السلام عليكم
مشكلتي ان جوز اختي بيهزر هزار تقيل و تريقه وانا مش بحب كده اوي يعني بشوف ان الهزار مينفعش يتضايق حد من الطرفين لو حد اتضايق معنى كده انه مش هزار بيكون حاجه سخيفه وهو بيعمل كده ودايما بيعصبني وضايقني واخر ما زهقت بقيت ارد واكلمه بنفس الاسلوب فبقى يقول لماما بنتك مفتريه وقويه صعبه وكلام من ده ولما اجي ارد ماما تزعقلي وتقولي عيب اكبر منك بعشر سنين احترميه اعمل ايه قولتله كذا مره اني مبحبش الهزار اللي من نوع ده يقولي طالما مش بتحبيه هعمله ومش عاوزه اقول لاختي عشان متزعلش لما بقول لماما مش بتعمل حاجه
وعليكم السلام ورحمه الله وبركاته بصي اللي انت عملتيه هو صح؟ انك تردي عليه بنفس الطريقه تمام ولو هو قال انه ده هي صعبه ومفتريه كل الكلام ده يعني وعلق تعليقات معناها انه انا مش عايزه هي تهزر نفس الهدار ردي انت بانه بالمثل ومش هقدر اعمل اقل من كده وحتى لو مامتك قالت لك حاجه قولي لها انا اسفه ماما حضرتك ما وقفتهوش عن الحاجه اللي بتضايقني فلذلك انا مش هتصرف ده. دي طريقه وده من حقك تماما ومهما حصل ما تتنزليش عندها ممكن طريقه ثانيه بقى دي بتكون طريقه يعني توقف لك الموضوع خالص الا وهي ايه ان لما يحصل منه الهزار البايخ او الهزار اللي هو بيضايقك انت تدي له وش الوش ده بيقول انك مش مفهوم هو انت متضايقه ولا انت عادي ولا هو ممكن يكمل ولا ما يكملش هو مش هيبقى عارف بيبقى معناه ما تديهوش رد فعله لان الشخص اللي بيكون بيستخدم الطريقه السخيفه او السمكه دي او ما فيش داعي منها هو بيكون عاوز يعني يمارس نوع من الاستفزاز ويحس ان هو اثر عليك بشكل ما ان هو ضايقك ان هو غازق شويه ان هو هزر فمنتظر انك تضحكي على هزاره ده او غيرك يضحك على هزاره عليك فلما احنا ما نديهوش رد فعل هو هيبدا اساسا يتضايق هو ليه اللي بعمله ما بيطلعلوش رد فعل ان هو بيعمل الحاجه عشان ياخذ نتيجه فلما ما ياخدش نتيجه هيبدا هو لوحده يوقف اصلا. فاا فتقدري تبصي له بصه ثابته جدا وعينيكي تكون مفتوحه ما ترمشيش ولو فكرتي تقولي حاجه اقصى حاجه تقوليها له تقولي له ها خلصت. تمام بس كده؟ لو هو حتى حاول يقول لها طب والله اللي انا قلته يضحك برده بصي له بثبات جدا وايديله لا الصراحه اللي انت قلته ما فيهوش اي حاجه تضحك. مره مع مره وباستمرارك على انك ما تديش رد فعل وتدي له الوش الثابت ده هو هيبدا يوقف اللي هو بيعمله ان شاء الله فانت قدامك يا اما الطريقه اللي انت استخدمتيها صح وبغض النظر عن مين قال لك لا وما تعمليش كده لا ده حقك انت وحدودك انت حقك تعمليها حتى لو اللي قدامك اكبر منك ب 10 سنين او 15 سنه ده مش مبرر خالص ان هو يعمل حاجه تضايقك. او انك تستخدمي الطريقه الثانيه وانا عن نفسي افضل الطريقه.
تم النشر الأربعاء، ٤ سبتمبر ٢٠٢٤
فى البداية كده.انا بأيدك جدا فى موقفك وانك حاولتي تعملي حدود بينك وبينه ودى خطوة مهمه جدا ابدأي انك تتجهليه بمعنى متظهريش ضيقتك منه وتعاملي على أنه مش موجود اصلا. حاولي تتجنبي التواجد في وقت تواجده وإذا لازم الأمر انك لازم تكوني موجودة حاولي تعملي حاجه في الوقت ده تشتت انتبهك عن اللي بيقوله زي مثلا تمسكي الفون ، خلي كلامك مع القريبين منك فقط وتجهليه تماما ومع الوقت هيلاقي أن اللي بيعمله مفيش رد فعل منك فهيبدأ يبعد اتكلمي مع مامتك وفهميها الوضع ايه وإذا استلزم الأمر كلمي اختك لأن اكيد موقفها معاه هيفرق جدا حاولي تعودي نفسك انك تكوني قوية وهادية وتتحكمي في الموقف وتشتتي انتباهك عن أي افكار أو تصرفات ممكن تأثر عليكى وترهقك نفسيا
تم النشر الخميس، ٥ سبتمبر ٢٠٢٤
لا طبعا لازم تقوليلها اكيد ايه اللي يزعلها ف كده بالعكس هى الوحيدة اللي تقدر تتحكم وتمنعه انه يتعدي حدوده معاكي ويهزر بالطريقة دي ادام انتى بتتدايقي + اكبر منك ب10 سنين يبقي لازم يكون رزين ويعمل حدود بينك وبينه ، رأيي انك لازم تعرفي اختك بشكل محترم ميحرجهاش وميزعلهاش وبطريقة لطيفة وتعرفيها انك مقصرتيش تشتكي غير بعد كتير اوى عشان تتأكد ان الحوار مش مجرد هزار عادي لا احكي لها مواقف بعينها وهى هتقدر توقفه عن الهزار ده
تم النشر الأربعاء، ٤ سبتمبر ٢٠٢٤
وعليكم السلام ورحمة الله وبركاته، أختي العزيزة، أقدر مشاعرك وأفهم تمامًا القلق الذي تشعرين به بسبب أسلوب زوج أختك في المزاح. إن المزاح بين الأشخاص يجب أن يكون لطيفًا ومقبولًا من الجميع، وعندما يتجاوز الحدود، يمكن أن يتحول إلى شيء مزعج ويخلق توترات في العلاقات. من الواضح أنك قد عبّرتِ له عن عدم ارتياحك لهذا النوع من الهزار، وهذا أمر جيد. التواصل هو مفتاح حل الكثير من المشكلات. ولكن، ربما يتطلب الأمر أن تعودي للتواصل مع زوج أختك بشكل أكثر وضوحًا وحزمًا، مع التركيز على أنه ليست المشكلة في المزاح ذاته، بل في الحدود التي يتم تجاوزها. بالنسبة لتعاملك مع والدتك، من الأفضل البحث عن الوقت المناسب لمناقشة مشاعرك بوضوح وبدون توتر. يمكنك أن تقولي لها إنك تحبين شقيقتك وعائلتها، لذا فإن هدفك هو الحفاظ على جو من الاحترام الذي يجب أن يسود بين الجميع. إذا استمر الوضع وأثر على راحتك النفسية، قد تفكرين في التحدث مع أختك بشكل خاص، حيث يمكنك إيصال مشاعرك بصدق وبناءً على حبك واحترامك لها وعائلتها. أيضًا، حاولي تجنب الردود التي قد تُعتبر استفزازية، حيث إن ذلك قد يؤدي إلى تصعيد المشكلة. أرجو أن تتذكري أن أولويتك هي الحفاظ على الجوانب الإيجابية في علاقاتك واحترام مشاعرك. شكراً لتعبيرك عن مشكلتك، وكل التوفيق لك في إيجاد حل يناسبك.
تم النشر الأربعاء، ٤ سبتمبر ٢٠٢٤
ببساطة لا تحتكي به.
تم النشر الأربعاء، ٤ سبتمبر ٢٠٢٤
لعرض السؤال في فدني اضغط هنا