السلام عليكم
انا شاب يا جماعه ٢١ سنه طالب جامعي حياتي صعبه وخوف شديد جداً من حاجات المفروض أنها عادية وانا عارف انها عاديه بس برضو بترعب عندي رهاب اجتماعي وحالتي فعلاً سيئه جدا لدرجة أن حتي التفكير لمجرد التفكير بس الرعشة وخفقان القلب وكل الاعراض بتظهر علي جسمي .المواقف بقي اللي ف الواقع اني اتكلم مثلاً في السكاشن قدام صحابي او المناسبات سواء حزن او فرح بالله عليكم حل للعلم باخد اندرال ٤٠ بس تعبت بجد لانه بيقلل الأعراض فقط ونا نفسي أكون طبيعي زي بقيت صحابي واخواتي حتي 😓😓
بسم الله الرحمن الرحيم ... اول حاجه استهدى بالله ثانياً مشكله الرهاب الاجتماعي مشكله عند ناس كتير ولكن لازم تتعالج عشان الواحد يقدر يعيش مرتاح ومعندوش اى عقبه ف حياتو لازم تكون عارف ان انت متولدتش كده اكيد حصلتلك صدمه او اى حاجه خلت ثقتك بنفسك تتهز بالشكل ده انت المفروض تشتغل علي حب نفسك وازاى تقدرها لأن الثقه هى عباره عن حب النفس لو انت حبيت نفسك ووثقت فيها هتعرف تتكلم وتتعامل يمكن احسن من اخواتك كمان حاول تتفرج علي البودكاست الي بتتكلم عن الموضوع ده البودكاست فكره هايله ممكن تكتب بودكاست عن الشخصيه الضعيفه أو عن الرهاب الاجتماعي وكمان لازم توقف اى حاجه بتفكرك بحاجه وحشه حصلتلك ف ترتبك وتتهز انسي الماضي واشتغل علي ثقتك وقرب من ربنا يمكن ده وسواس من شيطان وربنا يوفقك 🤍
تم النشر الأربعاء، ٤ أكتوبر ٢٠٢٣
انا كمان مريت بتجربه صعبه شويه اتعاملت مع ناس لفتره من الزمن هقولك تجريبتي يمكن تشبه تجربتك وممكن تفيدك مش عارفه بس احتمال.. الناس دي كانت بتنتقدني طول الوقت في كل تصرفاتي و دا ادي لاني بقي عندي رهاب اجتماعي بقيت اخاف اتعامل مع كل الناس بقيت بفكر ف كل كلمه هقولها ايه رد فعل ال قدامي بقيت اخاف من كل حاجه بقيت مش بقعد مع الناس ولو قعدت ببقي متوتره ومش بعرف اتصرف وماردش وايدي تترعش قعدت ٣ سنين بعاني بسبب ال سنه اللي اتعاملت مع الاشخاص دي فيها بس حاليا الحمد لله بقيد احسن كتير جدا.. بس اللي بجد ساعدني الشغل والتعامل مع الناس المباشر انا اشتغلت فتره كول سنتر بس بعدها اشتغلت شغلانه فيها تعامل مباشر و فعلا ساعدتني جدا..
تم النشر السبت، ٧ أكتوبر ٢٠٢٣
طيب انت طبعا علشان تاخد اي دواء يبقى المفروض تابعت مع طبيب مش كده؟ هو بيتابع معاك بس دوائي ؟ ولا دوائي وعلاج كلامي !!
تم النشر الخميس، ٥ أكتوبر ٢٠٢٣
بحاول والله الله المستعان 😓
تم النشر السبت، ٧ أكتوبر ٢٠٢٣
لازم الدكتور يكون كتبه ليكي لان ليه اعراض جانبيه وبعدين هو مش علاج هو مجرد انه بيقلل الأعراض
تم النشر الثلاثاء، ١٧ أكتوبر ٢٠٢٣
هو اندرال ده علاج ممكن استخدم انا كمان؟
تم النشر الثلاثاء، ١٠ أكتوبر ٢٠٢٣
عارفة انك بتخاف تتكلم عشان خايف من نظرة الناس او رد فعلهم او هياخدو انطباع عنك عامل ازاى بس صدقنى محدش بيركز مع حد اوى كدا زى ما انت فاكر يكفي اقولك ان رأيك او الكلام ال هتقوله ادام مش هيأذي حد او هيعمل مشكلة كبيرة يبقا قوله محدش يقدر يعترض ومحدش هيدايق ولا هيتقضك صدقنى
تم النشر السبت، ٧ أكتوبر ٢٠٢٣
الرهاب الإجتماعى صعب بيحتاج وقت وشغل على نفسك وتدريب اغلبنا مش عارف يتخلص منه انا واحدة بعانى من الموضوع دا بس الحل الوحيد انك تواجه حتى لو هتحس بالاعراض دى اتحملها وواجه واعمل اكتر حاجه بتخوفك وكل مرة هتواجه فيها الأعراض دى هتقل
تم النشر السبت، ٧ أكتوبر ٢٠٢٣
لعرض السؤال في فدني اضغط هنا