أنا حاليا ف ث.ع أنا حرفيا أولى وتانية ثانوي كنت من المتفوقين اللي دايما بيتكرمو من المدرسة و المدرسين
قبل ث.ع بشهر ماتت جدتى بس مكنتش مستوعبة كنت بعيط لمجرد انى مش عارفة اتكلم معاها فين لكن انها خلاص مبقاش ليها وجود مكنش في بالى و جالى اكتئاب لما زرتها في القبر هنا أدركت أن خلاص مش هترجع وكنت بذاكر غصب عنى عشان مفتكرش اللى حصل وانسى كان كل هدفى من المذكرة انى انسى أن جدتى ماتت ( رحمها الله)
حاليا أنا حرفيا ناسية المنهج ومعدلى قليل جدا ومش عارفة اعمل ايه والامتحانات قربت خايفة اخذل أهلى وخصوصا أنهم بيعالمونى برغم انهم مش مقتدرين فحاطين آمال عالية عليا وخيفة اخذلهم يوم النتيجة حد يساعدني
السلام عليكم، ربنا يرحم جدتك ويصبرك على فراقها. أكيد هتاخدي وقتك على ما تقدري تتجاوزي رحيلها لكن افتكري إنها سنة الحياة ولازم تكملي. افتكري إنها أكيد كانت تحب إنك تتفوقي في الثانوية وتدخلي كلية كويسة وتنجحي في حياتك وخلي ده دافع لكِ. وده عكس إنك تحطي آمال أهلك على كتافك وتضغطي على نفسك بها طول الوقت وتقلقي لأن ده بيجيب نتيجة عكسية. فيه أسئلة كتير هنا عن المذاكرة ممكن تبحثي من خلال شريط البحث في التطبيق وهتلاقي نصائح كتير تفيدك. لسه فيه أشهر على الامتحانات وفي إمكانك تذاكري وتنجحي بتفوق إن شاء الله لكن بشرط تستعيني بالله وتبدأي ومتفضليش قلقانة وشاغلة بالك بأهلك وآمالهم وبالوقت اللي باقي. ركزي وحطي هدفك قُدامك واعملي اللي عليكِ وأنتِ متأكدة إن ربنا مش بيضيع تعب حد. بالتوفيق.
تم النشر الأحد، ١٦ فبراير ٢٠٢٥
ربنا يرحمها و يغفرلها، بصي أنا عارف انتي بتتكلمي في إيه كويس و اغلبنا حصله كدا لان دي سنة الحياة و كلنا هنموت و ده قدر ربنا و احنا مؤمنين و موحدين بالله و مؤمنين بالقدر خيره و شره لكن ده انا مقدرش اسيطر عليه أو اغيره ده مكتوب لكن اقدر اغير رد فعلي أنا اني ابقى شخص قوي و مسئول حصلي موقف صعب هقرالها قرآن و ادعيلها لكن مخليش الموضوع يسيطر على حياتي لان الحياة مش كدا انا ليا أصدقاء كتير منهم والدتهم توفت في آخر شهر أو شهرين قبل امتحان ٣ ث و في كليات قمة دلوقتي لان رد فعلهم انا عايز اخلي والدتي تبقى فخورة بيا حتى و هي متوفية و مش موجودة هنا رد فعلهم كان حافز زيادة ليهم و في كتير بيحصلهم حالات وفاة او اهاليهم في المستشفى أمراض خطيرة او عمليات ممكن ياخد اجازة من الشغل اسبوع طب و بعد الأسبوع؟! بيرجع يكمل اللي بدأه لانه احساسه بالالتزام و المسئولية أكبر فمن رأيي اقرأي قرآن ليها و ادعيلها و ادعي ربنا يثبتك و يقويكي و خلي ده يبقى حافز ليكي انك توصلي لحاجة كويسة و تقدير عالي يخلي اهلك فخورين بيكي و متخذلهمش لأنهم حاطين آمال كبيرة عليكي مش علشان تشتغلي و تساعدي ماديا الأهالي نفسهم يشوفوا ابنهم او بنتهم كويسين و بس حتى لو لا قدر الله مجبتيش أعلى حاجة هيفضلوا فخورين بيكي يكفي إنك بتحاولي و ربنا يوفقك يا رب
تم النشر الجمعة، ١٤ فبراير ٢٠٢٥
أنا آسفة جدًا لسماع ما مررت به، رحم الله جدتك وأسكنها فسيح جناته. الفقدان هو تجربة مؤلمة ويمكن أن تؤثر بشكل عميق على حالتنا النفسية وأدائنا الأكاديمي. دعيني أقدم لك بعض النصائح العملية التي قد تساعدك في تحسين درجاتك وتحقيق أهدافك. تنظيم وقتك : حاولي أن تقسمي منهجك إلى وحدات صغيرة وخصصي وقتًا محددًا لكل وحدة. استخدمي جدول زمني لمساعدتك في تنظيم وقتك وتحديد الأوقات المخصصة للدراسة. استعيني بالموارد المتاحة : ابحثي عن دفتر الملاحظات أو الفيديوهات التعليمية التي يمكن أن تبسط لك المفاهيم التي تواجهين صعوبة فيها. يمكنك أيضًا استخدام تطبيقات تعليمية تساعدك في فهم المادة بشكل أكثر عمقًا. الدراسة مع الأصدقاء : إذا كان لديك أصدقاء يجدون صعوبة أيضًا، يمكنك تنظيم مجموعات دراسية. هذا سيمكنكم من مساعد بعضكم والاستفادة من أفكار وآراء بعضكم البعض. التركيز على نقاط القوة : حاولي التركيز على المواد التي تجيدينها والعمل على تعزيز نقاط قوتك، بدلاً من الانشغال فقط بالمجالات التي تجدينها صعبة. التحدث مع معلميك : إذا كان لديك مشكلات معينة في بعض المواد، لا تترددي في التحدث مع معلميك. قد يقدمون لك مساعدة إضافية أو نصائح حول كيفية تحسين فهمك. كوني لطيفة مع نفسك : تذكري أن كل إنسان يواجه صعوبات. كوني إيجابية وتقبلي مشاعرك، وامنحي نفسك الفرصة للتعافي من الألم الذي تشعرين به. أهداف صغيرة قابلة للتحقيق : بدلاً من التركيز على الدرجات النهائية، ضعي لنفسك أهدافًا صغيرة، مثل تحسين درجة مئوية واحدة في امتحان معين. هذا سيساعدك على الشعور بالتقدم. وفي النهاية، يجب أن تذكري أن المحنة التي مرت بها هي مرحلة في حياتك، وتستطيعين التغلب عليها. الأهم هو أن تتذكري أن الدراسية ليست مجرد درجات، بل هي أيضا تجربة تعلم. وكوني على ثقة أن أهلك سيفخرون بك مهما كانت النتائج، لأنهم يعرفون ما مررت به. أتمنى لك كل التوفيق والنجاح.
تم النشر الجمعة، ١٤ فبراير ٢٠٢٥
لعرض السؤال في فدني اضغط هنا