المسجد و اقرأ قرآن هترتاح نفسياً اكتر كمان و جرب يبقا عندك لا مبالاه ب اللي بيحصل حواليك يعني متخليش مشاكل اسرتك تأثر عليك انزل و اخرج لو حتى مع نفسك و جيب اللي بتحبو جربها مره حتى او انزل جيم هتتعرف ع ناس و تقضي ايام حلوه متستسلمش اعرف ان كلنا بنمر ب دا ف حياتنا و لكن الفرق بين اللي يرجع اقوى من الأول و اللي يستسلم للمشاكل و يرهق نفسو نفسياً و جسدياً هقولك كمان حاجه حلوه اوي هتخرجك من المود اسمع بودكاست دا عباره عن ناس بيناقشو مشاكل ب حلها و حاول تمشي بنصايحهم هتتحسن حياتك و جرب تعمل حاجات جديده روح مكان اول مره تروحوا جرب أكله اول مره تجربها يمكن تشوف كلامي مش هيأثر و لكن جربوا صدقني مش هتخسر حاجه مفيش احسن من خروجه حلوه هتخرجك من المود او تجربه حلوه و افتكر ان اي اتنين عادي يبقا بينهم مشاكل مش هتقدر تتحكم ف دا و لكن خلي عندك برود و متشغلش دماغك ب المشاكل و اشغل دماغك ب حاجات احلى او بالأصح متستسلمش لدماغك و افكارك اعرف ناس رغم المشاكل بيسافرو و يخرجوا طبيعي اي حد عندو مشاكل و لكن لازم يكون في جزء حلو بيخرجك من المود الحزء دا انت اللي بتصنعوا مش هو اللي بيجيلك لحد عندك كل دا حصل و انتهى من زمان و خلاص مينفعش بقا تيجي تهلك نفسك و تفكر ف حاجه انتهت سواء موقف مع شخص حسبي الله فيه انو يعمل فيك كدا او غيرو لو قربت من ربنا هيجيلك حقك لحد عندك و اللي حصل حصل مش هتقدر تغير الماضي اعمل ذكريات حلوه ف الحاضر و اتعرف ع ناس بتشاركك ف نفس موهبتك او لو انت ٢٤ سنه و قادر تفتح بيت و بتشتغل ضور ع بنت الحلال اللي تنفعك و قضوا سوا ايام حلوه ف الحلال طبعاً و إن شاء الله تتحسن حياتك
تم النشر الاثنين، ١٩ فبراير ٢٠٢٤
شكرا بجد من قلبي ده احلى كلام سمتعو وهون عليا كتير ربنا يريح قلبك
تم النشر الثلاثاء، ٢٠ فبراير ٢٠٢٤
تم حظر العضو صاحب السؤال
تم النشر الثلاثاء، ٢٠ فبراير ٢٠٢٤
هو فى تعارف فى الابلكيش ده
تم النشر الثلاثاء، ٢٠ فبراير ٢٠٢٤
على الله كلو
تم النشر الثلاثاء، ٢٠ فبراير ٢٠٢٤
لعرض السؤال في فدني اضغط هنا