السلام عليكم ورحمة الله وبركاته.
انا محتاج دافع قوى يخلينى اعرف اجرى و را حلمى و هدفى بدون ملل او كسل او يحتى ما انطفى. دافع كل ما اشوفه قدامى يخلينى اقوم و اكمل و استمر رغم كل شئ.
انت كتبت الاجابه اصلا وهي دافع كل ما اشوفه قدامي بمعني اكتب حاجه تفكرك بحلمك في كل مكان بس خلبالك انك تظهر دا فالناس يكيدون لك و يحسدك بس في الوقت نفسه اكتبه قدامك ودايما فكر نفسك بيه حاوط نفسك بناس حققوا الحلم دا مش شرط علي الحقيقه ممكن علي اليوتيوب ناس معينه اتفرج علي فيديوز لناس ناجحه عشان تبقي زيهم وخليك واثق من نفسك ودي اهم حاجه يا صديق/ه و متنساش دعواتك لانها ممكن تغلب قدرك..... ربنا معاك/ي
تم النشر الثلاثاء، ٨ أغسطس ٢٠٢٣
يقول الله تعالى (وقل اعملوا فسيرى الله عملكم ورسوله والمؤمنون)
تم النشر الاثنين، ٧ أغسطس ٢٠٢٣
قال لي أستاذي أحمد بهاء الدين يومًا أن ما يجعلنا نتحرك بالفعل دافع قوي وشديد شدة الحياة والموت. فمن تتخلي عن الجلوس في المنزل وتسعى للعمل لن تفعل ذلك إلا إن كانت واقعة في أزمة شديدة تتطلب منها توفير المال بشكل ضروري وعاجل. الدافع يجب أن يكون قويًا وملحًا وضاغطًا حتى تتحرك بجد. فليس عليك سوى البحث عن دافع ينطبق عليه جملة (حياة أو موت) في حياتك
تم النشر الجمعة، ١١ أغسطس ٢٠٢٣
عشان العُمر ميجريش بحضرتَك وتقول يا رتني كنت عملت.... وفكر فِ السعاده والإنبساط اللّي هيعود عليك بعد تحقيي الهدف ده...
تم النشر الأربعاء، ٩ أغسطس ٢٠٢٣
الهدف انتي اللي بتخلقيه مش حد تاني .. يعني مثلا حد عايز ينجح اخر السنة ف كليته .. فالمفروض ده الهدف والعمل اللي انتي المفروض تقومي بيه هو المذاكرة والاجتهاد .. اما الشغف .. فالحقيقة احنا اتلكمنا عنه كتير جدا هنا .. ومن الواضح ان فيه مشكلة عند الناس لفهمها للشغف .. الشغف ما هو الا انه يعطيكي الدافعية الاولي للشئ انتي عايزاه .. غير كده لأ. يعني ايه الكلام ده؟ احنا بكل بساطة مش سوبر مان .. احنا كل يوم ممكن نتعرض لمشاكل كتير (ضغط -ملل - كسل - ضيق ) الخ .. احنا مش روبوت .. يعني بشر وبنتعرض لمشاعر كتير ممكن تأثر علينا وده الطبيعي .. لكن ايه اللي ممكن يدفعنا نحو الاهداف .. هو المسؤولية والالزام .. يعني نكون فعلا ملتزمين اننا عايزين نعمل الشئ ده علشان احنا عندنا هدف معين عايزن نوصله .. لكن اننا نكون علطول حاسين بالشغف ده مش طبيعي ومش هيحصل .. الشغف ما هو الا الشعلة الاولي واحنا علينا اننا نكمل في وسط كل المنعطفات اللي ممكن تمر علينا..
تم النشر الثلاثاء، ٨ أغسطس ٢٠٢٣
فكر بحلمك و ليش هو حلمك و بشو رح يفيد المجتمع و يفيدك
تم النشر الثلاثاء، ٨ أغسطس ٢٠٢٣
أنت الدافع عليك الإستمرار لأجل نفسك ومستقبلك
تم النشر الاثنين، ٧ أغسطس ٢٠٢٣
فكر في الحلم نفسه هو الي هيخليك تكمل وتسعي هتسعي ومش هتحس بتعبه لانه حاجه بتحبها ونفسك فيها واحساس النجاح حلو اوي عافر واجتهد عشان لما تحسه هتحس ان محدش قدك في اللحظه دي وحط مميزات وخطوات تمشي عليها الحجات دي هتحمسك
تم النشر الأربعاء، ٩ أغسطس ٢٠٢٣
لعرض السؤال في فدني اضغط هنا