مش عارفه ابدأ منين بالظبط لكن انا فعلا مبرتحش فى العلاقات الطويله دايما ببعد عنها أو هما الي بيبعدوا عنى بيكون عندى كده شغف البدايات فى اى علاقه عمتا بعدين بحس انى مش طايقه الي قدامى ابدا ابدا بسأل نفسي كتير أنا ازاى هتجوز والمفروض اعيش معاه طول حياتى مع انى بحس انى مش حابه الإنسان لما بنقعد سوا كتير ف العلاقه عندى واحده صاحبتي بحبها جدا ليا ذكريات معاها حلوه وعلاقتنا تمام كان بيحصلي الموضوع ده كتير معاها ابقا مبسوطه وانا معاها وبضحك واروح البيت لما الاقيها بعتالى مثلا غظب عنى بيجيلي شعور جوايا بالنفور ومش منها من اى حد علاقتى بتطول معاه او عشان نكون أوضح فتره البدايات انتهت ، الموضوع غريب وانا زى ما قولت انى بحبها ف خفت أنها تحس ان حبي بيقل ومبقتش بحبها زى الاول ف لمحتلها كذا مره انها تبعد عشان انا حد مش احسن حاجه بس هى شيفانى حد كويس جدا معرفش ازاى بس يمكن انا فعلا حد كويس بس كلام الناس مخليه مش واثقة ف كده عموماً مش ده موضوعنا انا محتاجه افهم سبب خوفى من العلاقات حتى قبل كده كنت بحب واحد وللأسف اتكلمنا يعنى بس شات معرفش ليه بعدها بشهرين تقريبا زهقت كنت برد عليه بالعافيه مع انى مبسبش التليفون بس هو بقا تقيل عليا رغم انى مبطلتش احبه وقعدت اتهرب منه وهو اكيد حس بكده فضلت كل شويه اقوله محتاجه اخد بريك لحد ما حالتى تتحسن وهو كان مستغرب هو انا لحقت انا ذات نفسي معرفش بفقد الشغف ف العلاقات ليه هو انا مريضه نفسيا ؟ هو انا مريضه فعلا بس بتأكد يعنى
أعتقد أننا بحاجة لوصف مشكلتك بشكل أدق عزيزتي، يوجد فارق بين الفتور والنفور في العلاقات. البدايات تحمل الحماس وتدفق في هرمونات السعادة، ومع استمرار العلاقة يتجذر الحب بالتعامل الطيب والذكريات المشتركة، لكن أبدًا لا تتكرر مرحلة الشغف الأول بنفس الدرجة. الآن ربما كان لديكِ طبيعة هادئة، لا تحبين كثرة الانغماس في الآخرين، هذه طبيعة معاكسة تمامًا لمن يستمدون سعادتهم من الاندماج والانصهار مع الآخرين. إذًا حتى تتضح الصورة لك: شغف وحماس البدايات سمة مشتركة بين غالب الطباع البشرية. المرحلة التالية عندما يخفت الحماس تظهر المودة والتراحم والإحسان، وبالمقارنة مع حماس البدايات سيظهر الأمر وكأنه نفور، لا هذا ليس نفور بل المسار الطبيعي جدًا. التفرقة الآن بين: 1- هل تصلين لمرحلة رغبتك في قطع العلاقة تمامًا 2- أم تكونين بحاجة للانعزال قليلًا والاكتفاء بنفسك. هنا يمكننا أن نكمل النقاش، بانتظارك.
تم النشر السبت، ١٣ يوليو ٢٠٢٤
أولاً، حابة أقولك إنك مش مريضة نفسياً عشان عندك المشاعر دي. كلنا بنمر بمرحلة في حياتنا بنكتشف فيها إننا مش قادرين نتحمل علاقات طويلة الأمد، والأهم هو إنك تعترفي وتفتحي قلبك للكلام في الموضوع ده. شوفي، في أنماط عديدة للعلاقات وكل شخص عنده طريقته الخاصة في التعامل مع الناس. فيه ناس بتحب البدايات الجديدة ونشوة الحماس الأولى، وبعدها بيبدأوا يحسوا بالروتين أو الملل. ده أمر طبيعي ومعروف في علم النفس. ممكن نسميه "متلازمة شغف البدايات". عشان نقدر نحلل الموضوع أكتر، حاولي تسألي نفسك: إيه اللي مخوفك بالضبط بعد فترة البدايات؟ هل بتخافي من الالتزام لفترة طويلة؟ هل بتشعري بضغوط أو توقعات كبيرة لما العلاقة تستمر؟ إمتى بدأ الشعور ده يظهر في حياتك؟ هل ممكن يكون فيه حاجة من الماضي مأثرة عليك؟ ممكن تكوني محتاجة وقت تفهمي نفسك أكتر وتعرفي إيه هي الأسباب اللي بتخليكي تنفري من الناس بعد فترة. محاولتك تفهمي نفسك هي الخطوة الأولى لحل أي مشكلة. وما تنسيش إنك تحاولي تتواصلي مع متخصص نفسي يساعدك تفهمي حالتك بشكل أعمق لو حسيتِ إنك مش قادرة تفسري الأمور بنفسك. ممكن جلسة أو اثنين مع المعالج النفسي تكون الحل اللي يخليكي توصلي لنقطة تريحك. أهم حاجة تاخدي بالك من ذاتك وتفهمي إنك مش وحدك في الموضوع ده، وأنا هنا دايماً عشان أسمعك وأساعدك. إذا حسيتي إن في حاجة صغيرة ممكن نبدأ منها، بس احكيلي.
تم النشر السبت، ١٣ يوليو ٢٠٢٤
نفس الشعور مش لوحدك
تم النشر السبت، ١٣ يوليو ٢٠٢٤
لعرض السؤال في فدني اضغط هنا