انا كنت قاعدة مع حبيبي واول مرة نتقابل مسك موبايلي وشاف رسايل بيني وبين شخص صديق من قبل مااعرفه والصديق ده اصغر مني ومن دولة تانية وكلامنا كان عادي وانا سبتله الموبايل عشان مش شايفة اني في حاجة عندي غلط واخبيها.. المهم حبيبي ساء الفهم وزعل ورفض يسمعني ومشي وسابني ف الشارع وبعد ٤ ساعات حذف رقمي وانا محاولتش اكلمه لان خايفة من ردة فعله وانه متعصب وهيجرحني.. اتصرف ازاي لاني حاسة بالظلم حابة أوضحله اني مش حد وحش ولا سئ زي ما هو فكر عني لاني لو حد سئ كنت هخبي المحادثات ومكنتش هخليه يمسك موبايلي وكمان انا زعلانة ان الموضوع انتهي بالصورة دي.. اتصرف ازاي معاه؟؟
اهلا ومرحبا بك. أولا قصة أنه يمسك الفون بتاعك، ويتطلع على رسائلك، ديه مرفوضة تماما، مش علشان انتي مفيش حاجه تخبيها. لأ علشان مش ديه الأصول والتربية. ده أن دل على شيء يدل أنه غير أمين بالمرة، ويدل أنه مش واثق فيكي من أساسه، لدرجه أن عقله صورله أنه يمسك أي حاجه من حاجتك ويفتش فيها. أكيد مش هترضيها على نفسك ولا على كرامتك. ثانيا، ليه مجاش واتقدم في البيت من الاول؟ اذا كان عايزك! أنا عارفه أن الموضوع صعب عليكي تتقبليه حاليا، لكن الكلام عمره ما كان سهل زي ما بتقولي، كام مرة حاولتي وانتي صغيرة انك تتكلمي؟ كام مرة حاولتي انك تمشي ووقعتي؟ كام مرة حاولتي تمسكي القلم وكنتي بتحاولي انك تكتبي بس حرف واحد؟ أكيد كتير، علشان كدا احنا بنقع وبنقوم وبنحاول وهكذا.. وده إجابة سؤال ازاي اعمل move on أتمنى أنه يساعدك https://fedni.net/q/23362448/move-on
تم النشر الأحد، ٢٥ سبتمبر ٢٠٢٢
احمدي ربنا أن الموضوع انتهى! حبيبك دة لو مكانش اتقدم لك رسمي في البيت ودخل البيت من بابه فنصيحة انسيه تماما إلا إذا هو قرر ياخد الخطوة دي بنفسه وتبقى خطوبة رسمية لأنه إذا رضي يقعد معاكي لوحده من غير محرم ويعطي نفسه الحرية أنه يفتح موبايلك فهو لا يؤتمن على بنات الناس أكيد أنتي أغلى من انك تقعي في حب شخص يقابلك في الشارع مش في البيت وفي أول موقف يسيبك في الشارع ويمشي!
تم النشر السبت، ٢٤ سبتمبر ٢٠٢٢
لعرض السؤال في فدني اضغط هنا