انا الناس كلها بتكرهني وعارفه الأسباب اللي بتكرهني عشانها وانا مبقتش قادرة استحمل كره الناس ليا وعاوزه انتحر بسببهم وكمان انا صحابي كلهم نسيوني وسبوني ومبقاش حد يكلمني ولا يعبرني معنديش غير واحده هي اللي معايا هي اصغر مني بسنه بس هي لها صحاب غير
ساعات الناس بتعيرني اني معنديش صحاب
وشعور الوحده طلع صعب عليا وكل حاجه في حياتي بايظه وبقيت اكره نفسي جدا بجد مش عارفه اوصل اللي انا حاسه بيه ولا عارفه احكي ايه ولا ايه لأن كل حاجه فحياتي بايظه بس انا خالص فضلي خطوة علي الانتحار ويا تري بعد ما اموت الناس هتقول عليا دي كانت عيله زبالة
انا يعني هديكي نصيحتي من اللي انا فهمته يعني ممكن يكون في تفاصيل انا فهمتها بشكل مش هو الحقيقي. لو انت وقعتي في غلط وبعد ما خلاص يعني الغلط ده عدى فانت حاسه انه الناس اللي عارفين الموضوع ده او عايشوا معاكي الوقت اللي كان فيه الغلطه دي بيبصوا لك او بيعاملوكي لسه على حساب الغلطه دي فهنا في احتماليه يا اما هم فعلا بيصدر منهم افعاله وبيطلع منهم بشكل مباشر تلميح وتلقيح كده يعني على الغلطه دي فعشان كده الموضوع عامل عليك ضغط كبير انت عايزه تتخلصي من الضغط ده او يكون هم ما بيعملوش اي حاجه ولكن انت اللي من جواك مش قادره تسامحي نفسك على الغلطه دي فبناء عليه بنبص لهم وحاسه ان هم اللي بيحاسبوكي على الغلطه مش قادرين يسامحوك عليها وبيعاملوكي من منطلق الغلطه. فايوم اصح. باي شكل من الاشكال ما فيش حاجه تستدعي ان الواحد ينهي حياته وربنا لسه مدي له فرصه يصلح غلطاته ارجعي كده لورا وشوفي انت لو كانت حياتك انتهت وانت ما لحقتيش تطلعي الغلطه دي الحاجه اللي حصلت دي يعني كان هيجرى ايه تفتكر كان هي كنت هتبقي مبسوطه ان حياتك انتهت كده اهو انهاء بانك تقرري تاني بنفسك هي غلطه مش هيبقى في بعدها وقت تصلحي الغلطه دي وللاسف اكتشافها هيبقى هناك قصاد ربنا. ركزي كويس قوي في اللي انت بتقوليه لنفسك. علشان ما يجيش وقت الندم فيه ما بيرجعش حاجه وما بيبقاش فيه فرصه. ناس بقى معك ناس نسيتك ناس فرقتك ما يعني الناس كده كده بتروح وتيجي. المهم ما تخسريش نفسك. وانت قلتي ان في ناس موجوده معك وكويسين بس النقطه اللي انت قلتيها بقى انه الناس دي ما يعرفونيش على حساب الغلطه اللي انا غلطتها ان انا الشخص اللي غلط الغلطه دي قبل كده ومن هنا انا شفت انك ممكن تكوني انت اللي مش مسامحه نفسك على الغلطه دي وانت اللي مش عارفه تشوفي نفسك من غير الغلطه دي. اه احنا كلنا عباره عن حاجات صح وحاجات غلط. بنعمل انجازات وحاجات كويسه وفي نفس الوقت بنعمل غلطات فكلنا ومش انت بس كوكتيل. فلو انت لما بتبصي نفسك مش شايفه غير الغلطه وشايفه ان الناس مش هتشوف فيك غير الغلطه فيبقى القصه عندك انت محتاجه انك تتخلصي من الضغط اللي انت شخصيا عاملاه لنفسك والتخلص من الضغط مش بالتخلص من الحياه تخلص من الضغط هو ان احنا كده نكون واعيين نفسيا ونعرف الموضوع ده بنتخطاه ازاي نقدر نسامح نفسنا ازاي ونمشي في السكه الصح بلاش نمشي في السكه الغلط.
تم النشر السبت، ٢٥ مايو ٢٠٢٤
وهل الانتحتار حل مناسب عشان تخلصي من الحوارات دي بالعكس انتي كده هتموتي كافره بصي يا حبيبتي اولا صلي علي النبي ثانيا ربنا مش بيحمل حد فوق طاقته الا لو هيتحل وده من رحمة الله علينا فا نفترض ان ده اختبار من الله عز وجل بيشوف مدي صبرك وتحملك ولا تنسي مقولة ان الله مع الصابرين دلوقتي لو انتي انتحرتي وقابلتي ربنا هتقولي ايه يا الله انا انتحرت عشان زهقت من حياتي هل ده مقنع دلوقتي الحوار عامل زي ان حد مديكي تليفونه وقالك خليه عندك لحد ما اروح واجي طبعا انتي هتحافظي علي التليفون ده عشان هو مظيكي الامان زي بظبط الامانه اللي ربنا ادهالك واللي هي جسمك فا انتي بل انتحار ده هتضيعي كل حاجه وهتضيعي الجنه الحياه دي كلها ماهي الا اختبار في منها الوحش وفي منها الحلو والدور علينا ف الاتنين نحمد ربنا ونصلي واهم شئ نعمل حساب للاخره مش للدنيا دلوقتي لو زعلانه من حاجه اسجدي علي سجادة الصلاة واشكي ل ربنا بكل شئ ممكن الجي يكون احسن ان شاء الله بالمناسبه الشيطان اللي بيخليكي تفكري في الحاجات دي لما تفكري بل انتحار قولي اعوذ بالله من الشيطان الرجيم وقومي صلي ركعتين لله
تم النشر الأربعاء، ٢٩ مايو ٢٠٢٤
أنا فهمانا الحالة اللي إنت فيها صعبة جدًا. الإحساس بعدم التقبل من الآخرين مؤلم جدًا، بس أنا هقولك حاجة مهمة جدًا، مش لازم تحكمي على نفسك من خلال ردة فعل الآخرين. أنت قيمتك وجمالك مش محدده بكيف الناس بيتعاملوا معاك. احنا كلنا بنمر بفترات صعبة، بس الحياة بتجدد وبتغير. وحتى لو شعرتي بالضعف أو الوحدة، مهم تعرفي إنه في أمل وفرصة للتحسن. إحنا مش هنعتبر أفكار الانتحار، لأن فيه حلول كتيرة للمشاكل. عاوزة أسألك سؤال، هل حاولتي تتكلمي مع حد من عائلتك أو صديقتك اللي بتفهمك؟ الكلام ومشاركة المشاعر بيساعد كتير في تخفيف الضغط النفسي.
تم النشر السبت، ٢٥ مايو ٢٠٢٤
انتي المفروض تحبي نفسك وسيبك من كلام الناس الي عايز يقول حاجه يقولها الناس مالهاش غير الكلام وانتي هتتحري عشان شويه ناس وحشين وبيكرهكي كلنا عندنا ناس بتكرهنا وحبي نفسي وعيشي واتفسحي وروحي وتعالي وبراحتك كده كده الناس كلها بتنقض الشخص الحلو او الوحس
تم النشر السبت، ٢٥ مايو ٢٠٢٤
لعرض السؤال في فدني اضغط هنا