طيب فى الاول انا اتعرفت على الشخص دا فى 2020 فى اخر السنه او متعرفتش عليه يعنى هو كان معايا فى المرحله الابتدائيه ولكن فصل تانى ف مكنش فى كلام فا فى بدايه اولى اعدادى ماما جبتلى تيلفون جديد وعمل سوشيال ميديا ومن ضمنهم الانستا ف انا يالى جانى شلل عملت فولو بالغلط وانا معرفش ف كان يوم سبت وهو كلمنى مع العلم ان الشخصيه دى تبقى مامته زى بنت عم ماما بس من بعيد ف اتكلمنا وبدا يحس بمشاعر وكنا تافهيين بعد يومين بالظبط قلى بحبك وفضلنا فى مرحله الى بيسموها الاستهبال وكنا مراهقين 13 سنه وبما اننا مراهقين ف اى حد فينا بيغلط فى المرحله دى ف فى شخص دخل حياتى الفتره دى دمرهاااا وكان اكبر منى ب 3 سنين دمرهاا بمعنى الكلمه ويبقى حد قريب للعيله ف اهلى عرفوا وضرب واهانه وما الى ذالك والتيلفون اتاخد منى ف بعدت فتره مش كبيره و الشخصيه الى فى نفس سنى دى رجعت اكلمها تانى فهما عرفوا ونفس الضرب والاهانه وبعدت عن صحابى وبعدت بمعنى انى بعدت وبعد ما ادونى التيلفون رجعت كلمته انا وعرفت ماما المره دى ف هنا بقى المفاجأة اشرح السبب انا حافظه رقم الشخصيه دى ف كتبت رقم غلط على اساس انوا هو بس وساعتها رحت قولت لابن خالتى عشان قال إيه ينقذنى (مع العلم ان حاليا ولاد خلاتى كلهم بجد مقرفين واشخاص فيهم عبر الدنيا بس استنضفت الناس الى بقعد معاهم يعنى) وقولتلو دا اخد رقمى ونشره( مع ان الشخصيه دى لو اى مايعملش كدا وردت فعله انا عازراه فيها الف مره )المهم ف ابن خالتى راح قله كذا وكذا ف قاله ان هيا الى كلمتنى وكدا ف انا غبيه كنت ف رحت ف نفس الوقت دا عملتله منشن على تيك توك على فديوا ف هو ساعتهااا جرحنى من حيث الكلام فقعدت ابكى ف يعنى اليوم عدا ويكون صابح يوم السبت ف الشخصيه كانت صاحبه ابن خالتى الى معندوش كرامه دا واحد تانى ف راح قال ل خالتى وخالتى قالت ل ماما ف نفس السيناريو بقااا بس مع اختلاف كرهت الشخصيه دى وغربت سنه ونص مش بشوفهااا حتى صدفه ف داخلت مدرسه حرفيا غيرت حياتى وبقيت شخصيه الحمدلله اوعى من الاول بكتير وبقيته شديده محدش يتجرى يكلمنى ولا يقرب منى دا مش معناه ان بقيت قليلة ادب فى كلامى لا بس بقيت اوعى من الاول مش سهله ف بقيت احسن ف دخل شخص فى حياتى شخص حس ان بيحبنى مع العلم انى مش بحبه بس هو بيحبنى اديله فرصه بعد زن كتير بس بعد ما اعترفلى تانى يوم كان الاربع قولتله لا لان ساعتهااا حلمت بالشخصيه الى كانت معايه فى ابتدائى والمشكله ان التفكير فيه انقذنى لان الولد الى قال بيحبنى قلى انتى الى بتتلزقى وانتى الى بتبصيلى وانتى كذا وكذا انا سمعت كدا كنت عايزه امسك الولد دا بمعنى الكلمه اضربه ادخله العنايه بس معملتش كدا عشان نفسى وعشان مقلش نفسى مع الشخصيه دى ورحت قولت ل اداره المدرسه والموضوع اتحل وكفايه بجد انه اسبتلى انو مش راجل نيجى للمفاجئه الحلوه داخل سعيد الحظ الشخصيه الى كانت معايه فى ابتدائى ف انا ساعتها قولتلوا اتقوا يوما ترجعون فيه إلى الله وادخلو البيوت من ابوابهاا وصديته كان دا فى شهر خمسه وكملت عادى حياتى الطبيعيه مع الروتين الطبيعى نيجى يوم 27 /7/2023 نرجع ونتعاتب(مع العلم ان كان فى سوء تفاهم ) وقلى انتى اتغيرتى قوى مكنتيش كدا لان دلوقتى انا الى بتحكم من حيث العلاقه لكن هو ليه تقديره واحترامه طبعا ك راجل بس انا بقول كدا من حيث العلاقه نمشيهااا كدا لغايه لما ربنا يسهل ونكون ل بعض (مع العلم فى السنه والشهور دول حصل ما بينا خناقات كتير قوى بعدنا بالشهور والايام وعرفنا تفكيرنا بيمشى ازاى ومين اى يستحمل ومين الى يصالح التانى وما الى ذالك ) احنا لسه بنحب بعض براغم كل الزحمه الى حصلت فى حياتى وحياتي الى شبه انها ادمرت ولكن دا في حكمه من عند ربنا وانا حاليا بقوله لو شوفتنى بقع وقفنى وانا نفس الموضوع عشان نحافظ على بعض
مع العلم ان كلامى معاه من ورا اهلى بس الموضوع دا هيتحل بمشيئه الخالق ولكن هو مخطط اننا نخلص تالته ثانوى ويبدا ياخد خطوه خطوبه وبعدها نبدا نكافح وانا وعدت نفسى ان الشخصيه دى هقف معاها لغايه لمااا نموت حتا لو هناكل ملح حاف وهسكن معاه فى بيت صغير بس اهم حاجه راحه البال وربنا يكرمنااا لان براغم ان هو فيه عيوب بس بيحاول يصلح من نفسه وحنين ميهونش عليه زعلى ابدا وبراغم انه بيكابر وبراغم ان عنده مشاكل فى حياته (وانا عازراه لان هو وحيد وولده متوفى ومعاه اختين ومامه وولده وصاه عليهم قبل ما يتوفى وهو راجل البيت وشايل مسئوليه كبيره قوى وزاى متقوله كدا ان بيكلمنى وبييجى يرامى حمل الدنيا معايه يعنى مثلا تعرفوا لما تلاقوا شخص مرتاحين لدرجه ان بيكون النهار وانتو من كتر التفكير فى الدنيا وتنام من كتر انك مرتاح واليوم حلو معاه او زاى ما تكون هارب من الدنيا ورايح عند شخص ربنا بعتهولك هو الشخص دا كدا ) وبراغم ان عارف بكل الشخصيات الوحشه الى مرت فى حياتى مكمل معايه ودا مش سبب عشان احبه بس هيا اسباب واحنا 17 سنه حاليا 2024
(مع العلم ان كل لما نكون بعدين عن بعض ووخلاص مش هنكلم بعض تانى وادعى ل ربنا هو يرجع معرفش ازاى وانا كل مره بقول صدفه بس قصدت اعملهااا ودعيت وكنا بعدين ويرجع الحمدلله اللهم قرب البعيد اكثر واكثر يعنى)
مفيش حاجه بتكمل للاخر انا مش مدياه الامان ولا مرتاحه معاه عكسه تماما وكمان انا مش واثقه فيه من حيث انوا هياخد خطوه بجد ومش مرتاحه ل موضوعى معاه بسبب انا بنعمل كدا من ورا اهلينا وحاسه انو بيلعب بس من تحت ل تحت وشاكه ان لو حصل واهلى عرفوا ف هو مش هيدافع زاى كل مره
وشاكه فى حتت انو قابل ان فى ناس وحشه عدت فى حياتى لان مفيش راجل يقبل حاجه زاى دى وخايفه لو حصل ما بينا حاجه يقولى انتى كذا وكذا
ف معرفش اولى من اخرى اى معاه ومش عارفه اعمل اى
المشكله انتي لسه صغيره وغير كده انتي عندك نقص في جزء معين ممكن يكون نقص في الحنان أو في الاهتمام أو او المهم عايزه تكملي مع اي حد وخلاص بتمشي وراه شهواتك وقلبك ولكن مخديش فرصه تفكري بعمل لأن هذا الشخص هتلاقي بيلعب بيكي عايز منك غرض لأن الارتباط أو الحب أثناء الطفوله مش بشجعها ليييه لأن القلب يتقلب لأن ممكن احب واحده وانا صغير بعد فتره اشوف واحده تانيه قلاقي نفسي حبتها وبعد فتره احب واحده تاني وهكذا لأن هو القلب كده أما اللي بيقول احنا مع بعض من صغرنا وعارفين بعض انتو عارفين بعد اه ولكن مش بتحبوا بعض بتضحكوا على نفسكم لأن العلاقه بينكم زي الاخوات مفيش حافز في النص وانتي يا بنت الحلال خليكي واعية وسيبك من اللي بيلعب في دماغك ولو هو شاريكي هيتقدملك غير كده متتوصليش خليكي غاليه متنزليش لمستوى أنه يتسلي معاكي لغاية ما يشوف. اقولك مثال هو انا لما اروح محل ملابس وعجبني قميص ولكن لقيته غالي شويه فأنا كنت اروح عقبال ما أجمع حجته واجي اشتريه ولكن لقيت صاحب المحل قالي طالما هتشتري خد البسه لغاية ما تجيب حقه ؟؟؟؟؟ هنا كده انا لبسته هل افكر اجيب حقه ؟؟ما خلاص انا حصلت عليه مش عاوز حاجه تاني 🤔 انتي نفس النظام خليكي غاليه لو عاوزك في حلال هيجيلك مش جاهز يبقي تقطعي المعامله نهائيا
تم النشر الأربعاء، ٤ سبتمبر ٢٠٢٤
مرحبًا، شكرًا لعرضكِ مشكلتك على فدني. أولًا، الإجابة كلها موجودة في آخر كم سطر من مشكلتك. انتي مش مدياه الأمان ولا مرتاحة معه ولا واثقة فيه... كمان مش مرتاحة عشان بتعملي كده من ورا أهلك... وخليني أقولك المشكلة مش بس إن علاقتك من ورا أهلك... علاقتكم أساسًا لا ترضي ربنا. هتقولي أنا بدعي ربنا وبيرجع... أولا الدعاء أصلا مينفعش على حاجة حرام... وعلاقتكم في الدين غير شرعية... في ديننا وأمام الله مفيش غير علاقة واحدة، يا زواج، يا خطوبة بضوابط شرعية. غير كده اسمها في القرآن (متخذات أخدان) ودي حاجة ربنا حرمها على المسلمات وقال في الآية (ولا متخذات أخدان) فمتقوليش أنا دعيت وربنا خلاه رجع لي... لأ، هو رجع عادي عشان ده اللي بيحصل من أول علاقتكم، تتخانقوا وتنفصلوا وبعدين ترجعوا. وحتى لو فرضنا إنها مش صدفة... عادي ممكن يكون ده اختبارك... هل هتبعدي عن الطريق ده وترجعي لربنا وتفتكري إنك بتخوني ثقة أهلكِ فيكِ ولا هتكملي والشيطان هيقنعك ويتحجج لك إن دي إشارات من ربنا. المهم، نصيحة من أخت كبيرة، أنتِ لسه صغيرة جدًا... 17 سنة صغيرة قوي على كل اللي بتحكيه ده، وصغيرة عشان تضيعي عمرك وأهم سنين حياتك في حوارات زي دي. المفروض انتي كبنت أغلى من كده بكتير. ركزي في حياتك ودراستك وانجحي ووقت ما ييجي الحب والزواج في موعده الصح افتحي الباب. ربنا يكتب لك الخير ويبعد عنك السوء.
تم النشر الثلاثاء، ٣ سبتمبر ٢٠٢٤
أهلاً بكِ، أقدر لكِ مشاركة قصتكِ الشاملة والمعقدة، والتي تبدو مليئة بالتحديات والمشاعر المختلطة. يبدو أنكِ بالفعل عاشرتِ تجارب متعددة في حياتكِ العاطفية، وتعرفتِ على جوانب مختلفة من العلاقات، وهذا يمكنكِ من فهم نفسك والشخص الذي تحبين بشكل أعمق. إذا كنتِ تشعرين أن هذا الشخص هو الأنسب لكِ، فإليكِ بعض النصائح التي قد تساعدكِ في إقناع عائلتكِ: التواصل الصريح : حاولي أن تتحدثي مع أفراد عائلتكِ عن مشاعركِ تجاه هذا الشاب. اشرحِ لهم لماذا تظنين أنه مناسب لكِ، وما الصفات الإيجابية التي يمتلكها. الشفافية : كوني صادقة بشأن تجربتكما السابقة وأخبرهم عن تطور علاقتكما وكيف أنكما أصبحتما أكثر نضجًا الآن. أظهري لهم أنكما تعلمتما من الأخطاء. إظهار الجدية : نوضح لعائلتكِ خططكُم المستقبلية. تحدثي عن رغبتكما في بناء علاقة صحيحة قائمة على الاحترام والتفاهم، وأنكما تتطلعان إلى الخطوبة في المستقبل القريب. الوقت الجيد : اختاري الوقت المناسب للحديث مع عائلتكِ، عندما تكون الأجواء هادئة ومناسبة. العجلة قد تؤدي إلى ردود فعل سريعة وغير محسوبة. التشجيع على التعرف عليه : إذا كان ذلك ممكنًا، حاولي ترتيب لقاء بينه وبين عائلتكِ. قد يساعدهم ذلك في فهمه والتحدث إليه مباشرة، مما قد يخفف من مخاوفهم. اعتماد الدعاء : في كل خطوة، اعتمدي على الدعاء وألحي على الله أن يسهل الأمور. تذكري دائماً أن العلاقات الناجحة تحتاج إلى وقت وصبر، وكوني على استعداد للتعامل مع أي تحديات قد تواجهكما. أتمنى لكِ كل التوفيق، وأن يسعدك الله في مساعيكِ.
تم النشر الاثنين، ٢ سبتمبر ٢٠٢٤
لعرض السؤال في فدني اضغط هنا