مبدأيا اي مشاكل ف البيت معناه انك مكنتش سابقاً قريب من ربنا علاج كل دا قرأتها للقرآن و يا ريت تواظب ع الصلاه و تشغل قرآن طول الوقت ف البيت عندكوا و قرب من ربنا اكتر عشان يقويك و مترجعش تاني أولا متقولش انك مش هتعرف تعوضها لا هتعوضها ب كل دا وقف جلد ذاتك اللي مبيبطلش او حاول متسمعش لعقلك بالأصح لو حسيت انك هتبدأ تفكر ف اللي فاتك او تفكر انك ترجع تاني للي كنت بتعملو ف اشغل نفسك ب حاجات كتير تانيه و صدقني لو قربت من ربنا كل دا هيتحل انت لسه ٢٨ يعني لسه صغير و العمر قدامك تقدر تغير حياتك ١٨٠ درجه لو انت عايز افتكر ان ذي مكنت عايز تشرب و عملت دا انك لو فكرت تصلح حياتك هتعرف و تعمل كدا أولا انا معرفش بتشتغل ايه أيا كان شغلانتك حتى لو قبضها قليل استثمر فيه حاول تقسم الفلوس اول لما تقبض كل حاجه أو هقولك فكره حلوه خلي مراتك هي اللي تمسك مصروف البيت مش عيب انها هي اللي تمسكوا و انك اول متقبض تديها قبضك و تقسموا فلوس ابنك و فلوس كهربا و ميا و غيرو خلي فلوس لأساسيات البيت اول متقبض تخصمها من مرتبك ع جمب شيلها مع حد تثق فيه بس لما تقبض خدلك فلوس منغير متعرف حتى ، الفلوس دي ليه بقا حاول تخرجها خروجه حلوه تسافرو تقضوا يومين حلوين ف مكان تفصلو عن كل اللي حصل قبل كدا و قدامك انك تصلح كل خاجه و تصارحها ب مشاعرك و هي هتسمعك لازم تصلحو كل اللي باظ سوا متقعدش ساكت كدا صلح اللي عملتو ابنك ميستاهلش يشوف اهلو بيتخانقو او دايما ف مشاكل و باباه قاعد ساكت مش عارف يصلح حاجه و صح يا ريت عشان الحوار دا بيأثر ع النفسيه جدا لو في مشاكل بينك و بين مراتك او اي حاجه عمتا تخص ماضيك متحكيهاش او تعملو و تحلو مشاكل قدام إبنك عشان مهما كان هو ملهوش ذنب دايما يلاقي البيت في مشاكل او انو يحس ب حاجه صدقني متقعدش ساكت تقدر لسه تصلح كل دا و متسيبش نفسك لدماغك خالص عوض مراتك ب خروجات سفريات و صارحها ب مشاعرك و افتكر ان اللي يخليها مكمله معاك رغم كل دا انها لسه بتحبك و ان في أمل تعوضها و تصالحك و تتحسن ما بينكوا العلاقه إذا كان ربنا يغفر للزاني و القاتل إذا تاب مراتك مش هتسامحك بالعكس هترجعوا احسن من الأول لو انت موقفتش مكتوف الأيد و بادرت ب انك تصارحها ب كل حاجه جواك الصحبه الصالحه يا ريت تصاحب المتدين اللي بيخاف ربو يمكن يعلمك ف امور دينك و يقف معاك وقت أزاماتك و يدلك ع الصح مش يدلك ع الشُرب و متقولش دماغي شمال مفيش حاجه اسمها كدا انت بتقنع نفسك و بتبرر لنفسك اللي بيحصل بطريقه غلط اسمها الشيطان هو اللي دعاك ف استجبت لقله إيمانك و افتكر إن و ما الحياه الدنيا إلا لهو و لعب و الدنيا امتحان لازم تجتازه عشان تكسب اخرتك ثقف نفسك دينياً اكتر هتتحل مشاكلك امشي ب اللي بقولو صدقني حياتك هتتحسن متقفش مكتوف الأيد انت اسه قدامك وقت تصلح اللي فات و ربنا يهديك و يهدينا جميعاً و يا رب حياتك تتحسن و تبقا أفضل من الأول
تم النشر السبت، ١٧ فبراير ٢٠٢٤
4 تعليق
انا معملتش حاجه دا ربنا هو ال ادني وقت و جعلني سبب مش اكتر ،وبعدين دا شئ يسعدني اني اقدم لو دعم بسيط جدا ل اخواتي المسلمين
تم النشر الأحد، ١٠ مارس ٢٠٢٤
هيغفرلك إن شاء الله طالما انت رجعت و مبقتش تعمل الحاجه دي و ربنا يثبتك و إن شاء الله مترجعش تاني و تقدر تعوض مراتك ع كل اللي فات
تم النشر الاثنين، ١٩ فبراير ٢٠٢٤
مبدأيا برضو شكرا ليكي ع كلامك و النصايح و طبعا لوقتك . طبعا انا متفق معاكي في ان البعد عن الدين و عن ربنا هو السبب لكل الهم و الحزن ربنا واعدنا و محذرنا من البعد عنه (و من اعرض عن ذكري فإن له معيشة ضنكا ) و للاسف او اللي بيرعبني من الناحية الدينية اني الحمدلله فاهم ديني كويس و عارف ان الحل اني امشي و مش عارف اعمل دة و عايز اقولك اني الحمدلله معملتش علاقات في الحتة دي ومليش اصحاب يعرفوا اني كنت في المستنقع دة الحمدلله و للاسف عشان دة أكدلي ان نفسك هي اللي بتسحب للسوء اكتر. (و نفس و ما سواها .فألهمها فجورها و تقواها ) و عشان كدة جهاد النفس اقوى و اعظم من اي جهاد . لك ان تتخيلي انك فجأة تفوقي تلاقي نفسك في غلط و انتي عارفة الصح بتاع و من زمان و ممشتش صح لا و كمان لسة مش قادر تمشي صح ، ربنا بيغفر و بيسامح عشان هو الله ، و اتمنى من ربنا يغفرلي ذنوبي و يقدرها انها تنسى بس احنا بشر و مش بإيدينا نسامح او نغفر. ربنا يهدينا جميعا يارب و اسف لوقتك .
تم النشر الاثنين، ١٩ فبراير ٢٠٢٤
+أن أصحاب السوء دول اسوء من اي شئ في الدنيا
تم النشر السبت، ١٧ فبراير ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك