عمري 22 سنه وعلاقتي بالناس مش كويسه اي علاقه بدخل فيها بفشل وبمشي بسرعه وبختفي ومندفعه وسلوكي وحش ودايما متعصبه وناس كتير انا بعدتهم عني سواء علاقات حب او صداقه وعندي مشكله انا مش عارفه ايه هي ولا عارفه اعالجها
فى البداية كده.من الواضح انك اتعرضتى لمواقف صعبه أثرت عليكى نفسيا لدرجه كبيرة وترتب عليها انك رافضة اى تعامل واحتكاك فى حياتك لانك خايفه ومش متحملة الدخول فى علاقات . الموضوع مش سهل ومحتاج منك صبر وإرادة ولو مش هتقدرى لوحدك يبقى لازم يكون معاكى لايف كوتش أو طبيب نفسى . حاولى انك تبدأئى تفهمى ده حصل من امتى وايه سببه ولما هتحددى هيكون دى بدايه انك تخرجى من الحالة دى حاولى تتكلمى مع الأشخاص اللى بترتاحى معاهم سواء صديقه او حد من العيله المهم ابدائى اتكلمى وتعاملى حتى لو بسيط. اكتبى باستمرار كل حاجه جواكى كل اللى بتحسى بيه هيفرق معاكى جدا حاولى تفتكرى انتى بتلاقي نفسك فى ايه وبتحبى تعمليه وارجعى تانى اعمليه حتى لو حاجات بسيطة بس انك تبدئى دى حاجة مهمه جدا التغيير مش بيكون فى وقت بسيط كل حاجه بتاخد وقتها فخليكى صبورة وحاولى تهدى بهدف انك ترجعى تتعاملى تانى قبل كل ده إرادتك.لازم إرادتك تكون قويه وتواجهى نفسك بالرغبه فى التغيير ده علشان تقدرى تكملى. وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷
تم النشر الخميس، ٢٥ يوليو ٢٠٢٤
بصي انتي لسه صغيره يعني لسه قدامك كتير وانا شايفه ان انتي بتحاولي تعدلي من نفسك متقوليش علي نفسك انك وحش وسلوكك وحش متسمعيش نفسك الكلام ده لان واضح انك بتتابعي تصرافتك اهو بصي ياقمر اولا بلاش تتعشمي في العلاقات ودي نصيحه عن تجربه متبقيش داخله علاقات وانتي قاصده تصاحبي دي او تحبي ده لا خلي الامور ماشيه عادي والايام تمشيها زي ماهي عايزه وخليكي فاكره اننا مختلفين عشان كده عادي انك ممكن متعجبيش ناس معينه لان في ناس معينه ممكن متعجكبيش عادي ثانيا بلاش تحامل علي نفسك عادي جدااا تكوني شخص عصبي بس الي مش عادي انك تحاولي تتحكمي في كده يعني سجلي ملحظات كده يوميه بحيث تقلقي نوبات الغضب
تم النشر الخميس، ٢٥ يوليو ٢٠٢٤
انا رأيي بما انك شخص عصبي شويتين وانتي زيي أنا، لا أنكر الحق يقال😂 وعن تجارب وخبرة وهكذا لما تحسي حالك معصبة او بدك تنفعلي وبتخافي تحكي كلام جارح للي قدامك، احكيله انو بدي شوية وقت اقعد مع حالي وروحي، بعدما تحسي حالك هديتي ابعتي لهاد الشخص الي انتي اختلفتي معه رسالة واحكو عن الي صار بهدوء ولو بكون مكالمة صوتية بكون احسن واحسن اهم اشي تحافظي على هدوئك لانو الشخص العصبي بطبعه بنفر الكل منه فإنتي تصرفي بهاي الطريقة وصدقيني ما بتندمي، بتمنى أكون فدتك🌝💗
تم النشر الجمعة، ٢٦ يوليو ٢٠٢٤
أول حاجة، أنا هنا معاك عشان ندردش ونشوف نقدر نساعدك ازاي. واضح إنك حاسة بضغوطات كبيرة وعليه مشاعر صعبة. عزيزتي، فكرة إنك تنسحبي بسرعة من العلاقات ممكن تكون ناتجة عن خوف أو قلق. يعني ممكن تكوني تحسي إنك ما تقدري على الاستمرار أو تخافي من الألم اللي ممكن يجي من الفشل. يعني زي دائرة مغلقة، كل ما تبعدي، تتأكدين إنك ما تتعرضي للأذى، بس كمان كأنك تفقدي فرص حلوة بالعلاقات. يمكن يتكون عندك حاجة وحدة تتخلصي منها عشان تحسي بالتحسن، وهو إنك تتعاملي مع مشاعرك بطريقة أفضل. جربي إنك تعملي شوية تأمل أو تكتبين عن مشاعرك. تصرفي تجاه أي مشاعر سلبية أو عصبية بطريقة إيجابية. وكمان أحسن إنك تلقي الدعم من ناس تثقين فيهم، سواء كان صديق أو شخص متخصص. التحدث عن مشاعرك مع شخص موثوق ممكن يساعدك تفهمي نفسك أكثر وتشوفي الأمور من منظور مختلف. وما تنسي انك مو وحدك، كلنا بنعاني من حاجات مشابهة. استمري في التواصل معنا وخلينا نتجاوز الأمور معاً!
تم النشر الخميس، ٢٥ يوليو ٢٠٢٤
حاولي اقعدي مع نفسك وافهمي اي سبب دا هل الناس ولا الغلط منك ....؟
تم النشر الجمعة، ٢٦ يوليو ٢٠٢٤
نرجع للتنشئه و تسلسل الأحداث السابقه
تم النشر الجمعة، ٢٦ يوليو ٢٠٢٤
لعرض السؤال في فدني اضغط هنا