بقالي فترة لما بحلم و أنا نايمة بحلم بأحداث اليوم اللي لسة مبدأش و الموضوع مرهق اني احيانا مبعرفش افرق بين الواقع و الحلم و بيكون الحلم بتفاصيل دقيقة ماذالت بذاكرتي ف الموضوع متعب و يوم امتحاني من فترة حلمت اني صحيت و روحت الامتحان بس ملحقتش امتحن و وقفت في الكوريدور أنا و صاحبتي ف المدير زعق على حاجة و كل دة كنت بحلم ف المهم صحيت بعدها بكتير و الامتحان فاتني ف رحت متأخرة و حصل نفس اللي حلمت بيه و المدير زعق و أنا و صاحبتي بنطلع السلم .. الفكرة اني مصحتش عشان كنت مفكرة اني صحيت و المتعب اني مبعرفش اتحكم طول الوقت ف الواقع و الحلم اللي بيشبه الواقع تماما
و احيانا بحلم أن شخص بعتلي مسدج ف أنا رديت رد معين و اصحى التقى مسدج بس انا مردتش ف مش عارفة ايه دة
ده وارد وبيحصل ومش لازم تكون حاله وليها اسم بس طالما مش عارفه تتعاملى معاها ..فانتى ادعى ربنا يحجب عنك اى علم انتى ليس ليكى قدرة عليه و هى مش شرط تكون حاجة وحشة خالص ...احنا عموما سواء توقعنا اللى هيحصل وصادف انه حصل بالفعل او محصلش فده مش هيغير من الواقع شىء وزى ما بنقول كده فى الامثال الموروثه ..اقرصنى عشان اتاكد انى مش بحلم ...لو مفرقتيش بين الحلم والحقيقة اقرصى نفسك او اعملى حاجة فيها جهد عالى ..زى القفز او تمرين الضغط لو بتحلمى مش هتعملى ده خلى حد يساعدك دايما انه كل فترة معينه يكلمك ...خصوصا وقت صحيانك كل يوم مثلا عشان تتأكدى انه صحاكى الموضوع محتاج استكشاف اكتر عشان تعرفى اسبابه لو نصايحى ليكى كانت مش مفيدة ...اتجهى لطبيب نفسى يستكشف الامر اكتر
تم النشر الاثنين، ١ أبريل ٢٠٢٤
روحي لدكتور امراض عصبية ونفسية ولو مأستفادتيش حاولي لما تصحي تكتبي اللي حلمتيه في نوت بوك او ع الفون عشان تعرفي تفرقي بين الحلم والواقع
تم النشر الاثنين، ١ أبريل ٢٠٢٤
الموضوع ده كان بيحصل مع واحد صاحبي بس مش حلم هو كان وهو صاحي يتخيل أنه الى هيحصل ف الموقف ال هو وقع فيه بتفاصيله
تم النشر الاثنين، ١ أبريل ٢٠٢٤
الكلام ده انا سمعته كتير على اليوتيوب ادخلي دوري على فيديوز عاليوتيوب عن حالتك هتلاقي زيها كتير وهتلاقي حل مناسب،وأهم حاجة تقرأي آية الكرسي قبل النوم وتصلي الخمس فروض ده اساسي وبإذن الله خير
تم النشر الاثنين، ١ أبريل ٢٠٢٤
انا بالفعل بقرأ الاذكار قبل النوم و لو تعبانة بقرأ ايه الكرسي بس
تم النشر الاثنين، ١ أبريل ٢٠٢٤
ممكن تقوليلي اكتب ايه بظبط أو الحالة دي اسمها اي..
تم النشر الاثنين، ١ أبريل ٢٠٢٤
لعرض السؤال في فدني اضغط هنا