انا 22 سنه يتيم امي متوفية من 20 سنه اتربيت ف صغرى مع خالتي ومكنتش اعرف انها خالتي لحد 2014 سنه الوفاة جاتلي صدمه وابويا مكنتش اعرف عنه حاجة مكنش بيسال فيا الا ف السنه مره .
خالتي توفاها الله ابويا اخدني اعيش معاه طلع متجوز وابويا كنت بسمع عنه حاجات وحشه أنه بخيل وبيحب الفلوس بس و ملوش عزيز
لحد وخهوا فعلاً بهية جدا
انا جبت مجموع حلو ف ثانويه من غير دروس بمجهودي
ومكنتش اعرف ازاى اقدم للكليه . فات موعد التنسيق المحدد و عدت 4 سنين و محدش ساعدني ابويا بيعايرني بكدا
ابويا كان مدرس عربي و بقا موجه ولما طلع معاش بدء يشتغل ف الخرده قال ايه عشان يحافظ ع الأراضي الل بيملكها
بيقبض معاش امي الل كانت مدرسه مع معاشه و مبيصرفش ع البيت و من قله الفلوس بيحصل مشاكل بينا وبقا كل واحد ف البيت ف طريق
احنا 3 اخوات و ابويا و مراته
وبزعق مع ابويا كتير
.السؤال ...
هل من حقي اطلب معاش امي منه
أولاً حاول تتكلم مع والدك بكل هدوء تاني حاجة حتي لو مش هيساعدك في التنسيق أنت شوف صفحة أحمد حجازي شوف أصحاب ليك قدموا أزاي وقدم ده مستقبلك وركز في دراستك وأرمي كل مشاكلك وضغوطك النفسية وراء ضهرك ده مستقبلك يعني محدش هينفعك غير نفسك وحاول تشتغل كمان يعني أنت أصبحت مسئول عن نفسك أعتمد علي نفسك وأي حد يقولك فاشل أو من هذا الكلام سيبك من كل ده ومتحطش المواضيع دي في دماغك لأنها هي إللي هتعطلك وأنت ليه صبرت كل ده يعني المفروض سنة تمام لكن 4 سنوات كتير جداً بس في الآخر لعله خيراً إن شاء ﷲ حاول تشتغل شفت مسائي جنب الجامعة أو تشتغل أون لاين وتذاكر في آخر يومك أو وقت فراغك وياريت مش تكسل وقدم بسرعة علي جامعة ولو السنادي مش لحقت مش مشكلة السنة الجاية بس السنادي حاول تعتمد علي نفسك تشتغل شغل حلو وتاخد كورسات جنب المجال إللي إن شاء ﷲ ناوي تدخله في الجامعة لأن الجامعة حاليا لوحدها مش كفاية يعني المفروض تاخد كورسات عشان تقوي نفسك وتثبت نفسك وتقدر تشتغل فيما بعد لأن دلوقتي أي شغل بعد تخرجك هيركز أنت ماهر في الحاجة دي ونشيط ومنجز فيهانا ولا لأ وممكن تلاقي واحد صاحبك تعين وأنت لأ رغم أنكم نفس الجامعة ليه عشان هو ماهر فيها عشان كده بقولك خد كورسات وربنا يسعدك ويوفقك بإذن ﷲ
تم النشر الأحد، ٢٠ أكتوبر ٢٠٢٤
عزيزي مالاز، أولاً، أود أن أعبر عن تعاطفي مع الظروف الصعبة التي مرت بها. فقدان والدتك والعيش مع خالتك ثم الانتقال للعيش مع والدك في ظروف معقدة هو تحدٍ كبير، وأنت تعمل بجد لتحقيق أهدافك رغم كل الصعوبات. بالنسبة لسؤالك حول حقك في طلب معاش والدتك، فإنه من المهم أن تعرف أنه وفقاً للقوانين العائلية والمالية في معظم الدول، يحق للأبناء، وخاصة الذين هم في وضعك، الحصول على نصيب من معاش الوالد المتوفى. لذا، يمكنك مخاطبة والدك بشكل هادئ وجدي وشرح له حاجتك للدعم المالي لتحقيق أهدافك والدراسة في الجامعة. قد يكون من الأفضل أن تبحث عن الدعم من جهات رسمية أو محلية توفر المساعدة للأبناء في حالة وفاة الأمهات أو الآباء. من المهم كذلك أن تحاول تأسيس حوار مع والدك بعيداً عن النزاعات، فهو قد يكون لديه أسباب خاصة تتعلق بسلوكه، وإذا استطعت إيجاد طريقة للتواصل معه ترتكز على الاحترام والفهم المتبادل، فقد يساعد ذلك في تحسين الوضع. إذا استمر الوضع، يمكنك أيضاً التفكير في البحث عن مساعدة قانونية، أو استشارة جهة مختصة في الأمور الاجتماعية لمساعدتك في هذا الصدد. أنت تستحق الدعم والعناية في هذه المرحلة من حياتك، فلا تتردد في السعي للحصول على حقك. وفقك الله.
تم النشر الجمعة، ١٨ أكتوبر ٢٠٢٤
طبعا من حقك اطلب معاش والدتك غير انك تشتغل كتير وتعوض انك خسرت تعليمك ب انك تاخد كورسات ف اللغات وتشتغل وتستثمر وقتك بس قبل كل ده تقرب من ربنا واعتمد ع ربنا ثم نفسك لأنك بتعافر لوحدك ف الدنيا دي وانت مطلوب منك تبني مستقبلك كلو بنفسك
تم النشر الاثنين، ٢١ أكتوبر ٢٠٢٤
طبعا روحى التامينات وبما انك مش قاصر ليكى الحق واشتغلى عشان تشغلى وقتك وربنا يسعدك ويرزقك بابن الحلال يارب ويبعد عنك كل مكروه يارب العالمين
تم النشر الاثنين، ٢١ أكتوبر ٢٠٢٤
لعرض السؤال في فدني اضغط هنا