مش عارف ابطل

Question

انا شاب لسه عندي 15سنة بس معايا مشكلة و مش قادر أبطلها و هي مشاهدة الأفلام الاباحيه هل في طريقة اني ابطل العادة دي؟

Accepted Answer

شوف يا صديقي، النبي عليه الصلاة والسلام بيقول: «ما مِن عبدٍ مؤمنٍ إلَّا وله ذنبٌ يعتادُه الفَينةَ بعدَ الفَينةِ أو ذنبٌ هو مقيمٌ عليه لا يُفارِقُه حتَّى يُفارِقَ وإنَّ المؤمنَ خُلِقَ مُفْتَنًا توَّابًا نَسَّاءً إذا ذُكِّرَ ذكَر » يعني ايه؟ يعني كل واحد حتى لو كان أتقى الأتقياء لازم ربنا يبتليه بذنب كل شوية يقع فيه ويتوب عارف ليه؟ عشان ربنا بيحب التوَّابين، يعني اللي كل شوية يتوبوا ويستغفروا، وطبعا مكنش هيبقى في حاجة للتوبة لو مكنش فيه ذنب من الاول. انا بقول الكلام ده ليه؟ اوعى تفهم اني بقولك اعما كدا عادي! لكن اللي عايزك تفهمه انك أوعى تفكر انك ممكن تبقى ملاك مبتغلطش، او تُقلِع عن الذنب خالص، ده مستبعد تماما، فالمطلوب انك تعرف قدر نفسك ومتنتظرش منها الكمال لان دي لعبة الشيطان مع ابن ادم، انه يخليه يحتقر نفسه بسبب ذنبه لحد ما يقنط من رحمة ربنا ويقول ماهي خربانة خربانة ويبعد. فأنت يا صديقي دورك انك تتوب وتحاول قدر المستطاع انك تباعد بين الفترات اللي بتتفرج فيه على المشاهد دي وتلزم نفسك ان كل سقطة ليك تتبعها بحسنة (إن الحسنات يُذهِبنَ السيئات) فتقوم مثلا تاخد دش وتصلي ركعتين، او تتصدق بمبلغ زهيد، او تقرا سورة الاخلاص مثلا ٣ مرات، او تستغفر ١٠٠ مرة،او تصلي على النبي ١٠ مرات.. اي حاجة المهم تلزم نفسك بكدة، وكدة هيبقى ذنبك ده في حد ذاته سبب للطاعة (إلا من تاب وآمن وعمل عملا صالحا فأولئك يُبدل الله سيئاتهم حسنات) عارف ليه بقولك الكلام ده؟ عشان لو أهملت التوبة كل مرة والعمل الصالح بعد الذنب مباشرة، قلبك يُصاب بشيء اسمه الران، والران ده يعني غطاء على القلب يسبب الجفاء والقسوة بالإضافة إلى الحزن والكآبة، فذنب بعد ذنب تجد نفسك مخنوق ومش سعيد، ومرة بعد مرة تجد الصلاة تقيلة، وتسمع خطبة تنام، وتعدي على فيديو تلاوة قرآنية متطيقش تسمعه، ولكن التوبة حتى لو ١٠ مرات في اليوم تغلط وتتوب كل شوية بتخلي القلب صافي والصدر منشرح. واعرف يا صديقي انك في أمان من عذاب الله ما دمت تعلم أنك على معصية وتستحي منه وتستغفر بعدها. يبقى مفضلش بقى عاصي وعلى جنابة طول النهار وباليومين واكتر! اخلي ضعفي ده مُقَيد وان سمحتله بوقت من وقتي لازم يبقى اقل وقت وميتعارضش مع واجب من واجبات الدين ولا الدنيا. واستعين بالله واتعلم تباعد فترات المعصية زي ما اتعلمت تصوم كدا لحد المغرب، مش كل ما تشتهي تعصي.. جاهد مرة واتنين واقع في التالتة وهكذا، هو ده المطلوب، ربنا بيقول (والذين جاهدوا فينا لَنَهْدِيَنَّهم سُبُلنا) يعني اللي بيحاول ويقع ويحاول ويقع ربنا بيرضى عليه مش بيزعل منه خالص وكمان بيهديه للصواب. ولما تجيلك الخواطر اشعر بنظر الله إليك فإن وجدت في نفسك رهبة فعليك ألا تُقْدِم، وسوف تكون لحظات لا تشعر فيها هذه الرهبة وذلك يعني ان الشهوة تملكتك وأن طيفًا من الشيطان قد حل بك وبالتالي ستوشك أن تسقط فعليك أن تذكر الله وتستعيذ به من الشيطان، وذلك قول الله (إن الذين اتقَوا إذا مَسَّهم طائفٌ من الشيطان تذكروا فإذا هم مُعْرِضون) فإن كفاك، وإلا فتُب بعد ذنبك لأن رسول الله علمنا أن المؤمن لا يعصي وهو مؤمن وإنما يَبلى الإيمان في قلبه وقت المعصية فكأنه لا يعلم عن النار ولا يطمع في الجنة، وده كله من صفات البشر لا ينفي عنك صلاحك ولا يُقنِطَك من انصلاح أمرك. ربنا يا صديقي بيحبك زي مانت بنقصك وضعفك وذنبك اللي بتتوب منه المهم انك تبقى رافض الغلط ومقر بيه مش موافق عليه ولا قابله ولا بتعاند وتستحله، ربنا يغفر كل ذنب وسيئة ما لم يكن من الكبائر؛ فاحذر ان يقودك اطلاق النظر لعلاقة محرمة على سبيل التجريب هذا التطور مُدَمِّر لا رجعة لمن وقع فيه. ({ وَٱللَّهُ یُرِیدُ أَن یَتُوبَ عَلَیۡكُمۡ وَیُرِیدُ ٱلَّذِینَ یَتَّبِعُونَ ٱلشَّهَوَ ٰ⁠تِ أَن تَمِیلُوا۟ مَیۡلًا عَظِیمࣰا (٢٧) یُرِیدُ ٱللَّهُ أَن یُخَفِّفَ عَنكُمۡۚ وَخُلِقَ ٱلۡإِنسَـٰنُ ضَعِیفࣰا (٢٨) ...... إِن تَجۡتَنِبُوا۟ كَبَاۤىِٕرَ مَا تُنۡهَوۡنَ عَنۡهُ نُكَفِّرۡ عَنكُمۡ سَیِّـَٔاتِكُمۡ وَنُدۡخِلۡكُم مُّدۡخَلࣰا كَرِیمࣰا (٣١) } انت لسة صغير راقب نفسك وتصرفاتك واعرف ايه اللي ممكن يُتَجاوز عنه وايه اللي خط احمر، ولاحظ تطورات شهوتك ونموك النفسي والعاطفي عشان تقدر تكبح وقت اللزوم وترخي وقت الزوم ومش الشهوة اللي تقودك وتسيطر عليك. ربنا يحفظك

Answer

شوف يا ابني يا حبيبي ... كلنا بنغلط ونتوب . المهم اننا نعرف ونصحح ، واحسن طريقه تصون بيها نفسك هي التقرب منن الله واظب علي قيام الليل والدعاء واظب علي صيام اتنين وخميس اوجد لنفسك هدف واشتغل عليه اهتم بالرياضة جدااااااا اهتم بتطوير عقلك بالقراءه اهم حاجة شوف ربنا في كل خطوة قبل ما تقدم عليها كده أنت في امان نهارك سعيد

Answer

برأيي تقفل كل أبواب الاباحية زي اليوتيوب والفيسبوك واي مواقع بتساعدك تمشي فى الاتجاه ده ربنا يعينك ويهديك

مش عارف ابطل

نفسية

سؤال من احد أعضاء فدني

تم النشر الاثنين، ٢١ نوفمبر ٢٠٢٢

6 إجابة

3 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك