اللهم صلى على سيدنا محمد
نا وحده عندى 18 سنه كنت مخطوبه لواحد اسرته كويسه عنده شقه كويسه وفـ نفس البلد الشخص دا كان في الاول تمام وطبعا البدايات حلوه بعدها بكذا شهر اتغير معاملته مش كويسه معايا وبعد ست شهور بالظبط كانت اول مره اخرج معاه واول حاجه عملنها هى روحنا ع محل الدهب عشان الدبله كانت واسعه وكدا نا بقا مفكره نى هاخد رحتى معاه واختار براحتى والل شغال في المحل صاحبوا قعد يقولى انجزى ونتى مش بتعرفى تختار وكدا قعدت شويه كدا محروجه من صحبه والل هو ازاى بتعاملنى كدا قوولتلوا يلا نا مش عايزه حاجه والخروجه اتلغت وروحت حكيت لبابا كل حاجه ونهينا الموضوع وفركشت نا كنت بحبوا واتعلقت جامد بيه كان صعب عليا انسا وكدا بعد 3شهور هو خطب والمشكله بقا انوا خطب وحده عندى ع الواتس وطبعا بركتلها وربنا يهنيكى والشغل الل مش من القلب دا وبعدها محاوتش نى اتكلم معاها حتى اخواتوا البنات عندى ع الواتس بعد م فركشت حاولت ابين نى عادى بسال عليهم وسلميلى ع باباكى ومامتك وكدا فتره كدا ولقتهم مش بيسالوا ونا الل بكلمهم فـوقفت اسال وعادى هما ع الواتس ومفيش كلام بينا الفكره بقا فـ الحربواءه الل بتنزل استورى لخطيبها الل هو كان خطيبى طيب خلى عندك دم وراعى شعورى وكدا لاء تنزل وتمحن اكتر ونا مش عارفه نا مهتمه ليه اصلاا بيها ونا حالا مخطوبه لشخص طيب وجدع وجميل ومشوفتش منوا غير كل خير بس مش عارفه انسا الاول وبفكر فيه وبدخل اكونت الانستا والتليجرام واشوف الاستورى بس مش بيعرف انوا نا ودماغى بتوجعنى اوى من الحوار دا وبعيط كتير وبقول نا وحشه فـ اي عشان يسيبنى وكدا وخطيبى حاسه نوا ميستاهلش منى كدا ومش عارفه اخرجوا من دماغى ايش اسوى يعالم هييح 🫠؟؟
المثل الشعبى بيقول ( الباب اللى يجيلك منه الريح ...سده واستريح ) امسحى يا حبيبتى ارقامهم كلهم ولا تشوفى ولا تبصى كان عنده وعنده...كان حلو ولا وحش ..انتى حلوه او وحشة ....خلاص لم يقدر نصيب بينكم ...الاسئلة اللى شاغله نفسك بيها مش هتغير من الواقع فى حاجة اصلا ولو بتقارنى بين اللى فات والحالى ....فانتى بتقارنى شوية حاجات ظاهرية ملهاش لازمة وده اللى عاملك الصداع ...وبتتخيلى بقى لو كنت مع ده كنت هخرج ازاى وهيجيبلى ايه و الحالى ممكن متلاقيش معاه ده لو عينك مش مليانه بالشخص اللى معاكى اعرفى انه مينفعكيش ,....سواء انتى باصه لغيره او لا
تم النشر الثلاثاء، ١٧ أكتوبر ٢٠٢٣
بصي انتي فركشتي اولا علشان انتي مش حابه اسلوبه ولا طريقة معاملته ليكي. السؤال بقى هل انتي عايزة ترجعي ليه علشان مثلا بتحبيه وبس؟ يعني لو افترضنا انك عايزة ترجعي .. هل الحب كافي انه يكون اسرة ناجحة؟ لو كان الحب كافي بالنسبالك ع الاقل كنتي كملتي معاه، بس الحب مش كفاية ل اي حاجه الحقيقة. وانتي عملتي الصح في الاول، بس للاسف انتي مكملتيش ع الصح ده. انتي فضلتي مواربة الباب، تتابعيه وتسالي ع اخواته وتشوفي الاستوري بتاعة خطيبته، هي حرة في الحقيقة تنزل له استوري او تعمل اللي هي عايزاه. انتي بقى اللي بتابعي ده كله، ف انتي هنا اللي تاخدي الموقف وتبطلي تتابعيهم، لكن منجيش عند الناس ونقول لا هما المفروض مينزلوش! ده سؤال عليه اجابات هن ازاي تعملي موف اون بعد العلاقة .. اتمنى تشوفي اجاباته هتفيدك جدا https://fedni.net/q/23362448/ازاي-ممكن-الانسان-يعمل-move-on
تم النشر الثلاثاء، ١٧ أكتوبر ٢٠٢٣
استعيني بالله وادعيله أنه يساعدك ،لانك مينفعش تكوني مخطوبة لشخص وتفكري في شخص تاني لانك كده هتظلميه ،لو حاسه نفسك مش قادره تنسي الاولاني يبقى الاحسن تسيبي خطيبك عشان هو مالوش ذنب
تم النشر الثلاثاء، ١٧ أكتوبر ٢٠٢٣
غلط تكوني مخطوبة وتفكري فخطيبك الاولاني دا اولا ثانيا مش كل حاجة تحصل اي نرفزة اي كلمة سيئة منه يبقى اخرها البعد كان ممكن تفضلي معاه وتستحمليه طالما بتحبيه صيانة الود هي ال بتدوم تمام الحل بقى انك تعملي لخطيبك الاول بلوك وتبطلي تراقبيه لانك هتظلمي شخص ملوش ذنب معاكي
تم النشر الثلاثاء، ١٧ أكتوبر ٢٠٢٣
كلامك جميل شكرا ليك🤍
تم النشر الثلاثاء، ١٧ أكتوبر ٢٠٢٣
اولا دا شخص ملوش اي ٣٠ لزمه اول حاجه أمسحي رقم صحبتك ورقم قرايبوا اي من يكن اختوا بقي بنت عموا اي من يكن وامسحي رقموا وصفحتوا من عندك متخليش اي أثر ليه عندك ثانيا انا عارفه شعورك بس صدقيني ربنا بعدكوا عن بعض لسبب كان ممكن يدمر حياتك فأرضي بالي ربنا كتبهولك وقربي من ربنا لأن كل ما تقربي من ربنا هيبعد عنك كل حاجه وحشه ثالثا ركزي بقي مع خطيبك التاني قصدي كلمك كلميه قالك نخرج اخرجي معاه بس بشرط لازم حد من علتك معاكي علشان حرام وانسي الموضوع انتي تستاهلي الأفضل افتكري الجمله دي وعسي ان تحبوا شيئا وهوا شرا لكم وعسي ان تكرهوا شيئا وهوا خير لكم 🥰😍يلا يا جميل اللي جاي احسن اضحك وابتسم
تم النشر الثلاثاء، ١٧ أكتوبر ٢٠٢٣
نا بعمل كدا لان مقتنعه ان الخطوبه وعد بالزواج مش اكتر لكن في الفتره الاوله بتاعت خطيبى الاول مكنتش اعرف يعنى الكلام دا كلوا وبقا عندى عقده اصلاا الل هو هتدى حب واهتمام هينقلب عليكى فـ لما الدنيا ترسا ع كتب كتاب قولى الل نفسك فيه وبحاول اقولوا كدا وهو راجل وعند مشاعر وكدا وعايز يتقالوا كلام حلو بس بحاول اتناقش معاه وافهموا وهو متفهم الحمدلله
تم النشر الثلاثاء، ١٧ أكتوبر ٢٠٢٣
التفكير دا سببه نى متعلقه بيه بس انما نى نا ظلمتوا دا لاء موضوع الدبله دا موقف من مواقف كتير نا كنت بعديها عشان نبقا كويسين مع بعض وبالنسبه لخطيبى الجديد فـ نا مش مقصره معاه فـ اي حاجه بهتم ومراعيا ربنا فيه واحنا كويسين جدا المشكله نى دماغى بيروح لتانى ومسالت نى كنت متعلقه بيه بس
تم النشر الثلاثاء، ١٧ أكتوبر ٢٠٢٣
ممكن التفكير اللي عندك ده سببه انك حسه ب الذنب و تأنيب الضمير انك جيتي عليه أو هو ميستهلش ده منك او كنتي تتخطي موضوع الدبله و اللي حصل في محل الدهب و مكنتيش خسرتيه مجرد تأنيب ضمير فحاولي تفرحي ب خطيبك الجديد و تشوفيه احسن حد و حبيه اكتر و بلاش تظلميه معاكي
تم النشر الثلاثاء، ١٧ أكتوبر ٢٠٢٣
اوعي تزعلي دا انسان ملوش لزمه وعلفكره اللي متعرفيهوش انك في البدايه مثلا لو مخصمه صحبتك هتشتقلها وبعد ما تصلحيها وتتخصموا تاني مش هتوحشك اساسا وهتقولي انا ليه صلحتها وكلمتها
تم النشر الثلاثاء، ١٧ أكتوبر ٢٠٢٣
العيله الكريمه بتاعتى كانت متعاطفه مع الحوار والل هو خلاص 6شهور هتوقفى حياتك عليه اكيد وكنت عايزه اكمل تعليمى واشتغل والحورات دى بابا موافقش وقولت مفهاش تعليم بقاا ونا مش هاخد اي حد كدا اخدتوا بعد تفكير طويل جدا وبالنسبه للى معايا هو كويس وعاملين حدود م بينا ف التعامل والكلام والشغل دا وبغير وبيعامل اهله كويس وبالنسبه للحب مفيش بنت بيدخل حياتها واحد الا ولازم تتعلق بيه ودى مشكله طبعا
تم النشر الثلاثاء، ١٧ أكتوبر ٢٠٢٣
لعرض السؤال في فدني اضغط هنا