انا زهقت خلاص عمري 17 ساعات بكتب هنا حجات عن اني معنديش ثقه في نفسي وكل دا وبتنصحوني وبعمل النصيحه بس برجع تاني لنقطه الصفر انا دلوقتي مبقتش عارفه اعمل ايه بقيت خلاص مش شايفه نفسي بنت زي البنات شايفه نفسي وحشه ومستهلش وقليله بالنسبه للناس وبقيت أتمني أن احب واتحب وكل حاجه بس برجع اقول صح مليش حق انا مش بنت وكل دا الموضوع قلب اني بقيت مش مظبطه مواعيد نومي وبقيت انام كتير اوي واصحي من النوم افضل متنحه في السقف أو في الروضه وبعد كدا بقيت ادوخ وانا علي السرير ووانا نائمه. .وبفتح الموبايل افتح اي حاجه او مسلسلات اشوف فيها ناس بيحبو بعض او ناس مثلا بيحضنو بعض زي الي في المسلسلات وبفضل اقول انا نفسي وفجأه انهار من العياط واسكت تاني ولا كأن حاجه حصلت وبعد شويه اعيط تاني ولما ببقي علي السرير ببقا بفكر كتير وببقي نفسي حد يجي يحضني واحضن المخده بحس اني لو اتحضنت هستريح شويه من الي انا فيه وانا كلها كام اسبوع وابقا في جامعه خايفه اروحها الان الناس هناك هتبقي احلي مني في الشكل وكل حاجه انا حرفيا مش عاوزه انزل من البيت وبقا يجيلي نغمات في قلبي وفي صدري مش عارفه اعمل ايه
اهم حاجه حبيبتي انك تعرفي انك هتاخدي شويه وقت علشان تحسي بالتغير هقولك علي خطوات تمشي عليها وان شاء الله تقدري تتحسني اول حاجه لازم تتقبلي نفسك زي ما هيه بحلوها وبوحشها وتحبيها .تاني حاجه تجربي لمده اسبوع تكلمي نفسك كلام إيجابي وتده هيخليكي تشوفي نفسك مبشرا تاني ثالث حاجه انك تعرفي سبب المشاعر السلبيه دي جايه منين ولما تعرفي هتقدري تلاقي حل المشكله اللي عندك وحاولي تقربي من مامتك وتحضنيها هتحسي شويه بالحب والتقدير
تم النشر السبت، ٢٠ يوليو ٢٠٢٤
مرحبًا يا جميلة، ضعي في بالكِ إن التغيير لا يحدث بسرعة ويأخذ وقتًا، وبناء العادات يتطلب وقتًا. لا تيأسي ولا تتوقفي عن المحاولة، ولا تتوقفي عن إخبار نفسكِ أنّه لا بأس من العودة لنقطة الصفر، لا بأس من الوقوع والنهوض. المشكلة أن حياتكِ فارغة لذا لا تشعرين بقيمة نفسكِ وتتأسفين على حالكِ عندما تشاهدين المسلسلات العاطفية. لكن دعيني أخبركِ، هذه المسلسلات مجرد مظاهر، صور خادعة عن العواطف تم كتابتها وتمثيلها بطريقة توصل لعقل من يشاهدها هذا التأثير وتجعله يشعر أن حياته خالية وعديمة الفائدة لأنه لم يجد الحب الذي يعيشه الأبطال. انسي تمامًا ما تقوله المسلسلات وما دام لها هذا التأثير السلبي عليكِ فتوقفي عن مشاهدتها. هناك الكثير من الأشياء المفيدة التي يمكنك ملأ وقتكِ بها والتي ستجعلكِ تشعرين بالانجاز. الأفكار السلبية التي تقولينها لنفسكِ، عقلكِ الباطن يحولها إلى حقيقة مع الوقت لذا يجب عليكِ استبدالها... كلما خطرت فكرة سيئة عن نفسكِ اكتبيها في ورقة ثم اشطبي عليها واكتبي فكرة أخرى جيدة. اجلسي مع نفسكِ وفكري وبالتأكيد ستجدين أشياء جيدة كثيرة ونعم من الله تستحق أن تشكريه عليها. حاولي مرارًا وتكرارًا ولا تتوقفي عن المحاولة وإن شاء الله ستبنين ثقتكِ بنفسكِ خطوة بخطوة كل يوم. تحياتي.
تم النشر الاثنين، ١٥ يوليو ٢٠٢٤
تقريبا انى اتغلبت ع الموضوع دا لما كنت فى سنك لما بقيت شخصيه نرجسيه مبقولش أن دا الحل بس حاول ع قد ما تقدرى تقنعى نفسك انك حباها زى ما هى و أن مليون حد يتمنى يبقى زيك و حاولى تنجحى ف حاجه مثلا علشان تثبتى لنفسك انك حققتى حاجه كان غيرك عاوز يحققها
تم النشر الثلاثاء، ١٦ يوليو ٢٠٢٤
يا حبيبتي، فهمت مشاعرك والصراعات اللي بتمري بيها، وأنا هنا عشان أسمعك وأساعدك بأفضل طريقة أقدرها. الحياة في سنك بتكون صعبة ومعقدة، وده طبيعي نشعر أحيانا بالضياع وانعدام الثقة. أول حاجة، لازم تعرفي إنك قيمة ومهمة كإنسانة بغض النظر عن أي حاجة تانية، سواء الشكل أو القبول الاجتماعي. ده مش كلام مش مجرد كلام والموضوع بياخد وقت عشان تحسيه وتعيشي به. دلوقتي، خلينا نتكلم عن بعض الخطوات العملية اللي ممكن تساعدك شوية: استشيري مختص: إذا كانت مشاعرك الثقيلة والضغط النفسي ده مستمرين وبيأثروا على حياتك اليومية بالشكل ده، من الضروري تتكلمي مع معالج نفسي أو مرشد مدرسي. ده مش ضعف، بالعكس دي خطوة شجاعة وذكية. تحديد وقت للشاشات: تحسين إنك بتقضي وقت طويل قدام الموبايل والمسلسلات. جربي تقللي من الوقت ده شويه وتحطي لنفسك حدود. ساعات كتير بنشوف صور مثالية في المسلسلات والميديا بتخلينا نحس بعدم الرضا عن حياتنا. الهوايات والأنشطة: جربي تلاقي حاجة بتحبي تعمليها زي رياضة معينة، رسم، طبخ أو قراءة. الحاجة دي ممكن تكون مصدر للفرحة والإحساس بإنجاز شيء. افضل تتكلمي: مشاكلك وأفكارك مع شخص تثقي فيه وتقدري تتكلمي براحه، ممكن يكون صديقة مقربة أو أحد أفراد العائلة. مجرد الحديث عن مشاعرك بيساعدك على إخراجها والتعامل معاها بشكل أفضل. النوم والأكل الصحي: حاولي تنامي كويس وتأكلي وجبات غذائية متوازنة. الانقلاب في مواعيد النوم والأكل ممكن يزيد من القلق والحالة النفسية السيئة. العلاقات الاجتماعية: خدي وقتك في بناء علاقات جديدة في الجامعة، مش لازم تكوني مثالية أو زي ما الناس بتشوف البنت الجميلة. كوني نفسك وشجعي نفسك على التفاعل تدريجياً. تذكري دايماً إنك مش لوحدك، وكلنا بنمر بأوقات صعبة ونحتاج للدعم. اهتمي بنفسك وبصحتك النفسية والجسدية، ومع الوقت هتحسي بتحسن إن شاء الله. إذا احتجتي تتكلمي أو تطلبي نصيحة زيادة، أنا هنا ليكي. 💜
تم النشر الاثنين، ١٥ يوليو ٢٠٢٤
لعرض السؤال في فدني اضغط هنا