في بوست سابق ذكرت ان اي انسان طبيعي عايش في مصر أو غيرها الأمر سيان لازم لو حسيس و عنده دم يبقي ع الاقل عنده مرض نفسي و لو اكتئاب ، دا طبيعي هتندهش لما تعرف ان الطب النفسي نفسه أكبر علمائه اجتمعوا ان كل الناس مريضة نفسيا فعلاً .. بس الفرق ان فيهم اللي بيخفي مرضه و فيهم اللي بينكر و فيهم اللي مش عارف اصلا انه مريض نفسيا بس حتي لو فرضنا ان ده صح .. المطلوب تتكيف و تبدأ تشوف حلول بلاش بقي تمشي في كل حتة كانك عندك القلب و تعيش الدور و تسيبه يسيطر علي حياتك ، شوف الأسباب و حاول تعالجها ، زيارة الدكتور و الفضفضة في جلسة علاج نفسي او غيره حل ، و انك تركن نفسيتك علي جنب و تعمل أولوياتك و تنشغل بيها حل ، انك تغيير وجوه و تتعرف علي ناس جديدة حل ، انك تدخل في تجارب جديدة حل ، انك تسامح و تنسي أعدائك او اخصامك لو عندك من دول يعتبر حل برضه ، ان تلتزم صلاتك و عبادات حل ، لازم حل علشان الطبيعي في الكون هو التغيير مفيش حاجه بتفضل زي ما هيه .. المرض النفسي زي العضوي لو عايز تقتنع بكده ، بياخد شوية و مع العلاج المناسب بيروح و يرجع و الخ .. متشغلش نفسك اعتبره نزلة برد و طبعا متجيبش سيرة لحد حفاظا علي سمعتك من اي شخص متخلف ممكن يستخدم ده ضدك ايوه المرض ضعف و نقطة ضعف خصوصا لما تبقي مريض نفسي في مجتمع متخلف ثقافيا و تارك دينيا و تافه اجتماعيا و سطحي و عديمي القيم منتشرين ، المفروض اقولك ربنا يشفيك و انا بقولك الف مبروك انت حسيس و عندك دم .. اتطور بقي نفسيا و اتغلب علي مرضك ده و اهو تبقي اخدت خبرة و عندك استعداد تقاوم و مناعة مستقبلية لو نجحت .
لعرض الإجابة في فدني اضغط هنا