مخنوقة اوي ومش لاقيه حد اتكلم معاه وكل الي حواليا خذلوني حتى اخواتي الي هما أقرب الناس ليا حاسه اني مليش ضهر بعد بابا ما توفى عدى عليا كل المواقف الحلوة و الوحشة ملقتش حد فيهم جبني بقيت احس ان الغريب هيبقا أحن منهم عليا بقيت بكرههم اوي بقيت حاسه اني عايزه اتعالج نفسياً بسببهم انا اصلا كنت بتعالج بعد وفاة بابا ولما بقيت كويسة شوية وقفت
ومش لاقيه حد اتكلم معاه واشتكيله منهم مش لاقيه حد يطبطب عليا ويقف جنبي ويحسسني انه ضهر عليا عندي ٥ اخوات ولاد بس مفيش ولا حد فيهم بحس اني ممكن اتسند عليه بالعكس لو اتسند عليه هقع
بدعي ربنا دايما يعوضني بس انا قلبي اتكسر وكاتمة جوايا كتير لحد ما حاسه اني هنفجر في مرة و مش هقدر اكمل
مش عارفه ازعل على فراق بابا الي عدى عليه ٤ سنين ولسه كاسر قلبي ولا اتقهر على أن رباهم ومطمرش فيهم حاجه
ليه كده كله أناني و وحش
مبقتش اثق في حد خالص مبقتش عايزه اكلم حد ولا ادي الامان لأي حد كرهت كل الرجالة عارفة أن التعميم غلط بس انا حاسه ان عمري ما هعرف ادي الأمان لحد تاني بعد ما شوفت نماذج الرجالة الي في حياتي
مش عارفه اقول ايه غير حسبي الله ونعم الوكيل ياربي
انا رائي انو انتي اول شي تقعدي مع اخوانك وتحكيلهم مشكلتك انك مش حاسة باهتمامهم وانكو بعاد عن بعض وكدا وحاولي اعرفي اعذارهم او شوفي شو حجتهم ليكونو هيك.. يمكن هما مش واخدين بالهم انهم مهملين اختهم ومتجاهلينها وانشغلو بحياتهم.. جربي مرة بس اطلبي منهم قعدة ضرورية واساليهم عن اسبابهم واطلبي اهتمامهم وظهرهم وسندهم قولي الي بقلبك بس متكونيش قاسية وتنسيش انو انتي كمان الك واجب عليهم انك تعطيهم حنانك وحبك وكدا.. في حال كانو متعمدين اهمالك ومش عايزين اهتمامك يبقى ركزي بحياتك على هوايتك وبناء شخصيتك وثقتك بنفسك واكتفي بذاتك وكملي حياتك لحالك وطبعا بوجودهم ظاهريا بس لكن انتي كوني راضية عن نفسك وما تستني راي حد وا اطراء الناس.. مش حقلك احكي لصديقتك لانو شخصيا ما بثق بالصديق واحيانا الصديق يخون الثقة ف ما بحب ااقدم نصيحة انا مش قدها لكن اذا كان عندك راي تاني بصديقتك فانتي حرة لكن برضو متعطيهاش كل اسرارك خليكي بحدود افضل
تم النشر الأحد، ٢ يونيو ٢٠٢٤
أنا حاسة جدًا بكل كلمة كتبتيها، ومقدر كل اللي بيمر بيكي. بفهم قد إيه ممكن تكون الفترة دي صعبة عليك، وفقدان الوالد أكيد كان وجع كبير لقلبي. أول حاجة بحب أقولك، إنك مش لوحدك في المشاعر دي، ومش غلط تشعري زي ما بتشعري ده طبيعة البشر. الخذلان من الاشخاص القريبين ليك ممكن يكون ألم صعب جدًا تتعاملي معاه، وخسارة السند بيوجع بعمق. الأحساس ده طبيعي، ووقت الحزن والغضب بيكون له تأثير كبير على نفسيتنا وأفكارنا. أول خطوة محتاجين نعملها مع بعض هي ناخد خطوة ورجوع للورى شويه ونفكر في الي إنتي عايزة توصليه وفي نفس الوقت تحافظي على صحتك النفسية. إرجعي للتواصل مع معالج نفسي أو مدرب حياتي يساعدك تفرغي المشاعر دي وتبتدي تتعافي خطوة بخطوة. ثاني حاجة، حاولي تتحدثي مع اصدقائك لو في شخص واحد على الأقل تثقي فيه، يمكن تلاقي دعم من مكان غير متوقع. وإن ماقدرتيش، فيه مجموعات دعم كثيرة على الإنترنت ممكن تكون مكان تتحدثي فيه وتلاقي ناس بتمر بنفس الي إنتي بتمري بيه. الدعاء حاجة كويسة، وأتمنى من ربنا يعوضك ويرزقك بالسند والدعم الي إنتي محتاجاه. استمري في الدعاء والسعي لإنك تحسني حياتك وتلاقي الراحة. وفي النهاية، اُعطي لنفسك الحق إنك تتعافي ببطئ وبالطريقة الي تناسبك. الحزن ده مش هيبان عليه إنه هيروح بسرعة، بس مع الوقت والدعم، هتلاقي نفسك قوية وقادرة تواجهي الحياة تاني. أنا هنا لأي سؤال أو استفسار، ومش هسيبك تعدي ده لوحدك. 💖
تم النشر الأحد، ٢ يونيو ٢٠٢٤
تم النشر الاثنين، ٣ يونيو ٢٠٢٤
بصي أنتي غلط ايوه أنتي غلط مش ها قولك معلش و احكيلي و الكلام ده لا أنا ها قولك كلمه واحده بس إلي أنتي فيه دلوقتي أنتي السبب فيه تمم ولو ها تغلطي حد غلطي نفسك بس عشان أنتي لو كنتي قريبه شويه شويه بس من ربنا كان ربنا صبرك على فراق باباكي ولو كنت انسانه إيجابية كنتي غيرتي اخواتك و كنتي بصيتي لي الجانب الحلو في حياتي حته لو كان حاجه صغيره أو تفه بس أنتي إلي بتصنيع يومك مش اخواتك ولا باباكي الله يرحمه أنتي فهمه
تم النشر الأحد، ٢ يونيو ٢٠٢٤
انا عارفه ان شعورك صعب بس دا كلو اختبار من ربنا بيشوف صبرك فالاخر ربنا هيجبر خطرك بحاجه هتفرح ان شاءلله يروحي ارجعي للدكتور لو عايزة تتكلمي مع حد و خدي بالك ان الناس كلها مش زي بعض يروحي يعني لو حسيتي ان اخواتك جاين عليكي شويه هتلاقي عوض ف حد من صحابك تتكلمي معاها وتحكي ليها بس عايزاكي تتاكدي ان كل دا اختبار من ربنا ولازم تبقي رضيه بيه علشان ربنا يرضيكي بعدين
تم النشر الأحد، ٢ يونيو ٢٠٢٤
لعرض السؤال في فدني اضغط هنا