انا عندي 16سنه وانا عندي 6او 7سنين كنت بتعرض لتحرش جنسي من اتنين من ولاد عمي واحد كان شب والتاني كان متجوز واكبر عيل معاه اكبر مني بسنتين كنت صغيره ومش فاهمه حاجه خالص ولا عارفه هما بيعملوا فيا ايه ومكنتش بقول لحد بسبب اني مش قريبه من امي واهلي وكنت بخاف اقول لحد ومكنتش فاهمه حاجه خالص والله بس ابن عمي الشب دا لما كبرت وكدا معملش فيا حاجه تاني اما ابن عمي المتجوز فضل يعمل فيا كده لحد خمسه ابتدائي وانا برضو مش فاهمه حاجه لحد مكبرت وبدات افهم اي البتعمل فيا دا ومقولتش لحد خوفت من المشاكل اللي هتحصل وانا من قريه يعني هطلع انا الفيا كل حاجه وحشه وهو راجل معلهوش غلط والبنت ملهاش غير سمعه وبعد عن اي مكان عارفه انو هيكون فيه ولما كبرت وبدات ابحث عن الموضوع ده للاسف دخلت في العاده ومش عارفه اعمل ايه ولا ابطلها ازاي وبقيت بخاف من الرجاله كلها وكل تفكيري اني كل واحد عاوز الحاجه دي مني وبس ولما بكلم واحد بكون متوتره وخايفه وانا مش عارفه اعمل ايه ومش عارفه لما اجي اتجوز احكيلو على الحصلي ولالا
لازم تعرفي انتي ملكيش ذنب في اي شئ من اللي حصلك ده بتاتا .. انتي كنتي لسه صغيرة ومش فاهمه ايه اللي بيحصل .. وكويس انك لما فهمتي بعدتي. ولكن لما فهمتي برضه دخلتي في دوامة تانيه، لكن! الدوامه التانيه انتي دخلتيها بمزاجك، يعني الغلط عليكي في الجزء ده. ف انتي في الاول لازم تبعدي عن فعل العادة .. طيب الموضوع ده هيحصل ازاي؟ انصحك تشوفي السؤال ده باجاباته هتفيدك https://fedni.net/q/61042885/إدمان-مشاهدة-الأفلام-الإباحيه طيب ايه اللي ممكن يحصل بعد كده؟ ياريت طبعا الاحتكاك بيهم يبقى قليل، ومتحاوليش تقعدي معاهم لوحدك ولا تقربي منهم. تاني شئ متقوليش لزوجك مستقبلا عن كل اللي حصل. محتاجه تعرفي اهم حاجه .. ان مش كل الرجالة تفكيرهم مرضي .. وهنا انا بقصد ان فعلا قرايبك دول ناس مرضى، وغير اسوياء نفسيا. هل تعتقدي ان كل الرجالة مرضى؟ اكيد لا هقولك مثال تاني، لو واحدة متجوزة وزوجها خانها .. هل يحق لها انها تقول ان كل الرجالة خاينه؟ اكيد لا. لو انتي جيتي في يوم وعرفتي ان صاحبتك مش كويسة، مثلا بتجيب في سيرتك بكلام سئ، هل يحق انك تقولي اما مش هعرف بنات تاني علشان كلهم وحشين؟ اكيد لا .. ما انتي ف الاخر بنت. والرجالة دول فيه منهم والدك واخواتك .. ف اهم حاجه علشان تشيلي الفكرة ديه من دماغك انك تعرفي ان مش كل الرجالة وحشة. فيه ناس كويسة وفيه ناس لأ .. والكلام ده على البنات والرجالة مش الرجالة بس!
تم النشر الأحد، ١٧ سبتمبر ٢٠٢٣
لا أنصحك بالسكوت على هذه المهزلة لأن السكوت ممكن يتطور لشيء أكثر بشاعة عموما ارفقي بنفسك ولا تجلدي ذاتك لأن ليس لك أي ذنب أو تقصير في الموضوع تابعي صفحة "واعي" فهم متخصصون في مساعدة الشباب للتخلص من العادة السيئة https://www.facebook.com/wa3i.org
تم النشر الأحد، ١٧ سبتمبر ٢٠٢٣
العيب والذنب عليهم هما مش عليكي هما الي استغلو برائتك وطفولتك ولازم تتجاوزي المشكله دي ب اي شكل لان لو فضلتي تفكري فيها هضيعي عمرك وفرص كتير عشان كدا هاتي نوت واكتبي كل يوم حاجه انتي ممتنه لوجدها ف حياتك واحرصي تشغلي دماغك ف ايجاد حجات جديده طول الوقت وحاولي على اد ماتقدري ماتفكريش ف الماضي ومتعشيش دور الضحيه لان محدش يعرفك الي ف دماغك ولانك بتحصري نفسك ف نظره سلبيه ديقه لان حياتك اوسع من كدا بكتير ومينفعش توقفيها عشان موقف وبطلي تسألي نفسك ليه ده حصلي او انا عملت ايه استحق عليه ده وتجاهليهم او اعتبري نفسك مش شيفاهم ووحده وحده هتتعودي ولما ربنا يكرمك وتتجوزي متحكيش حاجه لجوزك
تم النشر الأحد، ١٧ سبتمبر ٢٠٢٣
لو هنتكلم على اللّي مريتي بيه،خففي على نفسك نتِ كنتِ صُغيرة مش فاهمةة حاجةة، معلش هما اللّي مش كويسين مِش انتِ عاوزاكُ تطمني ان اي حاجةة هما عملوها بتحصل او حصلِت فِ أهل بيتهُم حتىٰ لو نتِ معرفتِيش ده دلوقت، دِي نُقطةة، نتِ محتاجةة تزودِي حرص شويةة ومتحطيش نفسِك فِ موضِع شُبهه ازاي تعملي ده بحيث إنك تطبقي شرائِع ربنا دي حاجةة مش هقولك 100٪ مش هتتعرضي للتحرُش لاء ممكن يحصلِِك بس خدي بالأسباب فاهمةة ارجوكي افهمي ان ربنا اللي شرع لينا احنا البنات اللِبس بطريقةة مُعينةة و اننا نتعامِل بطريقةة مُعينةة هو عالم بينا وعالم بِ خلقه بيفكروا ازاي ارجوكي افهمي ربنا هو حبيبك مش خصيمك خالِص بجد ممكن تفهمي ده متأخر بس ربنا اللي خلقك عالم بيكِ كويس اطمني، حاجةة كمان بخصوص موضوع التحرش بصي يا حبيبي نتِ جربتي وشوفتي لما سكتي ده أثر على نفسِيتِك ازاي هه مع انك يا حببتي كنتِ صُغيرة مش فاهمةة حاجةة لسه ومتلوميش نفسك ماشي.لو اتعرضي للتحرُش مره تانيةة خدي نفس ونادي اي حد وقوليلو ده لمس جسمي او التصرف اللي عمله شوفي انا عارفةة ان الكلام ممكن يطلع منك بالعافيةة ونتِ متلخبطةة ماشي وكده ومُحرجةة من ده بس انتِ مش لازم تِسكُوتي حُطي حد لأي حد يلمس حاجةة مِِش من حقه جسمك ده أمانةة ربنا شيلها معاكي لغايت ما يستردها ولما تتجوزي جوزك مسؤل إنه يحفظِك بردك، مش عوزاكي تتقعدي من كل الرجالة ولا حاجةة عوزاكي تكوني هاديةة وتفهمي أداب الإختلاط وده هيفيدِك عموما،هفهمك حاجةة نتِ مش هتموتي لو مفيش راجل فِ حياتِك وجود الراجل فِ حياة اي واحده فينا إضافةة حِلوة اوي وليها لذه غير تماما اي حاجةة، الاحساس ده لازم يطلع مع الزوج بس ومن هنا هكلمك عن العاده السريةة شوفِي فطرتك الطبيعية اللي اتخلقتي بيها انك تحبي تكونِي مع راجل وتحسي معاه كده تكوني مبسوطةة ونتِ بتبسطية هفهمك اكتر انك تكوني المُتحكم فيكي مش العكس مش تكوني نتِ المُتحكمةة الراجل عكسك الراجل بيحب هو اللي يتحكم فاهمةة ونتِ بتمارسي الاستمناء انت اللي بتتحكمي فِ كل حاجةة غير التوتر و القلق اللي بتحسي بيه مش هقولك غير انك تشيلي الاحساس ده لما تتجوزي تحسي مع جوزك وتتعودي على طريقة جوزك لان بممارستك للإستمناء انتِي بتتعودي على حاجةة او طريقةة مُعينةة ممكن تتجوزي راجل طبيعي بس متتأثريش وكده فاهمةة انا اسفة لو اتعمقت معاكي شويةة بس انا عوزاكي تفهمي وتفهمي ان ربنا جَعل الاحساس بلذه الجنس بين الزوج وزوجته مش الإنسان بنفسه لاء مع حلاله لانك معاه مش بتعملي حاجةة غلط بالعكس بتعملي حاجةة بتاخدي حسنات عليها فاهمةة صدقيني عوزاكي تكوني قويةة وعندك عافِيةة وتكوني قادره تبسطي نفسك وجوزك اما تتجوزي ومع الوقت الامور هتتحسن بس واحده واحده ومتيأسيش من حاجةة أبدا يا حببتي كل يوم خدي خطوة انك تحققي ذاتِك واي حاجةة تحصل اتعلمي منها بخصوص الإستمناء بطليها وشيلي المشاعر دي تحسيها مع جوزك نتِ او احفظي الأمانه لغايت نا ربنا يستردها منك.خدي بالك من نفسك ربّ يطمن قلبك ويعافيِكِ 💗💗💗💗💗💗💗💗💗💗💗🤲🏻"""".
تم النشر السبت، ١٦ سبتمبر ٢٠٢٣
متحكيش حاجه لحد وحاولي تنسي كل الي حصل ومتسكتيش لحد تاني واملي وقت فراغك بالقرائه او اتعلمي مهارات جديده وقربي من ربنا وانشاء الله هتبطليها
تم النشر السبت، ١٦ سبتمبر ٢٠٢٣
انتى محتاجة تتكلمى مباشر مع متخصص نفسى لان التفاصيل هتفرق كتير و على نصايح العادة والتخلص منها هتلاقى اسئلة هنا كتيير استفيدى منها ----- للراغبين في الحديث إلى متخصص أو توجيه استفسارات، الاتصال على الخط الساخن للأمانة العامة للصحة النفسية «16328» مجانًا على مدار الـ 24 ساعة. وكذلك مؤسسة تداوي التواصل على واتس اب 01555121622 https://tadawyfoundation.com/
تم النشر السبت، ١٦ سبتمبر ٢٠٢٣
حبيتي الحق مش عليكي على هولي الزق الي سوا فيكي هيك اللهوينتقم منهم احكي لا تخافي و انا معك وشجعك و مارسي فنون قتاليه تساعد انك تتخطي و تأمل و للعادة السريه كتري ذكر و اشغلي حالك تعلمية مهارات جديدة لح تتحسني 💗🫶🏻ياعمري
تم النشر الاثنين، ١٨ سبتمبر ٢٠٢٣
لا طبعا متحكيش حاجه لحد اصلا عن كدا
تم النشر الاثنين، ١٨ سبتمبر ٢٠٢٣
اكيد لا متحكيش لحد عن ماضيكي .. هتتأذي كتير. فكري ف حياتك ومستقبلك وحاولي تقربي م ربنا اكتر وتبعدي عن الحاجه دي لانها اكيد مش كويسه ليكي نفسياً وصحيا بردة .. لازم تفوقي لنفسك وتحافظي علي نفسك من الوقتي عشان ربنا يكرمك وتكون امورك الجايه كويسه وتبدأي حياة جديده وصفحه جديده وتنسي ال فات .. وتبدأي تثقفي نفسك وتهتمي بدراستك افضل من كل ده . اي خطوة من البنت ولو بسيطه بألف حساب خلي بالك علي نفسك كويس✨وربنا يهدينا جميعاً
تم النشر الأحد، ١٧ سبتمبر ٢٠٢٣
لعرض السؤال في فدني اضغط هنا