إجابة علي السؤال: هل سيتحاسب الأهل علي معاملتهم السيئة لأبنائهم؟

أنا بجد أحييك على إنك كتبت مجرد خروج الهم بس ولو بالكتابه يريحك شويه بس اللي نفسي اعرفه لو انا قريت في نص ساعه انتي كتببتي في قد ايه؟ 😂 ما علينا.... بس ياريت تستحملينا وتقري انت كمان واعرفي ان اي مشكله ليها حل وبلاش تنتقصي من قدر البشر بكلامك حتى لو ما حد بيفهم خالص« ما تقللي من دور اي حد حواليك ولو انتي بتقرأ هتعرفي ان اي شيء ولو كان صغير ممكن يؤثر في فكرنا ويدينا نتايج او يوجهنا لشيء تاني » حضرتك المشكله دي مش عندك لوحدك والله وكتير مننا اهله بيأثروا على حياته بالسلب او لحظه احنا بنفتكر السلبي لان غالبا مش كدا بس انا متأكد اني اللي بتتعرضي لي ده مش طبيعي. لو اهلك بيعاملوك وحش وبيضربوك ودايما ظلمين ليك بحقك كبنت ليهم وانهم اللي دورهم اصلا يحسنوا تربيتك فدا حرام ربنا بيحاسب كل الناس على الظلم ايا كان مين «ليس منا من لم يرحم صغيرنا، ويوقر كبيرنا» بس اللي لازم تسألي نفسك الاول قبل ما تتكلمي هو انتي بتؤدي دورك صح يعني انتي اصلا عارفه انك كبنت دورك مع اهلك معروف وهو الطاعه اولا قبل كل شيء يعني احيانا بتلاقي المشاكل كلها من العند اللي ممكن يحصل من الاول لو جينا للبدايه خالص فأنت ما ينفع تراهني اهلك على الفلوس وما ينفع هما بردو يتحكموا بحياتك عشان الفلوس فأنت حطيتي وسيط ودا غلط ممكن والدك يقولك هديك مكافأه لو نضفتي كويس، لكن مش مطالب ان بنته تراهنه حتى لو قولتلي متفقين فأنت بنته زي ما بيجبلك اللبس والاكل والشرب وهو سبب وجودك بالحياه ولولا ما كنت شيء يذكر ولا بقا اصلا ليك احلام واماني وحاجات جميله بتسعي ليها دورك من الاول هو اللين وانك تفهميهم انا بص يابابا النهارده هنضف بس في ايام ليا فيها كورسات لازم حد غيري ينضف ومن غير فلوس او شيء بس تطلبي منهم لدم بطيعهم بالمعروف وليس بالمقابل المادي... هل انتي جربتي كدا عشان تعرفي هما كويسين او لا؟! طيب حتى لو اذاكي فهو ليه حدود وانتي ليك حدود يعني ما ينفع تردي الظلم ليهم باذى اقلها تجنبيهم على قد ما تقدري لحد اما يحسوا ان بنتهم بعيده عنهم فيقربوا عايز اقولك اني كمان بسبب عدم مرعاه والدي ليا وانا كشاب ناشئ المفترض الاب بيصاحبني وما يتكلم عني وحش باي طريقه لاي سبب كان قدام الناس بتخيل لو عمل كدا مكنت حصل معايا في فتره حياتي اكبر انتكاسه وكل دا بسبب بعدهم وانهم فاكرين اني اعمل الصح دايما واربي نفسي بنفسي طالما كبرت مع اني انسان وفي اهم فترات حياتي اللي ممكن توقعني في الغلط وصلاح امورنا في الاول والاخر بصلاح الدين وكان نصيبتي في نفسي وديني وقعدت اسيب مذاكرتي واشوف مناظرات بين سنه وشيعه او مسلم ومسيحي وحبيت الموضوع ده اووي اني انصر ديني لكن بعدها حصلي حاجات كتير بعاني منها لحد دلوقتي واني بقيت انا بنقد في الدين وبيجيلي افكار كتيره اووي الحاديه اكتر من الملحدين نفسهم ودا بكوني مسلم عارف اني اقدر احلل واركب والايات والاحاديث على مزاجي واعمل منها شبهات معرفش اي كل دا بس اللي اعرفه ان لو اهلي كانوا جنبي كانوا فهموني اني لازم اتعلم ديني الاول صح بعد كدا انتقد واعرف احلل اراء الملاحده يعني ان والدي لازم يراقبني من اول ما دخلت الثانوي ما بيشجعني ويتكلم معي يخف الضغط بحس انهم البنك اللي بسحب منه فلوس الدروس وخلاص لكن انو يعرف اني دمرت نفسي وكلمت بنت ما عرف وانا بالمناسبه ما كنت من الناس اللي بتهتم بالموضوع بس كنت في جروب وهي دخلت برايفت اتأثرت وقعت حصلت حاجات كتيره دمرت نفسيتي لاني كنت عايز اهرب ومش عارف اسيب العالم ده وحاولت كتير بس بعد الرجل بيكون صعب لكن الحمد لله نجحت اتعلم كتير عن الموضوع وقد اي كان غلط ونهايته الدمار وكل دا بسبب بعد اهلي عني وانهم يملوا اي فراغ ليا بس اقولك حاجه والله طلعت انا الكسبان من كل ده... منكرش ان كان جوايا احساس ان المجتمع بيحصل في كدا فنفسي اجرب مستحيل اقول لا انا كنت كويس انا ما كنت مهتم لان عارف اني مش انا اللي ادخل اكلم بنت طيب ما ممكن يحصل لاهلي سواء بنتي زوجتي اختي امي لكن اللي كنت عارفه «ان ممكن اضعف في الجامعه حرفيا من كتر اللي بيتسوق ليا من مناظر في السوشيال ميديا وانهم بيتعرفوا بيرتبطوا عادي فمنكرش ان لو فرصه حصلت في الجامعه خصوصا انفتاحيه البنت كنت هكلم بنات زي ما المجتمع فصص ليا وزرع كدا جوايا بس الحمدلله قدرت انسف الموضوع حرفيا من كتر ما بقيت ندمان وحاسس بالالم اني كنت بحب المحافظه على نفسي سليم ولكن لما تبت وعرفت ان التوبه تشيل اللي قبلها وان التائب من الذنب كمن لا ذنب له حللت الموضوع ووصلت لنتايج بقيت اقدر افيد بيها غيري ولله الحمد واوصلهم بهدوء معني ايه تقارب بين الجنسين بعني خير حصل وتاني حاجه في الدين حليت مسائل كتير وحسيت هدفي جوا الدين اني اتعلم منه كتير ووصلت لنتايج ان الوقت دا المفترض اهم شيء هو الدين لان هو اللي هيحمينا من هواذل المجتمع وهواذل الملحدين وازاي ان اولادي احافظ عليهم في الزمن اللي جاي واغلبيته في الحرام بيزيد والانكار بيكتر واي حد بيستخدم ايات بشكل غلط ممكن يؤثر في اولادي الموضوع فعلا كبير جدا بس مثال بسيط ما ينفع ابني يعرض عليا شبهات العصر ويقولي وانا ما اعرف ارد عليه ساعتها يفقد الثقه بيا وفي الدين حتى لو سألت جوجل فأصلا لازم انا اكون فاهم واقنعه بأسلوبي واربط الواقع زي مثلا لما حد بيفسر ليهم ان الخمر عادي حد قاله عن ربنا ايه « يَا أَيُّهَا الَّذِينَ آَمَنُوا إِنَّمَا الْخَمْرُ وَالْـمَيْسِرُ وَالْأَنْصَابُ وَالْأَزْلَامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ» من سورة المائدة- آية (90) وقاله انها مجرد رجس فأجتنبوا الافضل لكن مش محرم زي ما تكوين مثلا بتعمل وهيقنوا ويقولوا ربنا لو اراد كان قال لا تشربوا ولا تلعبوا ابني بقا وابناء المسلمين دينهم واقع حتى مش هيقرأ الايه اللي بعدها هيقتنع على طول لانه مش عارف ان ربنا اصلا قال «ولا تتبعوا خطوات الشيطان» نهي تام اهو وفي الايه اللي بعدها إِنَّمَا يُرِيدُ الشَّيْطَانُ أَنْ يُوقِعَ بَيْنَكُمُ الْعَدَاوَةَ وَالْبَغْضَاءَ فِي الْخَمْرِ وَالْـمَيْسِرِ وَيَصُدَّكُمْ عَنْ ذِكْرِ اللهِ وَعَنِ الصَّلَاةِ فَهَلْ أَنْتُمْ مُنْتَهُونَ من سورة المائدة- آية (91) خطوات اهوت وعارفين الضرر بالعقل والمنطق فتحسم المسأله وخلي بالك ناس كتير بتتبع اهوائهم واللي يقدر يخليهم يشربوا خمر هيقدؤ يكفر الناس وبأسلوبه ويتطرف ولو بتقري بالموضوع هتعرفي كدا كويس طولت عليكي صح؟.... بس رسالتي وصلت ايوا انا استفدت وراضي 100% باللي حصل ليا واطمنت ان ربنا هو اللي بيرسم طريق حياتي من كتر ما بقيت اربط بين قصص الناس الناجحه في حياتهم بينسبوا الفضل لربنا وعارفين ومتأكدين 100% لولا الظروف ما كنا لنتعلم لولا المصاعب ما كان للحياه طعم في جمالها ومتعتها انتي اتعرضتي لمواقف صعبه بس عندك مميزات كتيره وما شاء الله قولتي انك 16 سنه وبتقرئي وتعلمتي كورسات ودي حاجه مميزه يا بنتي والله كتير من الناس عندهم اب وام ومعامله بس ساعات الدلع مش بيوصل ليهم حاجه المعافره ما بتشتريها بفلوسهم وحنيتهم المعافره بتيجي من مواقف الحياه الصعبه وانتي بتعيشيها دلوقتي انتي قولتي بتشوفي ناصر العقيل شوفي كتاب You can't hurt me بجد تحفه فخلاصه اللي عايز اوصلهولك.... انك هتتعرضي لضرر بحياتك عن نفسي اكبر ضرر او ممكن افتكره ضرر اني اقسم ثانوي عام للسنه الجايه بس الحمد لله هتعرفي معنى وقيمه نفسك وسط الدنيا دي، هتقدري تتطوريها بس خلي عندك نفس طويل رحمه ربنا انه امرنا بالسعي وهو ده التشريع الصحيح للدنيا مش لازم نتايج بس لازم نشتغل على طول لازم نتدرب دايما لان الدنيا عايزه كدا طلبات الدنيا في CV بتاعنا هو المعافره مش الاستسلام والوقوع هوا مش نهايه الطريق الوقوع بيوجهك لطريق مختلف تتدبر منه هو بدايه النجاح لو قومت بسرعه وطيعي والديك بدون مقابل منهم فقط لانهم ليهم الفضل عليك وكل خليه اتكونت بجسمك هو السبب في وجودك وعقلك وحياتك باللين ثم اللين فإن اصرو الظلم اجتنبي الغضب اجتنبي تتعبي نفسك واعملي المطلوب منك بهدوء حياتك اهم ما تدمريها عشان اي حد وافتكري ان والله حياتك ربنا اللي رسمها ليك ومضبطهالك لخير اكيد وربنا يعوض عليكي ان شاء الله بزوج صالح ذو اخلاق اسف لو طولت.... اتمنى اكون افدتك

إجابة من Salman MSA

تم النشر الأحد، ٢٣ يونيو ٢٠٢٤

20 تعليق

اعملي هيك منشان تصرفيهم بمصر... بلدك اولى بيهم... ما بعرف ليش بقول هيك مع اني هدفي كمان اروح برا في ايطاليا 🇮🇹😂

تم النشر الأحد، ٢٣ يونيو ٢٠٢٤


بالاصل بحب اتكلم اللهجيتين لاني مخالط لاهلهم من السنه اللي فاتت ترى لهحتي المصريه صارت في النازل 😂...

تم النشر الأحد، ٢٣ يونيو ٢٠٢٤


ما انا هعمل كدا عشان اقدر احوش فلوس السفر😂

تم النشر الأحد، ٢٣ يونيو ٢٠٢٤


دحين ..هيك.. انت مصري ولا سعودي ولا سوري!🦧؟

تم النشر الأحد، ٢٣ يونيو ٢٠٢٤


الرئيس قالك اتعلمي برمجه وتكسبي 100 الف دولار اهو من جوا مصر 🇪🇬😂

تم النشر الأحد، ٢٣ يونيو ٢٠٢٤


واشجعك على كدا بس بردو ممكن ضد واحد او اتنين ولو مره مش هتكرريها لانك هتخافي وقتها وانتي عارفه كدا 😂

تم النشر الأحد، ٢٣ يونيو ٢٠٢٤


لا انا عاوزه أبقي ميليونيره خلال ٣ سنين بكتيره مش عاوزه اضيع وقت😂

تم النشر الأحد، ٢٣ يونيو ٢٠٢٤


ترى الحياه ورديه فعلا 🌹بس دحين محتاجين نشوفها صح مو بتقولون هيك 😂

تم النشر الأحد، ٢٣ يونيو ٢٠٢٤


أكيد هتعلم عشان أدافع عن نفسي بس مش احارب💅

تم النشر الأحد، ٢٣ يونيو ٢٠٢٤


والاحلام ما تستعجلي عليها كلنا عندنا احلام واماني مش شرط انها تتحقق في اي مكان واي وقت كدا كدا طالما بنسعى ممكن توصلي هناك بس مش هتكون لوحدك ساعتها معاك السند ليك

تم النشر الأحد، ٢٣ يونيو ٢٠٢٤


بس بقي يعم انت واقعي بزياده انا اشوف الحياه ورديه بص مش هنتفق ومش هتعرف تقنعني بحاجه فضها احسن 😂

تم النشر الأحد، ٢٣ يونيو ٢٠٢٤


خلاص يبقى اتعلمي بوكسينج ونخلي بقى الحريم هي اللي تأخد دور الراجل في الحرب 😂😂 شوفي انا كلمتك بالمنطق انكم دوركم مش زي دورنا وانتي عارفه ان طبيعتك كانثى محتاجه حمايه لا جدال في ذالك

تم النشر الأحد، ٢٣ يونيو ٢٠٢٤


انتي بتعملي نفسك مش فاهمه بس عشان تقنعي نفسك... انتي عارفه الصح من الغلط يمكن غرور الفكره مسيطر عليكي بس مع اول ضرر لا قدر الله هتندمي وكدا كدا والدك عندك روحي وشوفي مين هيطلع ليك تأشيرتك ويكمل ورقك وانتي صغيره ليسا مش متيقنه بالصح من الغلط بس اسألي اهل الخبره الاول وبعدين مين في السكن بنات صح طيب هما مين ومنين اصلا وفي الامن جوا السكن طيب هتحققي احلامك كلها جواه طيب لما تلبسي الحجاب هناك وحد فرض عليك انك لازم تقلعي عشان رمز من رموز التطرف زي ما هم بيزعموا كدا هتعملي اي؟؟

تم النشر الأحد، ٢٣ يونيو ٢٠٢٤


تحرش ايه وناس مين بيبقي في سكن للطلاب اصلا ومش ببقي لوحدي كمان بيبقي فيه معايا بنات ..وزي ما قولتلك انا واثقه في نفسي ومستحيل اغير مبادئي..انا اصلا بحب البوكسينج هتعلمه واللي هيقرب مني هديله في وشه عادي ومتقولش فكك من المرأه القويه دي 😂

تم النشر الأحد، ٢٣ يونيو ٢٠٢٤


لا مش مقتنعه اكيد وبعدين انا قولت اسافر عشان احقق احلامي مقولتش هصرف علي جوزي ولا الجو دا مستحيل ..انا يمكن عندي ١٦ سنه ونص بس انا عندي بجد افكار لو اتحققت هتبقي جامده وهتجيب فلوس كتير ..اقعد انا بقي هنا بأفكاري دي اكتبها علي ورق واحرقه ولا اي يعني

تم النشر الأحد، ٢٣ يونيو ٢٠٢٤


اارغبه عند الشباب والشر هيفضل موجود في كل مكان والبنت مش هتقدر تحمي نفسها لوحدها فلازم يكون معاك حد انتي في تحليلك غلط ان بنات السعوديه في اوروبا مش معنى المجتمع يعمل حاجه يبقى صح لا اطلاقا ما الناس بتسمع اغاني وبتابع حد زي عمرو دياب وناس ليسا بتابع حد خان الامه زي محمد صلاح وناس بتسمع مسلسلات وهما عارفين انها فيها مشاهد غلط وكدا حرام طالما مستمر تشجعهم وناس بتعمل قزع وناس بتلبس ضيق وتسيب الحجاب كل ده عرف هما اللي وضعوه بس مش الصح والضمير السليم مش هيكدب فكون في بنات تسافر مع ازواجها فدى سليم كون ان في بنات مع اخواتها تسافر فدا منطقي كون ان بنات مسلمات تسافر مع بعثه وسط حمايه من الحكومه للدوله تبعها وكلهم ليهم روتين واحد ومنظمه موثوقه دا سليم كون بقا بنت تسافر لوحدها دا غير مقبول باي طريقه على الاطلاق وسيبك من موضوع المرأه القويه والكلام دا 😂.... لو فعلا المرأه عايزين تساووها بالراجل فأحنا نشتغل اسبوع وانتم اسبوع ونصرف سوا فالمرأه تنزل تشتغل بنا عادي لدم هنساوي ما بينهم يبقى تنزل تشيل وتشتغل ولو دخل حرامي بقا المرأه تدافع عن زوجها 😂مره وهو لو حد عاكسها يدافع عنها مره فكون انهم عايزين يغيروا الطبيعه فدا اللي مش منطقي والشر حوالين المرأه في كل مكان وكل زمان من ناس مريضه اذا كان بيتعرضوا للتحرش من ناس مريضه ببلاد المسلمين ما بالك لما تروح ولوحدها بلاد الانفتاح تفتكري مش هيتغير سلوكها وهي ما معاها حد ينورها تفتكري لو مجموعه شباب مريضه بقا من زمايلها بالجامعه عرفوا انها مقيمه لوحدها وما ليها حد هنا هيحصل ايه؟ انا مش بخوفك بس هكون بنافقك لو قولتلك عكس كدا طالما لوحدك يبقى مستحيل تلاقي امان وحللي كلام الشيوخ وابحثي لحد ما توصلي لليقين ما تأخدي اللي على هواك عشان الهوى مضل... وبس كدا اتمنى تكوني اقتنعتي يا انسه

تم النشر الأحد، ٢٣ يونيو ٢٠٢٤


بصي هقولك من الاخر مفيش امان خالص للبنات لا في الزمن ده ولا الزمن اللي فات واللي اللي جاي حتى انسي

تم النشر الأحد، ٢٣ يونيو ٢٠٢٤


أكيد مش هينفع اخد اخويا الصغير ولا انقلهم معايا البيت كله .. بس كنت سمعت شيخ بيقول زمان كان مينفعش فعلا البنت تسافر لوحدها عشان كان في خطر فلازم حد يحميها ومفيش حمايه متوفره زي دلوقت ..يعني تقريبا تقريبا برضه مش متأكده بس السفر دلوقت للبنات عادي ..خصوصا بشوف بنات السعوديه أغلبهم بيبتعثوا لبريطانيا..أنا كدا كدا واثقه في نفسي لاني عارفه ربنا ..وأكيد مش عيب أن احنا نسعي وهو عارف ظروفي وأكيد مش هروح اتجوز لمجرد أن شخص يحميني 😂 فميش ليا حل غير اني اسافر لوحدي

تم النشر الأحد، ٢٣ يونيو ٢٠٢٤


إيه الفكره باني ولد انا انسان بردو بس انا عندي اثر سلبي بحياتي نتيجه البعد اوعي تفتكري انك لو اتولدت وهما بعاد حياتك بتكون سليمه زي ما انتي عايزه تبعدي.. عندي اثر سلبي زي زيك بس الطرق تختلف بس النتيجه واحده كدا كدا هو ان الانسان بيكتشف طريق نفسه وبيعافر فيه بنفسه ولما بيرجع للماضي بيعرف ان دا هو السبب في تغيير حياته للافضل زي كدا ديفيد جوجينز اخر القصه عرف ان حياته مهما كانت صعوبتها بس هي ترتيبها هو الصح للي يوصل لي بكرا انتي تفتكري كلامي دا... انتي ممكن يحصلك كذا مصيبه في حياتك بس الاصعب مصيبه الدين فكان الدعاء دايما اللهم لا تجعل مصيبتنا في ديننا فخلي بالك بلاش تشكي في دينك عشانهم وادعي ليهم ربنا يصلح حالهم... عارف انك بتعانى ومش مسامحه بس لعل يوم يكونوا افضل انتي اكيد تتمني.... واللي متأكد منه ان المعاناه ليها وقت والدك مجرد مرحله في حياتك ومسيرك لبيتك ان شاء الله.... بس عايز اقولك نقطه انتي كبنت ما ينفع تسافري لوحدك الا لو معاك حد فلو دا عذر لاهلك خلي بالك كويس انهم على حق البنت ما ينفع تروح لوحدها بعيد

تم النشر الأحد، ٢٣ يونيو ٢٠٢٤


ايوا فعلا الحاجه الوحيده اللي مصبراني أن ممكن دا يكون التحدي عشان أوصل للي أنا عاوزاه وسمعت لا يمكنك إيذائي وكمان إقفز وفعلا حلوين جدا واثروا فيا .. بس انت بتتكلم عن الأهل بمنظورك انت بتقول أن حياتك اتأثرت بسبب بعدهم ..بس انا عكسك انا بتمني بعدهم دايما ..هما ايوا ليهم الفضل أن عايشه وخلاياهم والحاجات دي بس متنساش انهم برضه اذوا خلاياهم دي قصدي لما ضربوني يعني.. وانا فعلا جربت زي ما انت بتقول ووافقت اني انضف من غير مقابل عشان المشاكل تخلص بس برضه انضربت فالناس دي بجد مينفنش يتعاش معاهم لو انت بنت .. البيت دا مليان ذكوريه وميعرفوش اي حاجه عن حقوق المرأه حرفيا في الدين ولا في الدنيا ..وبابا دا كان مشوهلي صورة الدين لفتره كبيره لانو عندو دقن وبيصلي فكنت مفكره إني دايما عاقه ليهم مع اني برضه قريبه من ربنا وبصلي بس بعد ما جمعت الخيوط وحصلت المواقف دي كلها بينا وربنا بينهم علي حقيقتهم إتأكدت انهم غلط وانهم اللي ظلموني كتير ..وهقابل ضربهم ليا باللين ازاي يعني انا مستحيل اسامحم اصلا وهطلب بحقي عند ربنا .. هقولك مثال ازاي كانو مشوهيين الدين في نظري ..انا كنت مفكره إني عادي انضرب حتي لو انا مظلومه لانهم الآباء بس دا طلع ظلم في الدين زي ما انت قولت وكنت مفكره إني حتي لو صديت الضربات عني مينفعش واني انضرب وانا ساكته فاهم حاجه ..من الاخر أنا فهمت ان دينا الاسلام ملهوش علاقه بالناس دي ولا باللي بيعملوه الاسلام كرم المرأه ووصي عليها الرسول مينفعش يجي واحد عندو دقن وعامل شيخ قدام الناس ويهين بنت بالطريقه دي ..وانا فعلا بتجنبهم طول الوقت واصلا مبحبش قربهم مني ..و عمرهم ما حاولو يفهموا انا ليه بعيده ولا حاولو يقربو مني ..بقولك بقيت بتجنبهم لدرجة اني بقيت مش بطلب منهم حاجه اصلا ..وكنت فعلا هساعدهم من غير اي مقابل بس لو كانو أهل حقيقين ليا ..وإن شاء الله خير تأجيل السنه وأكيد كل حاجه بتحصل في حياتنا بيبقي طريق مرسوم وأكيد خير لينا بس انت لازم هتبعد عن أهلك كدا كدا " خصوصا انك ولد يباختك مش هتتخانق معاهم😂 " ولازم تتعود علي كدا وخليك دايما قريب من ربنا دايما علشان متدخلش في طرق مش حلوه

تم النشر الأحد، ٢٣ يونيو ٢٠٢٤

لعرض الإجابة في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك