قبل اى حاجه انا عارفه انى غلطت و انى من جوايا شخص مش كويس
بس و الله انا ندمانه جدا الموضوع انى اتكلمت على اقرب حد ليا فحياتى اختى
اتكلمت عليها مع ناس شغالين معانا ف نفس المكان و للاسف الكلام وصلها و قعدتنى من الشغل و قالتلى أنها هتقول ل بابا كل حاجه علماً بأنها الأكبر اللى واجعنى أنها اكتر انسان وقف جنبى فحياتى كلها و مكنتش تستاهل منى كده و انا مش لاقيه مبرر ل نفسى اقولهلها و مش عارفه اعمل اى بالله ساعدوني ارجع كل حاجه زى زمان لأنها حسبنت فيا و قالتلى أن دى نميمه و انها مش مسمحانى ليوم ما تموت 💔💔
اتكلمي معاها مرة واتنين وعشرة هاديها واعملي صدقة جارية باسمها مكان ما جبتي سيرتها مع نفس الناس روحي وصلحي صورتها متسبيهاشي غير لما تسامحك
تم النشر الخميس، ٨ ديسمبر ٢٠٢٢
المكان اللي اتكلمتي عليها فيه وحش تروحيه تاني لنفس الناس وتحسني صورتها وتصلحي اللي قولتيه. استغفري كتير عشان ربنا يغفرلك اللي عملتيه وبيسرلك انك تضلحي علاقتك باختك. اعتذرلي لاختك بكل الطرق الممكنة وبينيلها انك ندمانه وابذلي قصارى جهدك ف انك تكسبي ثقتها من تاني. كلنا بنغلط لكن مهم نصلح غلطنا ونتوب عنه ونعرف احنا غلطنا ليه عشان منكررش الغلط مره تانيه.
تم النشر الجمعة، ٩ ديسمبر ٢٠٢٢
احساسك بالندم ان شاءالله يخليكى تستمرى فى المحاولة لحد ما تسامحك واضح ان الكلام كمان مكنش كلام عادى وكان كلام صعب فى حقها. اولا :انتى لازم تواجهى نفسك انتى ليه عملتى كده ( هو اكيد شيطان ونفسك الامارة بالسوء. ) ممكن اكون هى محبوبة اوى لان واضح انها جدعه وومة زى ما انتى قولتى ان ليها افضال عليكى كتير او بحكم انها الكبيره انتى حسيتى بالغيرة وهى دى اللى عملت فيكى كده. ثانيا : استخدمى اكتر من طريقة عشان تأكديلها انك فعلا ندمانه على انك خذلتيها ...لان الخذلان وحش وده اللى وجعها منك. اعملى مواقف حلوة ...ابعتيلها هدايا ...خلى حد وسيط يكلمها ...وكل ده مش مره واحده ...استمرى عشان تحاولى تداوى الجرح ده ثالثا : ادعى ربنا كتير انه يصلح ما بينكم ...هو مقلب القلوب وان شاءالله يؤلف بين قلوبكم تانى.
تم النشر الأربعاء، ٧ ديسمبر ٢٠٢٢
انتى ممكن تتكلم معاها بينك وبينها وتحاولى تعرفيها انتى قولتى كدا ليه وتعتذرى ليها وتصلحى اللى قولتيه مع اللى سمعوكى ومفيش بيت بيخلى من المشاكل بين اى حد من أهلك لأننا مختلفين عن بعض بس حاولى يكون كلامك معاها هى لوحدكو من غير ماتدخلى حد
تم النشر الأربعاء، ٧ ديسمبر ٢٠٢٢
لعرض السؤال في فدني اضغط هنا