عندي 16 سنه وانا حاليا في اولي ثانوي وانا في ثالثه اعدادي نقصت درجتين عن النهائيه بس ماما كانت رافضه اني ادخل ثانوي وكانت عايزه تدخلني تمريض وكانت دايما تقولي لو دخلتي ثانوي مش هتجيبي مجموع بس انا رفضت ودخلت ثانوي بس هي علطول بتقولي انتي فاشله وحتي في الامتحنات لو نقصت مع اني مش بنقص كتير بس بتفضل تقولي انتي فاشله ومش هتنفعي بقيت دايما بحس اني معنديش شغف لاي حاجه وكل م اروح اذاكر احس اني مش عارفه اركز وتلقائيا بفضل ابكي وحاسه اني مكتئبه جدا طول الوقت بفضل لوحدي ومليش نفس اكل خسيت اوي وشكلي اتغير وهما ملحظين دا ودايما بيسألوني مالك بس مش بقول لاني عارفه انهم مش هيهمهم قلبي بيوجعني كل مشوف الحاله الي وصلتلها من وحده كل سنه بتطلع من الاوائل لوحده مش عارفه تذاكر 💔😭
الكلام فعلا يقدر يطلعك السماء او ينزلك االارض سيبك بقى من موضوع انهم مش هيهتموا ده قولى اللى مزعلك واللى تاعبك قولى ان الكلام بيدمرك ولو هما فاكرين انهم كده بيشجعوكى يبقوا غلطانين افتخرى باختيارك وخليكى قده
تم النشر السبت، ٢٥ نوفمبر ٢٠٢٣
هو فعلا الكلام بياثر علي البني ادم بس انتي ليه متسبتيش غير كده انتي المفروض تسبتي عكس كلامهم المفروض تعرفيهم كلهم انك مش فاشله خليكي قويا و اوعي تضعفي اه عيطي و صوتي و اعمالي كل ال انتي عايزه بس كملي ال بتدتي فيه متخليش حد كلامه يأثر عليكي انا عايزاكي تعتبر الكلام السلبي ده بمقام طوب بيحضفو عليكي بس بدل ميجي علي و يعورك لاء خليه يرفعك لسابع سما كل لما يرمو عليكي طوب خدي الطوب ده و بني سلام نجاحك بيه قومي و حربي كل الظروف ال ضدك و خلكي ديما فكره ان في ربنا سبحانه و تعالي ال هيجبر بخاطرك و كل لما تبقي زعلانه روحي بس صلي ركعتين و عيطي و انتي بتصلي و طلعي كل الكلام ال عندك لربنا و انتي سجده لله سبحانه و تعالي و صدقيني ربنا هيفرحك بس انتي قولي يا رب و ربنا يسعدك ان شاء الله يا جميله ❤️❤️😊ملاحظه صغيره ،،
تم النشر الاثنين، ٢٧ نوفمبر ٢٠٢٣
هوني على نفسك احنا مطالبين بالسعي وليس النتيجه ربنا عز وجل قال (وإن ليس الأنسان الا ما سعى) اذاكر واعمل اللي عليا والنتيجه دي مش بتاعتي وخليكي عارفه إن اللي في نصيبه حاجه هيشوفها في أرزاق بتيجي بالسعي زي النجاح طب انا عرفت أن دي طريقه والدتي وهي اسلوبها كدا فمخدش الكلام على محمل الجد كدا كدا عرفت أن كلامها سلبي معايا قهوتي على نفسك وربنا يوفقك
تم النشر الجمعة، ٢٤ نوفمبر ٢٠٢٣
طول م انتي عندك هدف متخليش حد يأثر عيكي حتي لو اقرب النااس ليكي
تم النشر الجمعة، ٢٤ نوفمبر ٢٠٢٣
اكيد لو احتجتك حاجه هكلمك ❤
تم النشر الجمعة، ٢٤ نوفمبر ٢٠٢٣
العفو ي حبيبتي ولو محتاجه اي دعم نفسي انا معاكي انتي زاي اختي الصغيره
تم النشر الجمعة، ٢٤ نوفمبر ٢٠٢٣
شكرا لنصيحتك واكيد هعمل بيها ❤
تم النشر الجمعة، ٢٤ نوفمبر ٢٠٢٣
وحولي ديما تشجعي نفسك وتكفيها بحاجه انتي بتحبيها حتي لو شوكولاتة هتجبيها لنفسك
تم النشر الجمعة، ٢٤ نوفمبر ٢٠٢٣
حطي هدفك قدام عينك ومتشغليش بالك بحد
تم النشر الجمعة، ٢٤ نوفمبر ٢٠٢٣
بحاول بس غصب عني بتأثر بكلامهم
تم النشر الجمعة، ٢٤ نوفمبر ٢٠٢٣
كمان اثبتلهم واثبتي لنفسك انك هتقدير تبقي حاجه ناجحه لنفسك الاول قبل اي حد
تم النشر الجمعة، ٢٤ نوفمبر ٢٠٢٣
لعرض السؤال في فدني اضغط هنا