أنا زهقت ومش عارف اعمل اي .دايما في بيني وبين امي خناقات كلامية وزعيق وعصبية ومابقدرش اتناقش معاها في حاجه .هي طيبة .بس المشكلة أنها عليها ضغوطات اقتصادية كتيير .بس انا زهقت من تعاملها معايا .طول الوقت تزعق .طول الوقت عايزه كلامها هو اللي يمشي حتي لو غلط بالنسبالي ومش عايزه .أنا مش عارف اتعامل معاها ازاي
تخيل معايا كده لما قدام شوية تتجوز ويبقى عندك بيتك وأولادك .. وطبعا مفيش بيت مش بيبقى فيه مشاكل. هتواجهك مشاكل وصعوبات هتبقى مضغوط .. من كل ناحية، وهتبقى برده مش عارف تتعامل بالشكل الصحيح طول الوقت مع اولادك .. وارد جدا انه يكون في عصبية وشد في الكلام. انت من جواك هتكون مش عايز كل الامور توصل لكده، لكن الظروف ساعات بتغلب الحال كلها. خلي بالك هتبقى فيه برده فجوة كبيرة بينك وبين اولادك زي بالظبط اللي موجودة ما بين الاهالي وابنائهم. كل واحد بيشوف الصح من وجهة نظره ... طبيعي جدا لان كل واحد له تفكير ونشاة مختلفة .. اللي هيريحك انك تفهم وتكون متيقن انها بتحبك .. وبتحبك جدا، وعايزة توفر ليك كل حاجة ويمكن مش عارفه تعمل ده دلوقت. اعذرها وطمنها، خليك جمبها ، وحسسها انك موجود وهتعمل كل اللي هي عايزاه ولكن اقعد معاها كده وهي رايقة شوية .. اعمل لها اي حاجة كده في ساعة رايقة وكلمها بهدوء. علشان صدقني عمر ابدا الزعيق ولا الخناق ما هيوصل لحاجة مفيدة ابدا .. ولا هتعود عليكم بأي حاجة غير الضغط اللي هيفضل موجود.
تم النشر الجمعة، ١٣ يناير ٢٠٢٣
طيب ما نوجه اهتمامنا اننا نريحها ونهديها ...نشيل من عليها اى حاجة ...نحسسها اننا حاسين بيها وانها مش شايله لوحدها. نحاول نخفف عنها الحمل المادى لو قدرنا. ننقى الوقت المناسب للنقاش عشان ماما تقدر تسمعك محتاجة يكون عندها مساحه تسمع فيها ....نوفرلها المساحة وهى هتسمع تتناقش وكله هيبقي زى الفل ان شاء الله. (وصاحبهما فى الدنيا معروفا) ربنا يبارك فى ماما ويعينها ويباركلها فيك عشان انت تربية صالحة وهمك امك وعلاقتك بيها
تم النشر الجمعة، ١٣ يناير ٢٠٢٣
انت لسه قايل عليها ضغوطات كتير واكيد ليك حقك تدايق برضه ف حاول اولا تسمع منها على طول اطلب انها تحكيلك تفاصيلها وتفرغ معاك مشاكلها وضغوطها الماديه اسمع منها قد متقدر لان كل مخف عنها الضغط النفسي كل مكانت اهدى معاك ولما تحتاج حاجه وعايز تتناقش فيها اختار وقت متكونش مضغوطه فيه اهدى عن اي يوم واطلب منها انها تتناقش معاك وتقنعك بهدوء لو الي انت عايزاه مش صح مثلا وخلي عندك حكمه واداره للموقف تعرف امتى تتكلم معاها امتى لازم تتناقش بأستماته وامتى لازم تنسحب من الحوار وامتى المفروض حتى لو فتحت الموضوع تقفله بشياكه عشان الحوار يبقا رتمه هادي وتقلل خلاف معاها وخليك مراعي نقطه بس ضغوطها واكيد سنها وحاول تحط نفسك مكانها ممكن ميكونش ردود فعلك زيها بس هيبقا عندك رد فعل بيعبر عن تعبك
تم النشر الجمعة، ١٣ يناير ٢٠٢٣
تتعاملي معاه زي ما الآية الكريمة بتقول ﴿وَقَضى رَبُّكَ أَلّا تَعبُدوا إِلّا إِيّاهُ وَبِالوالِدَينِ إِحسانًا إِمّا يَبلُغَنَّ عِندَكَ الكِبَرَ أَحَدُهُما أَو كِلاهُما فَلا تَقُل لَهُما أُفٍّ وَلا تَنهَرهُما وَقُل لَهُما قَولًا كَريمًا﴾ [الإسراء: ٢٣].. اسمعي منها، و لو فيه ضرر هيقع عليكي نتيجة تنفيذ كلامها، قوليله عليه لو أصرت نفذي طالما الضرر خفيف او لا يذكر و مش اذي بدني ، الاب و الام بيبقي ليهم نظرة نابعة من خبرات سابقة، مش دايما بيكونوا صح مفيش انسان بيكون صح دايما.. خدي بالحنية ، قوليله كلمتين حلوين، كل مرة تيجي تزعق معاكي او تفرض رأيها قوليها حاضر علشان خاطرك بس و كلام من ده، حسسيها بحبك ليها، حتي لو هترفضي تنفيذ اي امر قالته ليكي يبقي بطرقة لينة طيبة، متزعليش نفسك يا ست الكل، تقولك اعملي غصب عنك قوليله و ماله اللي تأمري بيه، حسسيها انك مكبرتيش و انك لسه طفلتها، صدقيني مع الوقت هتتغير.. ربنا يوفقك و يهديكم لبعض و ليه.
تم النشر الجمعة، ١٣ يناير ٢٠٢٣
لعرض السؤال في فدني اضغط هنا